លោកមហាសេដ្ឋី William Ding ជាស្ថាបនិក និងជានាយកប្រតិបត្តិរបស់ក្រុមហ៊ុនគេហទំព័រ 163. com.

លោក William Ding គឺជាស្ថាបនិក និងជានាយកប្រតិបត្តិរបស់ក្រុមហ៊ុនគេហទំព័រ 163. com. ។ គាត់បានចូលរួមចំណែកយ៉ាងច្រើននៅក្នុងការរីកចម្រើនរបស់ប្រទេសចិន ។ នេះបើយោងតាមការចុះផ្សាយរបស់ China Rich Listing ឆ្នាំ ២០១៥ គាត់គឺជាបុគ្គលម្នាក់ដែលមានជាងគេនៅលំដាប់ទី ១០ នៅក្នុងប្រទេសចិនដែលមានទ្រព្យសម្បត្តិសុទ្ធចំនួន ១០,៦ ពាន់លានដុល្លារ ។ យោងតាមរយះទស្សនាវដ្តី Forbes បានឲ្យដឹងថាលោក Ding គឺជាមហាសេដ្ឋីម្នាក់ដែលមានទ្រព្យសម្បត្តិច្រើនជាងគេបំផុតនៅក្នុងប្រទេសចិនក្នុងឆ្នាំ ២០០៣ ។

ជីវិតដំបូង៖

លោក Ding បានបញ្ចប់ការសិក្សាពីសាកលវិទ្យាល័យវិទ្យាសាស្ត្រអេឡិចត្រូនិក និងទទួលបានកំរិតបរិញ្ញាបត្រផងដែរ ។ បន្ទាប់ពីគាត់បានបញ្ចប់ការសិក្សានៅមហាវិទ្យាល័យគាត់បានចាប់ផ្តើមបម្រើការងារនៅផ្នែករដ្ឋក្នុងតំបន់ដែលជាវិស្វករ ។ ហើយក្រោយមកគាត់បានចាប់ផ្តើមបង្កើតក្រុមហ៊ុន NetEase និងបានក្លាយជាអ្នកមានជាងគេបំផុតនៅចិនដីគោកក្នុងឆ្នាំ ២០០៣ ជាមួយនឹងប្រាក់ចំណូលប្រមាណ ៧,៦ ពាន់លានយ័ន ។ នេះបើយោងតាមកំណត់ត្រា Hurun ឆ្នាំ ២០១៣ ទ្រព្យសម្បត្តិសុទ្ធសរុបរបស់គាត់ត្រូវបានប៉ាន់ប្រមាណថាមានចំនួន ៥,២ ពាន់លានដុល្លារ ។

ទ្រព្យសម្បត្តិ៖ William Ding

លោក William Ding គឺជាអ្នកជំនួញជនជាតិចិនដែលមានទ្រព្យសម្បត្តិសុទ្ធសរុបប្រមាណ ២០,៣ ពាន់លានដុល្លារគិតត្រឹមខែ មករា ឆ្នាំ ២០១៨ ។ គាត់ទទួលបានបរិញ្ញាបត្រពីមហាវិទ្យាល័យវិទ្យាសាស្ត្រអេឡិចត្រូនិចឆេងឌូដែលសព្វថ្ងៃត្រូវបានគេស្គាល់ថាជាសាកលវិទ្យាល័យវិទ្យាសាស្ត្រអេឡិចត្រូនិច និងបច្ចេកវិទ្យានៃប្រទេសចិន ។

ប្រភព៖ Phnom Penh HR