លោកមហាសេដ្ឋី Jia Yueting ជាប្រធានក្រុមហ៊ុន LeEco

លោក Jia Yueting គឺជាប្រធានក្រុមហ៊ុន LeEco ដែលពីមុនត្រូវបានគេស្គាល់ថា Leshi Internet Information & Technology Beijing ដែលជាអ្នកបង្កើតគេហទំព័រវីដេអូអនឡាញរបស់ចិន ។ នៅដើមឆ្នាំ 2017 លោក Jia បានលក់ភាគហ៊ុនរបស់គាត់នៅក្នុងអាជីវកម្មសំខាន់ៗទៅឱ្យក្រុមហ៊ុនអភិវឌ្ឍន៍អចលនទ្រព្យហុងកុង Sunac China ក្នុងតម្លៃ 2.2 ពាន់លានដុល្លារ ។ 

ទ្រព្យសម្បត្តិ៖ Jia Yueting

លោក Jia Yueting គឺជាពាណិជ្ជករ និងសហគ្រិនជនជាតិចិនដែលមានទ្រព្យសម្បត្តិសុទ្ធចំនួន 3.2 ពាន់លានដុល្លារ ។ គាត់គឺជាអ្នកបង្កើតក្រុមហ៊ុន Leshi Internet Information & Technology Beijing ដែលជាគេហទំព័រវីដេអូអនឡាញដ៏ពេញនិយមបំផុតមួយនៅក្នុងប្រទេសចិន ។ ក្រុមហ៊ុន Leshi Holding ត្រូវបានវិនិយោគលើកម្មវិធីទូរទស្សន៍ និងការផលិតភាពយន្តជាច្រើន ។ LeVision Pictures របស់គាត់គឺជាអង្គភាពផលិតខ្សែភាពយន្ដរបស់ក្រុមហ៊ុន Leshi Holding ហើយព្រមទាំងបានចាប់ផ្តើមបើកការិយាល័យនៅទីក្រុង Los Angeles រដ្ឋ California ក្នុងឆ្នាំ 2014 ។ លោក Yueting បានធ្វើការជាមន្ត្រីជំនួយផ្នែកបច្ចេកវិទ្យាសម្រាប់ការិយាល័យពន្ធ មុនពេលចាប់ផ្តើមអាជីវកម្មជាច្រើនដែលរួមមានក្រុមហ៊ុនទូរគមនាគមន៍ឥតខ្សែ Sinotel ។ ហើយគាតក៏បានប្រកាសថា ក្រុមហ៊ុនរបស់គាត់បាននឹងកំពុងអភិវឌ្ឍរថយន្តអគ្គិសនី ហើយកំពុងស្វែងរកអាជ្ញាប័ណ្ណដើម្បីធ្វើរថយន្តទាំងនោះនៅក្នុងប្រទេសចិនផងដែរ ។

ប្រភព៖ Phnom Penh HR