លោកមហាសេដ្ឋី Charles Zegar ជាស្ថាបនិកម្នាក់ក្នុងចំណោមស្ថាបនិកទាំង ៤ នាក់របស់ក្រុមហ៊ុន Bloomberg L.P

លោក Charles Zegar កើតនៅឆ្នាំ ១៩៤៨ ដែលជាមហាសេដ្ឋីជនជាតិអាមេរិក និងជាអ្នកវិទ្យាសាស្រ្តកុំព្យូទ័រ ។ គាត់គឺជាស្ថាបនិកម្នាក់ក្នុងចំណោមស្ថាបនិកទាំង ៤ នាក់របស់ក្រុមហ៊ុន Bloomberg L.P ។

ជីវិតដំបូង និងការអប់រំ៖

លោក Zegar ទទួលបានបរិញ្ញាបត្រផ្នែកសិល្បៈ និងផ្នែកវិទ្យាសាស្ត្រពីសាកលវិទ្យាល័យ Long Island ដោយបានបញ្ចប់ថ្នាក់អនុបណ្ឌិតផ្នែកវិទ្យាសាស្ត្រកុំព្យូទ័រពីសាកលវិទ្យាល័យញូវយ៉ក ។

អាជីព៖

លោក Zegar បានចាប់ផ្តើមធ្វើការនៅក្នុងធនាគារវិនិយោគ Salomon Brothers ជាមួយលោក Michael Bloomberg, Thomas Secunda និង Duncan MacMillan ។ លោក Bloomberg គឺជាអតីតប្រធានផ្នែកពាណិជ្ជកម្ម និងជាប្រធានផ្នែកលើប្រព័ន្ធកុំព្យូទ័រ និងទិន្នន័យដែលត្រូវបានបណ្តេញចេញនៅពេលដែលគាត់ប្រឆាំងនឹងការកាន់កាប់របស់ក្រុមហ៊ុនដោយសារក្រុមហ៊ុន Phibro ។

លោក Bloomberg បានអញ្ជើញលោក Zegar, Secunda និង Macmillan ឲ្យចាប់ផ្តើមបង្កើតក្រុមហ៊ុនទិន្នន័យហិរញ្ញវត្ថុផ្ទាល់ខ្លួន ។ ពួកគេបានទទួលយក និងបានរួមគ្នាបង្កើតប្រព័ន្ធទីផ្សារច្នៃប្រឌិតថ្មីជាមួយនឹងលោក Bloomberg ដែលបានដាក់ដើមទុនភាគច្រើន ។ លោក Secunda គឺជាអ្នកគណិតវិទូនឹងជាអ្នកទទួលខុសត្រូវក្នុងការប្រមូល និងបញ្ចូលទិន្នន័យ ។ ហើយចំពោះលោក MacMillan គឺជាអ្នកទទួលខុសត្រូវចំពោះផ្នែកលក់ ។ ហើយលោក Zegar គឺជាទទួលខុសត្រូវលើការសរសេរសូហ្វវែរ ។

នៅឆ្នាំ ១៩៨២ ក្រុមហ៊ុន Merrill Lynch បានក្លាយជាអតិថិជនដំបូងរបស់ពួកគេដែលបានបញ្ជាទិញស្ថានីយទិន្នន័យចំនួន ២០ និងបានវិនិយោគទឹកប្រាក់ចំនួន ៣០ លានដុល្លារនៅក្នុងក្រុមហ៊ុនដោយទទួលបានការចាប់អារម្មណ៍ពីម្ចាស់កម្មសិទ្ធិចំនួន ៣០ ភាគរយ ។

ក្រុមហ៊ុនរ​បស់ពួកគេបានរីកចម្រើនយ៉ាងឆាប់រហ័សដោយទទួលបានប្រាក់ ៧.៦ លានដុល្លារក្នុងការលក់ និងនិយោជិកជាង ១៥.០០០ នាក់ ។ លោក Bloomberg បានកាន់កាប់ភាគហ៊ុន ៨៨% នៃក្រុមហ៊ុន និងមានដៃគូចំនួន ៣ ផ្សេងទៀត និងមានភាគហ៊ុន ៤% នៅក្នុងឆ្នាំ ២០០៨ ។ លោក Bloomberg បានទិញយកភាគហ៊ុន ៣០% របស់ក្រុមហ៊ុន Merrill Lynch ។

សប្បុរសធម៍៖

មូលនិធិគ្រួសាររបស់លោក Zegar បានបរិច្ចាគដល់សិល្បៈវប្បធម៌ ផ្នែកអប់រំ បរិស្ថាន សុខភាព ការស្រាវជ្រាវវេជ្ជសាស្ត្រ សេវាកម្មមនុស្ស​ និងសាសនា ។ ហើយគាត់ក៏ជាសមាជិកម្នាក់នៅក្នុងក្រុមប្រឹក្សាភិបាលនៃសាកលវិទ្យាល័យញូវយ៉កផងដែរ ។

ប្រភព៖ Phnom Penh HR