លោកមហាសេដ្ឋី Feng Hailiang ជាប្រធានក្រុមហ៊ុន Hailiang Group ដែលជាសហគ្រាសឯកជនធំបំផុតរបស់ប្រទេសចិន

លោក Feng Hailiang គឺជាប្រធានក្រុមហ៊ុន Hailiang Group ។ គាត់បានចាប់ផ្តើមបង្កើតក្រុមហ៊ុនពាណិជ្ជកម្មមួយនៅឆ្នាំ ១៩៨៥ បន្ទាប់មកគាត់ចាប់ផ្តើមបង្កើតរោងចក្រផលិតស្ពាន់នៅឆ្នាំ ១៩៨៩ ។

ទ្រព្យសម្បត្តិ៖ Feng Hailiang

យោងតាមរយះទស្សនាវដ្តី Forbes បានឱ្យដឹងថាលោក Feng Hailiang គឺជាពាណិជ្ជករជនជាតិចិនដែលមានទ្រព្យសម្បត្តិសរុបប្រមាណ ២,១ ពាន់លានដុល្លារគិតត្រឹមខែ ឧសភា ឆ្នាំ ២០១៦ ។ គាត់បានបង្កើតទ្រព្យសម្បត្តិរបស់គាត់តាមរយះពីការវិនិយោគដ៏ធំរបស់គាត់នៅក្នុងវិស័យឧស្សាហកម្មកែច្នៃស្ពាន់ និងការអភិវឌ្ឍន៏អចលនទ្រព្យ ។

លោក Feng Hailiang គឺជាម្ចាស់ក្រុមហ៊ុន Zhejiang Hailiang ដែលជាក្រុមហ៊ុនកែច្នៃស្ពាន់ដែលត្រូវបានបើកដំណើរការជាសាធារណៈនៅឆ្នាំ ២០០៨ នៅលើទីផ្សារភាគហ៊ុននៅទីក្រុង Shenzhen ។ ក្រុមហ៊ុន Hailiang Group ត្រូវបានគេចាត់ទុកថាជាសហគ្រាសឯកជនធំបំផុតរបស់ប្រទេសចិន ។ ក្រុមហ៊ុននេះត្រូវបានពង្រីកខ្លួនចូលទៅក្នុងវិស័យពាណិជ្ជកម្ម ការអប់រំ អចលនទ្រព្យ និងអាជីវកម្មសណ្ឋាគារ ។ លោក Feng ក៏ជាអ្នកពាក់ព័ន្ធនៅក្នុងក្រុមហ៊ុន Sichuan Golden Summit Group ដែលជាក្រុមហ៊ុនផលិតស៊ីម៉ងត៍ដែលត្រូវបានចុះបញ្ជីនៅប្រទេសចិននាពេលបច្ចុប្បន្ន។ លើសពីនេះទៀតគាត់ក៏ទទួលបានការចាប់អារម្មណ៍លើវិស័យអប់រំនិងឧស្សាហកម្មអចលនទ្រព្យនៅក្នុងទីតាំងជាច្រើនផងដែរ ។

ប្រភព៖ Phnom Penh HR