តើពាក្យ «មួយអន្លើ» មានន័យដូចម្ដេច ?

មួយអន្លើ

👉ថ្នាក់ពាក្យជា និបាតសព្ទ
មានន័យថា ព្រមទាំង, ជាមួយ, ជាមួយនឹង ( ត្រូវប្រើពាក្យ ដោយ ភ្ជាប់ខាងចុងផងជាដរាប ) ។
ឧទាហរណ៍៖ ព្រះរាជាទ្រង់ស្ដេចយាងទៅកាន់ជនបទ មួយអន្លើដោយព្រះ          រាជបរិពារ; គ្រូចេញទៅលេងសួនច្បារ មួយអន្លើដោយសិស្សទាំងឡាយ ។

                       និបាតសព្ទប្រាប់សេចក្ដីថា ដោយឡែក, ផ្សេង; ស្លេះទុកសិន, បញ្ឈប់ទុកសិន ( ត្រូវប្រើពាក្យ សិន ភ្ជាប់ខាងចុងជាដរាប )
ឧទាហរណ៍៖ យើងត្រូវទុករឿងនុះមួយអន្លើសិន កុំអាលនិយាយ; អ្នករាល់គ្នាត្រូវលើកការនេះទុកមួយអន្លើសិនទៅ កុំអាលប្រញាប់ធ្វើ . . . ។ ល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត