លោកមហាសេដ្ឋី Oleg Deripaska ជាស្ថាបនិករបស់ក្រុមហ៊ុន Basic Element និងជាម្ចាស់ក្រុមហ៊ុនមួយក្នុងចំណោមក្រុមហ៊ុនឧស្សាហកម្មធំបំផុតនៅប្រទេសរុស្ស៊ី

លោក Oleg Vladimirovich Deripaska កើតនៅថ្ងៃទី ០២ ខែ មករា ឆ្នាំ ១៩៦៨ គាត់គឺជាស្ថាបនិករបស់ក្រុមហ៊ុន Basic Element និងជាម្ចាស់ក្រុមហ៊ុនមួយក្នុងចំណោមក្រុមហ៊ុនឧស្សាហកម្មធំបំផុតនៅប្រទេសរុស្ស៊ី ។ គាត់ក៏ជាប្រធានក្រុមហ៊ុន En+Group និងក្រុមហ៊ុន United Company RUSAL ដែលជាក្រុមហ៊ុនអាលុយមីញ៉ូមធំជាងគេបំផុតនៅលំដាប់ទី ២ នៅលើពិភពលោក ។

ឥឡូវនេះគាត់ត្រូវបានគេចាត់ទុកថាជាបុរសម្នាក់ដែលមានជាងគេបំផុតនៅក្នុងប្រទេសរុស្ស៊ីដែលមានទ្រព្យសម្បត្តិសុទ្ធប្រមាណ ៥,៤ ពាន់លានដុល្លារគិតត្រឹមខែ មេសា ឆ្នាំ ២០១៧ ។ លោក Oleg Deripaska ក៏មានការវិនិយោគនៅក្នុងវិស័យឧស្សាហកម្មមួយចំនួនដូចជាថាមពល គ្រឿងម៉ាស៊ីន សេវាកម្មហិរញ្ញវត្ថុ និងកសិពាណិជ្ជកម្មផងដែរ ។

ការអប់រំ៖

នៅឆ្នាំ ១៩៩៣ លោក Oleg Deripaska បានបញ្ចប់ការសិក្សាផ្នែករូបវិទ្យាពីសាកលវិទ្យាល័យរដ្ឋម៉ូស្គូ ។ បន្ទាប់ពីគាត់បានបញ្ចប់ការសិក្សានៅឯសាកលវិទ្យាល័យរដ្ឋម៉ូស្គូហើយគាត់ក៏បានបន្តការសិក្សារបស់គាត់ជាអ្នករូបវិទ្យាទ្រឹស្តី ។

ប្រភព៖ Phnom Penh HR