តើពាក្យ «បាយសិង្ឃាដក៍» មានន័យដូចម្ដេច ?

បាយសិង្ឃាដក៍

?ថ្នាក់ពាក្យជា នាមសព្ទ
មានន័យថា (បា. សឹឃាដក ឬ សិង្ឃាដក; សំ. ស្រិង្គាតក “ផ្លូវឬអ្វីៗដែលមានសណ្ឋានដូចជាផ្លែក្រចាប់, ផ្លូវបែក ៣ ឬ ផ្លូវបែក ៤, ផ្លូវត្រឡែងកែង”) ឈ្មោះដុំបាយតូចៗបួនដុំដែលដាក់ទើរលើមាត់ឆ្នាំងដាំថ្នាំរំងាប់រោគ ប្រើជាគ្រឿងប្រសិទ្ធីថ្នាំឆ្នាំងឲ្យពូកែ (ប្រើតាមតម្រាគ្រូថ្នាំ) ។ ព. ទ. បុ. បាយសិង្ឃាដក៍ ហ៊ានប្រមាថកន្ទោងចំ និយាយអំពីគេថាឲ្យមនុស្សអ្នកតូចទាបខ្សត់ខ្សោយដែលហ៊ានចូលដណ្តឹងកូនស្រីអ្នកមានយសស័ក្ដិធំឬអ្នកមានទ្រព្យធនច្រើន, ពុំនោះដែលហ៊ានប្រទូស្តតតាំងនឹងអ្នកទាំងនោះ, គេប្រៀបដូចជាបាយសិង្ឃាដក៍ជារបស់ថោកទាបជាងកន្ទោងចំដែលសម្រាប់ដាក់ក្នុងទីខ្ពស់ ទីរុងរឿង ដូច្នោះឯង ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត