លោកមហាសេដ្ឋី Surendra Hiranandani ជាសហស្ថាបនិក និងជានាយកគ្រប់គ្រងរបស់ក្រុមហ៊ុន Hiranandani Group ដែលបានចូលរួមនៅក្នុងវិស័យអាជីវកម្មអចលនៈទ្រព្យ

លោក Surendra Hiranandani គឺជាសហគ្រិនជនជាតិឥណ្ឌាដែលជាសហស្ថាបនិក និងជានាយកគ្រប់គ្រងរបស់ក្រុមហ៊ុន Hiranandani Group ដែលបានចូលរួមនៅក្នុងវិស័យអាជីវកម្មអចលនៈទ្រព្យ ។ គាត់បានជាប់ចំណាត់ថ្នាក់ក្នុងចំណោមកំពូលមហាសេដ្ឋីទាំង ១០០ របស់ប្រទេសឥណ្ឌាយោងតាមរយះទស្សនាវដ្តី Forbes ។

អាជីព៖

លោក Surendra Hiranandani កើតនៅឆ្នាំ ១៩៥៤ នៅទីក្រុង Mumbai ។ គាត់បានបម្រើការជាស្ថាបនិក និងជានាយកគ្រប់គ្រងរបស់ក្រុមហ៊ុន Hiranandani Group ។ ហើយគាត់ក៏បានបម្រើការជានាយកប្រតិបត្តិនៃក្រុមហ៊ុន Provogue Ltd ចាប់ពីថ្ងៃទី ៧ ខែ មីនា ឆ្នាំ ២០០៥ ដល់ថ្ងៃទី ១០ ខែ វិច្ឆិកា ឆ្នាំ ២០១២ លោក Surendra រួមជាមួយបងប្រុសរបស់គាត់គឺលោក Niranjan បានទិញដី ២០០ ហិចតានៅទីក្រុង Powai Mumbai ក្នុងឆ្នាំ ១៩៨៥ ហើយបានចាប់ផ្តើមបង្កើតអាជីវកម្មអចលនៈទ្រព្យដែលមានឈ្មោះថា Hiranandani Gardens ។

លោក Surendra គឺជាអ្នកអភិវឌ្ឍន៍អចលនៈទ្រព្យដែលមានមូលដ្ឋាននៅទីក្រុងបុមបៃ ។ ហើយគាត់ក៏ជាម្ចាស់ក្រុមហ៊ុន Hiranandani Group ដែលត្រូវបានគេដឹងថាបានទិញដីចំនួន ២៥០ ហិចតានៅក្នុងទីក្រុង Bangalore, Chennai និងតំបន់ Hyderabad ក្នុងតម្លៃ ៨០០ រូពី ។ ក្បាលដីទាំង ៣ រួមមានដី ១២០ ហិចតានៅបាងហ្គាឡូ ១១០ ហិចតានៅឆេណៃនិង ២០ ហិចតានៅហ៊ីដរ៉ាបាដហើយក៏មានគម្រោងបង្កើតទីផ្សារអចលនទ្រព្យនៅខាងជើង និងខាងលិចនៃប្រទេសឥណ្ឌាឆាប់ៗនេះដែរ ។

ទ្រព្យសម្បត្តិ៖ Surendra Hiranandani

លោក Surendra Hiranandani ដែលជាប្អូនប្រុសរបស់លោក Niranjan Hiranandani ដែលជាមហាសេដ្ឋីអចលនៈទ្រព្យ និងជាម្ចាស់ហាងសម្លៀកបំពាក់ House of Hiranandani ។ គាត់នៅតែជាម្ចាស់ភាគហ៊ុន ៥០% នៅក្នុងគំរោងចាស់ៗដែលបានបង្កើតទ្បើងរួមជាមួយបងប្រុសរបស់គាត់ ។ អ្វីដែលជាកិច្ចព្រមព្រៀងដ៏ធំបំផុតមួយនៅក្នុងវិស័យអចលនទ្រព្យពាណិជ្ជកម្មពួកគេបានលក់ការិយាល័យ និងទ្រព្យសម្បត្តិរបស់ពួកគេនៅទីក្រុង Powai ទៅឱ្យក្រុមហ៊ុន Brookfield Asset Management ក្នុងតម្លៃ ១ ពាន់លានដុល្លារ ។
ប្រភព៖ Phnom Penh HR