លោកមហាសេដ្ឋី Charles Dolan ជាស្ថាបនិករបស់ក្រុមហ៊ុន Cablevision

លោក Charles Dolan កើតនៅថ្ងៃទី ១៦ ខែ តុលា ឆ្នាំ ១៩២៦ គាត់គឺជាមហាសេដ្ឋីជនជាតិអាមេរិក និងជាស្ថាបនិករបស់ក្រុមហ៊ុន Cablevision ។ តាមរយៈការត្រួតពិនិត្យភាគហ៊ុននាពេលបច្ចុប្បន្ននេះលោក Dolan បានគ្រប់គ្រងលើបណ្តាញ AMC និងបណ្តាញ MSG និងព័ត៍មាន Newsday និងក្រុមហ៊ុន Madison Square Garden ដែលជាផ្នែកមួយនៃក្រុមហ៊ុន Cablevision ។

អាជីព៖

ការខិតខំប្រឹងប្រែងដំបូងបំផុតរបស់គាត់គឺបានផ្តោតទៅលើការវេចខ្ចប់ទីផ្សារ និងការចែកចាយផ្នែកកីឡា និងខ្សែភាពយន្ត និងឧស្សាហកម្ម ។ នៅដើមទសវត្ស ១៩៦០ លោក Dolan បានចាប់ផ្តើមបង្កើតក្រុមហ៊ុន Teleguide Inc. ដែលបានផ្តល់សេវាកម្មព័ត៌មានតាមរយះខ្សែកាបទៅកាន់សណ្ឋាគារនៅក្នុងទីក្រុងញូវយ៉ក ។

ក្នុងទសវត្សដដែលនោះគាត់បានចាប់ផ្តើមបង្កើតក្រុមហ៊ុន Sterling Manhattan Cable ដែលជាក្រុមហ៊ុនទូរទស្សន៍ខ្សែកាបនៅក្នុងទីក្រុងដំបូងគេនៅក្នុងប្រទេសផងដែរ ។ ក្រុមហ៊ុន Sterling បានបង្កើតកិច្ចព្រមព្រៀងដំបូងគេបង្អស់ដើម្បីនាំក្រុមកីឡាអាជីពញូវយ៉កសម្រាប់កម្មវិធីវប្បធម៌ និងខ្សែភាពយន្តចូលទៅកាន់ទូរទស្សន៍ខ្សែសម្រាប់ផ្តល់ជូនឲ្យអ្នកមើលខ្សែកាបនៅក្នុងទីក្រុងញូវយ៉ក ។

នៅដើមទស្សវត្ស ១៩៧០ លោក Dolan បានបង្កើតការិយាល័យ Home Box ដែលជាសេវាកម្មសរសេរកម្មវិធីដំបូងគេបង្អស់នៅក្នុងឧស្សាហកម្មទូរទស្សន៍ខ្សែកាបដែលគាត់បានលក់ទៅឱ្យក្រុមហ៊ុន Time Life ។ ហើយក្រោយមកគាត់បានរៀបចំក្រុមហ៊ុនសាជីវកម្ម Cablevision Systems Corporation ដោយទទួលបានការរីកចម្រើននៅក្នុងក្រុមហ៊ុនជាច្រើន ។

ថ្មីៗនេះគាត់គឺជាចក្ខុវិស័យនៅពីក្រោយ VOOM សម្រាប់កិច្ចខិតខំប្រឹងប្រែងរបស់ក្រុមហ៊ុន Cablevision ដើម្បីពង្រីកការចែកចាយមាតិកា និងការឆ្លើយតបទៅនឹងតម្រូវការទីផ្សារ HDTV ដែលកំពុងផ្ទុះដែលត្រូវបានគេរំពឹងថានឹងរួមបញ្ចូលប្រជាជនចំនួន ៦ លានគ្រួសារនៅចុងឆ្នាំ ២០០៣ និង ១២ លាននាក់នៅចុងឆ្នាំ ២០០៥ ។

ចាប់តាំងពីឆ្នាំ ២០០១ ដល់ដើមឆ្នាំ ២០០២ លោក Dolan គឺជាអ្នកដេញថ្លៃដ៏សំខាន់ក្នុងការលក់ភាគហ៊ុន Boston Red Sox ។ គាត់បានដាក់សំណើដេញថ្លៃអតិបរមាចំនួន ៧៥០ លានដុល្លារតែចុងក្រោយគាត់បានចាញ់ក្រុមហ៊ុនមួយដែលដឹកនាំដោយលោក John Henry, Tom Werner និង Larry Lucchino ។

លោក Dolan ក៏ជាសមាជិកម្នាក់នៅក្នុងក្រុមប្រឹក្សានៃសាកលវិទ្យាល័យ Fairfield និងជាសមាជិកគណៈអភិបាលនៃមន្ទីរពេទ្យ St. Francis នៅក្នុងទីក្រុង Port Washington, ញូវយ៉ក ។ នៅខែ វិច្ឆិកា​ ឆ្នាំ ២០១៦ លោក Dolan បានទទួលសញ្ញាបត្របណ្ឌិតកិត្តិយសពីសាកលវិទ្យាល័យ Fairfield ហើយគាត់ក៏ជាអ្នកចូលរួមចំណែកដ៏អស្ចារ្យចំពោះឧស្សាហកម្មវប្បធម៌ និងចំពោះចក្ខុវិស័យគំរូ និងភាពរឹងប៉ឹងរបស់គាត់ក្នុងនាមជាអ្នកត្រួសត្រាយលើប្រព័ន្ធផ្សព្វផ្សាយ និងការចូលរួមចំណែកដ៏សំខាន់របស់គាត់ដល់សាកលវិទ្យាល័យ Fairfield ផងដែរ ។ ហើយគាត់ក៏ជាអ្នកជួយគាំទ្រដល់មូលនិធិអាហារូបករ​ណ៍ និងសាលាពាណិជ្ជកម្ម Charles F. Dolan ផងដែរ ។

ប្រភព៖ Phnom Penh HR