លោកមហាសេដ្ឋី​ Jack & Laura Dangermond ជាសហស្ថាបនិករបស់ក្រុមហ៊ុន Esri

លោក Jack & Laura Dangermond គឺជាសហស្ថាបនិករបស់ក្រុមហ៊ុន Esri ដែលជាអ្នកដឹកនាំឧស្សាហកម្មនៅក្នុងបច្ចេកវិទ្យា GIS ដែលជាកម្មវិធីឯកទេសដែលប្រើសម្រាប់បង្កើតផែនទីឌីជីថល ។ ពួកគេបានបង្កើតវិទ្យាស្ថានស្រាវជ្រាវប្រព័ន្ធបរិស្ថាន (Esri) ក្នុងឆ្នាំ 1969 ជាមួយនឹងប្រាក់សន្សំផ្ទាល់ខ្លួនចំនួន 1,100 ដុល្លារ ។ សព្វថ្ងៃនេះក្រុមហ៊ុន Esri បានគ្រប់គ្រងឧស្សាហកម្មនេះដោយមានជាង 40% នៃចំណែកទីផ្សារ GIS សកល និងច្រើនជាង $1 ពាន់លានដុល្លារនៅក្នុងប្រាក់ចំណូលប្រចាំឆ្នាំ ។

អតិថិជន 350,000 នាក់របស់លោកស្រី Dangermonds បានប្រើប្រាស់ផលិតផលរបស់ក្រុមហ៊ុន Esri ដើម្បីបង្កើតផែនទីថ្មីចំនួន 150 លានជារៀងរាល់ថ្ងៃ។ លោក Jack ទទួលបានគំនិតក្នុងការចាប់ផ្តើមក្រុមហ៊ុននេះបន្ទាប់ពីសិក្សាផ្នែកស្ថាបត្យកម្មនៅឯសកលវិទ្យាល័យ Harvard ។ ហើយបន្ទាប់មកគាត់និងលោកស្រី Laura ត្រូវបានគេស្គាល់ថាជាអ្នកសប្បុរជនដ៏មានប្រជាប្រីយ៍ភាព ។ ក្រុមហ៊ុន Esri បានផ្តល់អំណោយដល់ទៅ $1 ពាន់លានដុល្លារនៃកម្មវិធី GIS ដោយឥតគិតថ្លៃដល់សាលា K-12 របស់អាមេរិកទាំងអស់ ហើយ Jack ត្រូវបានគេផ្តល់កិត្តិយសជាជើងឯកអង្គការសហប្រជាជាតិនៃផែនដីក្នុងឆ្នាំ 2013 ។ 

ទ្រព្យសម្បត្តិ៖ Jack & Laura Dangermond

លោក Jack & Laura Dangermond គឺជាអ្នកវិទ្យាសាស្ត្របរិស្ថាន និងជានាយកប្រតិបត្តិធុរកិច្ចអាមេរិកដែលមានទ្រព្យសម្បត្តិសរុបប្រមាណ 3.4 ពាន់លានដុល្លារគិតត្រឹមខែ មេសា ឆ្នាំ 2016 យោងតាមទស្សនាវដ្តី Forbes ។ រួមគ្នាជាមួយប្រពន្ធរបស់គាត់គឺលោកស្រី Laura បានបង្កើតក្រុមហ៊ុនសូហ្វវែរ Geographic Information Systems ដែលជាវិទ្យាស្ថានស្រាវជ្រាវលើប្រព័ន្ធបរិស្ថាន។

លោក Jack & Laura Dangermondd ក៏ជាអ្នកកាន់តំណែងជាប្រធានវិទ្យាស្ថានស្រាវជ្រាវប្រព័ន្ធបរិស្ថាន (Esri) ផងដែរ។ សព្វថ្ងៃនេះក្រុមហ៊ុន Esri ត្រូវបានទទួលស្គាល់ថាជាអ្នកបង្កើតកម្មវិធី GIS ដ៏ធំបំផុតរបស់ពិភពលោក ។លោកស្រី Dangermond បានចូលរៀននៅសាកលវិទ្យាល័យ California State Polytechnic, Pomona ជាកន្លែងដែលគាត់បានបញ្ចប់ថ្នាក់បរិញ្ញាបត្រផ្នែកស្ថាបត្យកម្ម និងវិទ្យាសាស្ត្របរិស្ថាន​។ នៅទីបំផុត គាត់បានចូលរៀននៅសកលវិទ្យាល័យ Minnesota ជាកន្លែងដែលគាត់ទទួលបានសញ្ញាប័ត្រអនុបណ្ឌិតផ្នែកស្ថាបត្យកម្ម ផ្នែកផែនការទីក្រុង។ គាត់ក៏បានសិក្សានៅសាកលវិទ្យាល័យ Harvard Graduate School of Design ជាកន្លែងដែលគាត់បានបញ្ចប់ថ្នាក់អនុបណ្ឌិតផ្នែកស្ថាបត្យកម្មក្នុងឆ្នាំ 1969 ។ គាត់គឺជាអ្នកទទួលសញ្ញាបត្របណ្ឌិតកិត្តិយសចំនួន 13 ពីសាកលវិទ្យាល័យផ្សេងៗគ្នាក្នុងពិភពលោក ។ លោក Jack Dangermond ជាអ្នកទទួលរង្វាន់ផ្សេងៗដែលរួមមានមេដាយ Cullum Geographical Medal ពីសមាគមភូមិសាស្រ្តអាមេរិក ពានរង្វាន់ John Wesley Powell ពី US Geological Survey មេដាយ Alexander Graham Bell ពី National Geographic Society ក្នុងឆ្នាំ 2010 មេដាយ Anderson ពីសមាគមអ្នកភូមិសាស្ត្រអាមេរិក និង ពានរង្វាន់ Horwood នៃសមាគមប្រព័ន្ធព័ត៌មាន ។

ប្រភព៖ Phnom Penh HR