លោកមហាសេដ្ឋី Boris Rotenberg ជាសហស្ថានិករបស់ក្រុមហ៊ុន SMP Bank

លោក Boris Rotenberg និងបងប្រុសរបស់គាត់ឈ្មោះ Arkady គឺជាមហាសេដ្ឋីនិងជាសហស្ថានិករបស់ក្រុមហ៊ុន SMP Bank ។ បងប្អូនប្រុសរបស់គាត់ត្រូវបានរងទណ្ឌកម្មពីអាមេរិកនិងបានបង្កកទ្រព្យសម្បត្តិនៅឆ្នាំ ២០១៤ ដោយសារពួកគេមានទំនាក់ទំនងយ៉ាងជិតស្និទ្ធជាមួយលោកពូទីន ។ ក្រសួងរតនាគាររបស់សហរដ្ឋអាមេរិកបានអះអាងថាលោកពូទីនបានផ្តល់ប្រាក់កម្ចីរាប់ពាន់លានដុល្លារដល់ក្រុមហ៊ុន Rotenberg ក្នុងកិច្ចសន្យាជាមួយក្រុមហ៊ុន Gazprom ដែលជាក្រុមហ៊ុនផលិតប្រេងឧស្ម័ននិងសម្រាប់ព្រឹត្តិការណ៍អូឡាំពិករដូវរងាសូជី ។

លោក Boris មិនត្រូវបានដាក់ទណ្ឌកម្មពីសហភាពអឺរ៉ុបទេព្រោះគាត់មានសញ្ជាតិជាជនជាតិហ្វាំងឡង់​ ។ ហើយគាត់ក៏ជាអនុប្រធានសហព័ន្ធយូដូរុស្ស៊ីផងដែរ ។ គាត់ក៏បានចូលរួមចំណែកជួយឧបត្ថម្ភដល់គម្រោងប្រណាំងរថយន្ត SMP ដែលជាអ្នកគាំទ្រដល់អ្នកបើកបរវ័យក្មេងជនជាតិរុស្ស៊ីម្នាក់ផងដែរ ។ កូន​ប្រុសរបស់គាត់គឺជាអនុប្រធានសហព័ន្ធកីឡាហុកឃីលើទឹកកកនិងជាអនុប្រធានក្លឹប KHL’s club SKA Saint Petersburg ផងដែរ ។

ប្រភព៖ Phnom Penh HR