លោកមហាសេដ្ឋី Mehmet Sinan Tara ជានាយកប្រតិបត្តិរបស់ក្រុមហ៊ុន ENKA Construction ដែលជាក្រុមហ៊ុនសំណង់ដ៏ធំជាងគេរបស់ប្រទេសទួរគី

លោក Mehmet Sinan Tara គឺជានាយកប្រតិបត្តិរបស់ក្រុមហ៊ុន ENKA Construction ដែលជាក្រុមហ៊ុនសំណង់ដ៏ធំជាងគេរបស់ប្រទេសទួរគី ។ ក្រុមហ៊ុននេះបានប្រតិបត្តិការនៅក្នុងវិស័យវិស្វកម្ម ថាមពល អចលនទ្រព្យ​ និងពាណិជ្ជកម្មផងដែរ ។ ជាងពាក់កណ្តាលនៃប្រាក់ចំណូលប្រមាណ ៤,៦ ពាន់លានដុល្លាររបស់លោក Mehmet បានមកពីការផលិតថាមពល ។

ដោយមានរោងចក្របំលែងឧស្ម័នធម្មជាតិចំនួន ៣ ដែលបានផលិតបានប្រមាណ ៣០ ពាន់លានគីឡូវ៉ាត់ម៉ោងក្នុងមួយឆ្នាំវាគឺជាក្រុមហ៊ុនផលិតអគ្គិសនីឯកជនឈានមុខគេនៅក្នុប្រទេសទួរគី ។ ក្រុមហ៊ុន ENKA Construction មានកិច្ចសន្យាលើគម្រោងហេដ្ឋារចនាសម្ព័ន្ធធំៗ និងការសាងសង់អាគារស្ថានទូតអាមេរិកនៅប្រទេសផ្សេងៗ ក៏ដូចជាអគារការិយាល័យ និងផ្សារទំនើបជាច្រើនទៀតផងដែរ ។

ទ្រព្យសម្បត្តិ៖ Mehmet Sinan Tara

លោក Mehmet Sinan Tara គឺជាពាណិជ្ជករជនជាតិទួរគីដែលមានទ្រព្យសម្បត្តិសុទ្ធសរុបប្រមាណ ១,០៥ ពាន់លានដុល្លារគិតត្រឹមខែ ឧសភា ឆ្នាំ ២០១៦ នេះបើយោងតាមរយះទស្សនាវដ្តី ​​Forbes ។ បច្ចុប្បន្នគាត់គឺជាប្រធានក្រុមប្រឹក្សាភិបាលនៃក្រុមហ៊ុន Enka ។ ក្រុមហ៊ុន ENKA Construction មានត្រូវបានគេចាត់ទុកថាជាក្រុមហ៊ុនសំណង់ដ៏ធំបំផុតមួយនៅក្នុងប្រទេសទួរគី ។

ហើយក្រុមហ៊ុននេះបានចូលរួមនៅក្នុងគម្រោងសាងសង់ដ៏ពេញនិយមពីរបីនៅក្នុងទីក្រុងអ៊ីស្តង់ប៊ុលដែលរួមមានផ្លូវរ ស្ពាន កន្លែងផលិតកប៉ាល់ កំពុងផែ និងរោងចក្រឧស្សាហកម្ម ផងដែរ ។ ក្នុងចំនោមគំរោងសំខាន់ៗ ដំបូងបង្អស់របស់ក្រុមហ៊ុនមួយនេះមានដូចជារោងចក្រដំឡើងរថយន្តដឹកទំនិញរបស់ក្រុមហ៊ុន Chrysler ក៏ដូចជារោងម៉ាស៊ីនក្រដាសផងដែរ ។

ប្រភព៖ Phnom Penh HR