តើពាក្យ «ភោគ» មានន័យដូចម្ដេច ?

ភោគ

👉ថ្នាក់ពាក្យជា នាមសព្ទ
មានន័យថា ( សំ. បា. ភោគ ) សម្បត្តិ, ទ្រព្យ; សេចក្ដីសុខ; ការបរិភោគ; សួយ; ភ្នេន, របត់, ផ្នត់ … ។ ភោគបតី ( ភោគៈប៉ៈដី ) ម្ចាស់ទ្រព្យ; អ្នកមានទ្រព្យ; អ្នកត្រួតត្រាស្រុកសួយ ( ចៅហ្វាយស្រុក ) ។ ភោគព័ស្តុ ឬ ភោគភ័ស្ដុ ( ភោក-ព័សឬ-ភ័ស ) ទ្រព្យសម្បត្ដិផ្សេងៗ ។ ភោគលាភ ( ភោគៈលាប ) ការបានទ្រព្យ; ការប្រាក់ ឬ ប្រាក់ការ; ចំណេញ ។ ភោគវ័ត, ភោគវ័ន្ត ឬ ភោគី អ្នកមានទ្រព្យ; បើស្ត្រីជា ភោគវតី, ភោគវន្តី, ភោគិនី ។