លោកមហាសេដ្ឋី​ Ben Silbermann ជាសហស្ថាបនិក និងជានាយកប្រតិបត្តិរបស់ក្រុមហ៊ុន Pinterest

ជីវិតដំបូង៖

លោក Silbermann បានធំទ្បើងនៅទីក្រុង Des Moines រដ្ឋ Iowa ។ ឪពុកម្តាយរបស់គាត់គឺលោកស្រី Jane Wang និងលោក Neil Silbermann ដែលជាគ្រូពេទ្យឯកទេសជំងឺភ្នែក ។ នៅឆ្នាំ 1998 លោក Ben Silbermann បានចូលរៀននៅវិទ្យាស្ថានស្រាវជ្រាវវិទ្យាសាស្ត្រនៅ MIT ។ ក្រោយមកគាត់បានបញ្ចប់ការសិក្សាពីសាលា Des Moines Central Academy និង Des Moines Roosevelt ក្នុងឆ្នាំ 1999 ។ បន្ទាប់មកពីគាត់បានបញ្ចប់ការសិក្សាពីមហាវិទ្យាល័យ Yale ក្នុងឆ្នាំ 2003 ជាមួយនឹងសញ្ញាបត្រផ្នែកវិទ្យាសាស្ត្រនយោបាយ ។

ក្រុមហ៊ុន Pinterest បានចាប់ផ្តើមបើកដំណើរការនៅខែ មីនា ឆ្នាំ 2010 លោក Silbermann ធ្លាប់បានបម្រើការធ្វើការឲ្យក្រុមហ៊ុន Google នៅក្នុងការផ្សព្វផ្សាយពាណិជ្ជកម្មតាមអ៊ីនធឺណិត ។

ប្រភព៖​ Phnom Penh HR