តើពាក្យ «សណ្ដែកក្លិង្គ, សណ្តែកគ្រាប់ស» មានន័យដូចម្ដេច ?

សណ្ដែកក្លិង្គ, សណ្តែកគ្រាប់ស

👉ថ្នាក់ពាក្យជា នាមសព្ទ
មានន័យថា ចុល្លិព្រឹក្យកម្ពស់ ១-៣ ម គេដាំនៅគ្រប់ប្រទេសក្តៅក្នុងសកលលោក។ ក្រៅពីដំណាំគេឃើញរុក្ខជាតិនេះកុះក្នុងព្រៃស្រោង ព្រៃល្បោះ តាមមាត់ទឹក ឬលើដីទួល មានកម្ពស់រហូតដល់ ២០០០ម។ គេនិយមដាំសណ្ដែកក្លិង្គ ជុំវិញផ្ទះជារបង។ គេអាចបរិភោគដូចសណ្ដែកបាយ។ ស្លឹកខ្ចីអាចឱ្យគោ ក្របី ស៊ីបាន។​ អ្នកដែលមនាជំងឺរាកនោម តែងព្យាបាលដោយបរិភោគផ្លែឆៅរាល់ថ្ងៃឱ្យឆាប់ជា។ ស្លឹកស្ងួតកិនឱ្យម៉ដ្ឋដូចម្សៅ គឺផឹកជាឱសថមើលជំងឺគ្រាប់ប្រមេះ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត