លោកមហាសេដ្ឋី Henry Kravis ជាសហស្ថាបនិករបស់ក្រុមហ៊ុន Kohlberg Kravis Roberts & Co ដែលជាក្រុមហ៊ុនមូលធនឯកជន

លោក Henry Kravis កើតនៅថ្ងៃទី ០៦ ខែ មករា ឆ្នាំ ១៩៤៤ ដែលជាអ្នកជំនួញជនជាតិអាមេរិក ។ គាត់គឺជាសហស្ថាបនិករបស់ក្រុមហ៊ុន Kohlberg Kravis Roberts & Co ដែលជាក្រុមហ៊ុនមូលធនឯកជន ។ លោក Kravis មានទ្រព្យសម្បត្តិចំនួន ៩៤,៣ ពាន់លានដុល្លារគិតត្រឹមថ្ងៃទី ៣១ ខែ ធ្នូ ឆ្នាំ ២០១៣ ។ គាត់គឺជាអ្នកមានជាងគេបំផុតនៅសហរដ្ឋអាមេរិកដែលបានជាប់នៅលំដាប់ទី ២៧៨ នៅលើពិភពលោក ។
ជីវិតដំបូង៖

លោក Kravis កើតនៅក្នុងត្រកូលគ្រួសារជ្វីហ្វនៅទីក្រុង Tulsa រដ្ឋ Oklahoma ។ គាត់បានចូលរៀននៅសាលា Eaglebrook បន្ទាប់មកគាត់បានបន្តចូលរៀននៅវិទ្យាល័យ Loomis Chaffee School ជាកន្លែងដែលគាត់បានចូលរួមនៅក្នុងជួររដ្ឋាភិបាល និងត្រូវបានគេបោះឆ្នោតជ្រើសរើសជាអនុប្រធានក្រុមប្រឹក្សានិស្សិតនៅឆ្នាំជាន់ខ្ពស់​ ។

ហើយក្រោយមកគាត់បានបន្តចូលរៀននៅមហាវិទ្យាល័យ Claremont McKenna ដោយបានជ្រើសរើសយកមុខជំនាញខាងសេដ្ឋកិច្ច ។ គាត់បានបញ្ចប់ការសិក្សាពីសាលា CMC ក្នុងឆ្នាំ ១៩៦៧ មុនពេលគាត់បានបន្តទៅសាលាពាណិជ្ជកម្មកូឡុំបៀជាកន្លែងដែលគាត់បានទទួលសញ្ញាប័ត្រអនុបណ្ឌិតនៅឆ្នាំ ១៩៦៩ ។  

ទ្រព្យសម្បត្តិ៖ Henry Kravis

នេះបើយោងតាមរយះទីភ្នាក់ងារព័ត៌មាន Bloomberg បានឱ្យដឹងថាលោក Henry Kravis មានទ្រព្យសម្បត្តិសរុបប្រមាណ ៥,០៤ ពាន់លានដុល្លារគិតត្រឹមខែ មីនា ឆ្នាំ ២០១៧ ។ កាលពីមុនលោក​ Kravis ត្រូវបានទស្សនាវដ្តី Forbes ចាត់ចូលទៅក្នុងបញ្ជីឈ្មោះមហាសេដ្ឋីពិភពលោកដែលបានជាប់នៅលំដាប់ទី ២៨១ នៅលើពិភពលោក និងជាមហាសេដ្ឋីម្នាក់ដែលបានជាប់នៅលំដាប់ទី ៨៨ នៅសហរដ្ឋអាមេរិក ។

លោក Henry Kravis គឺជាសហស្ថាបនិករបស់ក្រុមហ៊ុន Kohlberg Kravis Roberts & Co ដែលជាក្រុមហ៊ុនភាគហ៊ុនឯកជនដែលមានទ្រព្យសម្បត្តិជាង ៦២ ពាន់លានដុល្លារ ។ គាត់ត្រូវបានគេដឹងថាជាអ្នកគាំទ្រដល់សប្បុរសធម៍នៅក្នុងយុទ្ធនាការរបស់ឥស្សរជននយោបាយជាច្រើនរួមមានលោក John McCain និងប្រធានាធិបតី George W. Bush ។

ប្រភព៖ Phnom Penh HR