លោកមហាសេដ្ឋី Michael Steinhardt ជាម្ចាស់ក្រុមហ៊ុន Steinhardt Partners ដែលជាអ្នកគ្រប់គ្រងមូលនិធិការពារហានិភ័យ

លោក Michael Steinhardt កើតនៅថ្ងៃទី ០៧ ខែ ធ្នូ ឆ្នាំ ១៩៤០ គាត់គឺជាអ្នកវិនិយោគជនជាតិអាមេរិច និងជាអ្នកគ្រប់គ្រងមូលនិធិការពារហានិភ័យ និងជាសប្បុរសជន ។ ក្នុងឆ្នាំ ១៩៦៧ គាត់បានបង្កើតមូលនិធិការពារហានិភ័យមួយឈ្មោះថា Steinhardt Partners ដែលជាមធ្យមទទួលបានជាប្រចាំឆ្នាំ ២៤,៥% ពីអតិថិជនក្នុងឆ្នាំ ១៩៦៧ ដល់ឆ្នាំ ១៩៧៨ ។

នៅឆ្នាំ ២០០៤ លោក Michael បានដឹកនាំក្រុមហ៊ុន WisdomTree Investments ដែលជាមូលនិធិការពារហានិភ័យដោយលមានទ្រព្យសម្បត្តិជិត ៤៣ ពាន់លានដុល្លារស្ថិតក្រោមការគ្រប់គ្រងរបស់គាត់ ។ នៅខែ មករា ឆ្នាំ ២០១៤ យោងតាមរយះទស្សនាវដ្តី Bloomberg បានឲ្យដឹងថាលោក Michael ត្រូវបានគេហៅថា“អ្នកជំនួញដ៏អស្ចារ្យបំផុតរបស់ក្រុមហ៊ុន Wall Street” ។ នេះបើយោងតាមរយះទស្សនាវដ្តី Forbes បានរាយការណ៍ថាទ្រព្យសម្បត្តិរបស់គាត់មានចំនួន ១,០៥ ពាន់លានដុល្លារគិតត្រឹមខែ កុម្ភៈ ឆ្នាំ ២០១៧ ។

អាជីពដំបូង៖

លោក Michael Steinhardt បានរៀននៅសាកលវិទ្យាល័យ Pennsylvania និងបានបញ្ចប់ការសិក្សានៅឆ្នាំ ១៩៦០ ។ គាត់បានចាប់ផ្តើមអាជីពរបស់គាត់ដែលបានធ្វើការឱ្យមូលនិធិ Calvin Bullock និងក្រុមហ៊ុនឈ្មួញ Loeb Rhoades & Co ។
លោក Michael Steinhardt គឺជាម្ចាស់ក្រុមហ៊ុន Steinhardt Partners ដែលជាអ្នកគ្រប់គ្រងមូលនិធិការពារហានិភ័យ ។

លោក Michael ក៏ជាប្រធាន និងជាម្ចាស់ភាគហ៊ុនបុគ្គលដ៏ធំជាងគេបង្អស់នៅក្នុងក្រុមហ៊ុន WisdomTree Investments ដែលជាក្រុមហ៊ុនផ្គត់ផ្គង់ ETF ដែលបានធ្វើអាជីវកម្មសាធារណៈដោយបានអះអាងថាមានការបង្វិលថ្មីលើការវិនិយោគមូលនិធិសន្ទស្សន៍ ។

ទ្រព្យសម្បត្តិ៖ Michael Steinhardt

លោក Michael Steinhardt គឺជាអ្នកគ្រប់គ្រងមូលនិធិការពារហានិភ័យ និងជាអ្នកវិនិយោគ និងជាអ្នកបោះពុម្ភផ្សាយ និងសប្បុរសជនអាមេរិកដោយមានទ្រព្យសម្បត្តិសុទ្ធ ១,២ ពាន់លានដុល្លារ ។ លោក Michael កើតនៅទីក្រុងប៊្រុគ្លីនរដ្ឋញូវយ៉កក្នុងឆ្នាំ ១៩៤០ ហើយគាត់បានបញ្ចប់ការសិក្សាពីសាកលវិទ្យាល័យ Wharton និងសាកលវិទ្យាល័យ Pennsylvania ។

ក្នុងឆ្នាំ ២០០៤ លោក Michael បានទទួលការងារមួយនៅក្នុងក្រុមហ៊ុន Index Development Partners, Inc ដែលបានក្លាយជាប្រធានក្រុមហ៊ុន WisdomTree Investments ។ លោក Michael គឺជាមនុស្សម្នាក់ដែលមានចិត្តសប្បុរសធម៌នឹងសកម្មសម្រាប់បុព្វហេតុជនជាតិជ្វីហ្វ​ ។

ប្រភព៖ Phnom Penh HR