លោកមហាសេដ្ឋី Sanford Diller ជាម្ចាស់ក្រុមហ៊ុនអចលនទ្រព្យ Prometheus Group ដែលជាក្រុមហ៊ុនអភិវឌ្ឍអចលនទ្រព្យលើគម្រោងផ្ទះល្វែងដ៏ធំជាងគេបំផុតនៅទីក្រុងសាន់ហ្វ្រាន់ស៊ីស្កូ

លោក Sanford Diller កើតនៅឆ្នាំ ១៩២៧ ដែលជាមហាសេដ្ឋីជនជាតិអាមេរិក និងជាម្ចាស់ក្រុមហ៊ុនអចលនទ្រព្យ Prometheus Group ។

ជីវប្រវត្តិ៖

លោក Diller បានបញ្ចប់ការសិក្សាពីសាកលវិទ្យាល័យ Berkeley រដ្ឋកាលីហ្វ័រញ៉ាហើយបន្ទាប់មកបានបញ្ចប់ការសិក្សាថ្នាក់បណ្ឌិតពីមហាវិទ្យាល័យច្បាប់ ។ លោក Diller បានចាប់ផ្តើមបង្កើតក្រុមហ៊ុនមួយដែលបានផ្តោតលើការអភិវឌ្ឍអចលនទ្រព្យនៅពាក់កណ្តាលទសវត្សឆ្នាំ ១៩៦០ ។ ហើយនៅឆ្នាំ ១៩៦៥ គាត់បានចាប់ផ្តើមបង្កើតក្រុមហ៊ុនផ្ទាល់ខ្លួនមួយដែលមានឈ្មោះថាក្រុមហ៊ុនអចលនទ្រព្យ Prometheus Group ។

ក្រុមហ៊ុន Prometheus បានក្លាយជាក្រុមហ៊ុនអភិវឌ្ឍអចលនទ្រព្យលើគម្រោងផ្ទះល្វែងដ៏ធំជាងគេបំផុតនៅទីក្រុងសាន់ហ្វ្រាន់ស៊ីស្កូដែលមានម្ចាស់កម្មសិទ្ធិជាង ១១.០០០ យូនីតនឹងមានតម្លៃ ២,៣ ពាន់លានដុល្លារ ។ ក្រុមហ៊ុន Prometheus ជាកម្មសិទ្ធិរបស់លោក Diller និងភរិយារបស់គាត់ ។

សប្បុរសធម៍៖

នៅឆ្នាំ ២០០២ កម្មវិធីគ្រួសាររបស់ Helen Diller បានបរិច្ចាគទឹកប្រាក់ចំនួន ៥ លានដុល្លារដើម្បីសកម្មភាពសប្បុរសធម៍​ ។ ក្នុងឆ្នាំ ២០០៣ លោក Diller បានបរិច្ចាគ ៣៥ លានដុល្លារដើម្បីផ្តល់មូលនិធិដល់មជ្ឈមណ្ឌលថែទាំគ្រួសាររបស់ Helen Diller នៅឯមជ្ឈមណ្ឌលយូស៊ីសាន់ហ្វ្រាន់ស៊ីស្កូលើបរិវេណជីវសាស្ត្រ ។ ចាប់តាំងពីឆ្នាំ ១៩៩៩ លោក Dillers បានបរិច្ចាគថវិកាចំនួន ២០០ លានដុល្លារតាមរយៈមូលនិធិគ្រួសាររបស់ពួកគេដែលដាក់ឈ្មោះតាមប្រពន្ធរបស់គាត់ឈ្មោះថា The Helen Diller Family Foundation ។

អំណោយសំខាន់ៗផ្សេងទៀតបានផ្តល់ថវិកាដល់កម្មវិធីសិក្សានៅឯសាកលវិទ្យាល័យ UC Berkeley និង UC Santa Cruz សម្រាប់ការជួសជុលសួនកុមារ Julius Kahn នៅឯ Presidio និងសាលាមត្តេយ្យថ្មីមួយនៅមជ្ឈមណ្ឌលសហគមន៍ជ្វីហ្វមួយនៅទីក្រុងហ្វ្រាន់ស៊ីស្កូ ។ ចាប់តាំងពីឆ្នាំ ២០០៧ ពានរង្វាន់យុវជន Diller Teen Tikkun Olam បានទទួលស្គាល់យុវជនជ្វីហ្វរបស់រដ្ឋកាលីហ្វ័រញ៉ាដែលយុវជនគំរូល្អនៅក្នុងសហគមន៍របស់ពួកគេ ។

ជីវិត​ឯកជន៖

នៅឆ្នាំ ១៩៥១ លោក Diller បានរៀបការជាមួយលោកស្រី Helen Samuels ដែលជាកូនស្រីរបស់ជនអន្តោប្រវេសន៍ជ្វីហ្វមកពីប្រទេសប៉ូឡូញ ។ ឪពុករបស់លោកស្រី Helen គឺជាអ្នកលក់សម្លៀកបំពាក់ និងជាម្ចាស់ហាង ។ លោក Dillers បានរស់នៅក្នុងតំបន់ Woodside រដ្ឋ California ។

ប្រភព៖​ Phnom Penh HR