លោកមហាសេដ្ឋី Gautam Adani ជាប្រធាន និងជាស្ថាបនិកនៃក្រុមហ៊ុន Adani Group

លោក Gautam Shantilal Adani កើតនៅថ្ងៃទី ២៤ ខែ មិថុនា ឆ្នាំ ១៩៦២ គាត់គឺជាប្រធាន និងជាស្ថាបនិកនៃក្រុមហ៊ុន  Adani Group ។ នេះបើយោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់លោក Adani ត្រូវបានប៉ាន់ស្មានថាមានចំនួន ៦,៣ ពាន់លានដុល្លារគិតត្រឹមខែ មេសា ឆ្នាំ ២០១៧ ។

ជីវិតដំបូង៖

លោក Adani បានរៀននៅសាលា Sheth Chimanlal Nagindas Vidyalaya នៅតំបន់ Ahmedabad ។ គាត់បានចាប់ផ្តើមរៀនបរិញ្ញាបត្រផ្នែកពាណិជ្ជកម្មនៅសកលវិទ្យាល័យ Gujarat ប៉ុន្តែបានឈប់រៀននៅឆ្នាំទី ២ ។

អាជីព៖

បន្ទាប់ពីធ្វើការនៅក្នុងហាងពេជ្រមួយនៅក្រុមហ៊ុន Mahindra Brothers អស់រយៈពេលពីរឆ្នាំ។ លោក Adani បានបង្កើតក្រុមហ៊ុនអាជីវកម្មឈ្មួញពេជ្រមួយនៅក្នុងទីក្រុង Mumbai ប្រទេសឥណ្ឌា ។ លោក Mahasukh Adani ដែលជាបងប្រុសរបស់គាត់បានហៅគាត់ត្រលប់ទៅ Ahmedabad ដើម្បីបើករោងចក្រផលិតផ្លាស្ទិចដែលគាត់ទើបនឹងទិញ ។ មិនយូរប៉ុន្មានលោក Adani បានចាប់ផ្តើមជួញដូរទំនិញដោយបាននាំចូល polyvinyl chloride ដែលជាវត្ថុធាតុដើមសំខាន់សម្រាប់ផលិតប្លាស្ទិក ។

ក្រុមហ៊ុន  Adani Group

ក្នុងឆ្នាំ ១៩៨៨ លោក Adani បានចាប់ផ្តើមបង្កើតក្រុមហ៊ុនសហគ្រាសផ្ទាល់ខ្លួនមួយឈ្មោះថា Adani លីមីតធីតដែលពីមុនត្រូវបានគេស្គាល់ថាជាក្រុមហ៊ុន Adani Export Ltd ដែលជាក្រុមហ៊ុនឈានមុខគេរបស់ Adani Group ដែលធ្វើជំនួញលើថាមពល និងទំនិញកសិកម្មជាច្រើនប្រភេទ ។ គោលនយោបាយសេរីរបស់ភាវូបនីយកម្មសេដ្ឋកិច្ចនៅឆ្នាំ ១៩៩១ បានជំរុញកំណើនអាជីវកម្មយ៉ាងឆាប់រហ័សដែលធ្វើឲ្យមានការកើនទ្បើងនូវប្រាក់ចំណេញដ៏ច្រើននៃការនាំចេញរបស់ក្រុមហ៊ុន Adani ដែលបានផ្តល់ដើមទុនបន្ថែមដល់គាត់ដើម្បីពង្រីកអាជីវកម្ម ។

នៅឆ្នាំ ២០០៦ ការនាំចេញរបស់ក្រុមហ៊ុន Adani ត្រូវបានប្តូរឈ្មោះទៅជាក្រុមហ៊ុនសហគ្រាស Adani លីមីតធីត ។ នៅឆ្នាំ ១៩៩៣ រដ្ឋាភិបាល Gujarat បានអញ្ជើញក្រុមហ៊ុនឯកជនឱ្យដំណើរការកំពង់ផែ Mundra ហើយនៅឆ្នាំ ១៩៩៥ កិច្ចសន្យានេះត្រូវបានប្រគល់ឱ្យក្រុមហ៊ុន Adani Group ជាអ្នកគ្រប់គ្រង ។ សព្វថ្ងៃកំពង់ផែ Mundra គឺជាកំពង់ផែវិស័យឯកជនដ៏ធំជាងគេបង្អស់នៅក្នុងប្រទេសឥណ្ឌាដែលមានសមត្ថភាពដឹកទំនិញបានជិត ២១០ លានតោនក្នុងមួយឆ្នាំ ។

លោក Adani ជាស្ថាបនិកនៃក្រុមហ៊ុន  Adani Power Ltd (APL) ដែលជាក្រុមហ៊ុនអាជីវកម្មផលិតថាមពល ។ ក្រុមហ៊ុន  Adani Power មានរោងចក្រផលិតថាមពលកំដៅដែលមានកម្លាំង ៤៦២០ មេហ្គាវ៉ាត់ដែលជាក្រុមហ៊ុនផលិតថាមពលកំដៅឯកជនដ៏ធំជាងគេបង្អស់របស់ប្រទេសឥណ្ឌា ។ ហើយប្រទេសឥណ្ឌាក៏ជាប្រទេសដែលផលិតថាមពលពន្លឺព្រះអាទិត្យដ៏ធំបំផុតនៅក្នុងប្រទេសរបស់ខ្លួនដែលថាមពលពន្លឺព្រះអាទិត្យអាចផលិតមានកម្លាំង ៦៤៨ មេហ្គាវ៉ាត់ដែលអាចផ្គត់ផ្គង់ភ្លើងនៅក្នុងប្រទេសឥណ្ឌាបានជាច្រើនផងដែរ។

ប្រភព៖ Phnom Penh HR