លោកមហាសេដ្ឋី Helmut Sohmen ជាប្រធានក្រុមហ៊ុន BW Group

លោក Helmut Sohmen កើតនៅថ្ងៃទី ១០ ខែ ធ្នូ ឆ្នាំ ១៩៣៩ ដែលជាមេធាវី និងជាអ្នកជំនួញជនជាតិអូទ្រីស ។ គាត់គឺជាប្រធានក្រុមហ៊ុន BW Group និងជាអតីតសមាជិកសភានៅទីក្រុងហុងកុង ។ ហើយគាត់ធ្លាប់ជានាយកគ្រប់គ្រងនៅក្រុមហ៊ុនអាកាសចរណ៍ Dragon Air ។

ក្នុងឆ្នាំ ២០១០ លោក Sohmen មានឈ្មោះនៅក្នុងបញ្ជីរបស់ទស្សនាវដ្តី Forbes ហើយត្រូវបាប៉ាន់ស្មានថាទ្រព្យសម្បត្តិសរុប ១,៤ ពាន់លានដុល្លារដែលជាអ្នកមានបំផុតនៅលំដាប់ទី ៤ នៅក្នុងប្រទេសអូទ្រីស ។ ហើយនៅក្នុងឆ្នាំ ២០០៩ ឈ្មោះរបស់គាត់ត្រូវបានចុះនៅក្នុងបញ្ជីរបស់មហាសេដ្ឋីពិភពលោកដែលជាអ្នកមានបំផុតនៅលំដាប់ទី ១៣ នៅក្នុងប្រទេសហុងកុង ។

ជីវិតឯកជន៖

នៅឆ្នាំ ១៩៥៨ លោក Sohmen បានបញ្ចប់ការសិក្សាពីសាលា  Linz Realschule បន្ទាប់មកគាត់បានសិក្សាផ្នែកច្បាប់នៅសាកលវិទ្យាល័យ Vienna និងសាកលវិទ្យាល័យ Southern Methodist និងបានអាហារូបករណ៍ Fulbright ដើម្បីបន្តការសិក្សានៅសាកលវិទ្យាល័យ Connecticut នៅសហរដ្ឋអាមេរិកហើយទីបំផុតគាត់ក៏ទទួលបានសញ្ញាប័ត្របណ្ឌិតនៅសាកលវិទ្យាល័យ Vienna ។

នៅឆ្នាំ ១៩៦៧ លោក Sohmen បានរៀបការជាមួយលោកស្រី Anna Pui Hing Pao ដែលពួកគេបានជួបពេលគ្នាអំទ្បុងពេលសិក្សានៅប្រទេសកាណាដា ។ ហើយពួកគេមានកូនបីនាក់កូនប្រុសពីរ នាក់នឹងកូនស្រីម្នាក់ ។ លោកស្រី Anna Pui Hing Pao មានមុខងារជាច្រើននៅក្នុងទីក្រុងហុងកុងហើយគាត់ក៏ជាសមាជិកនៃសន្និសីទពិគ្រោះយោបល់ផ្នែកនយោបាយប្រជាជនចិនផងដែរ ។ ហើយនៅឆ្នាំ ២០០៥ លោកស្រីទទួលបានពានរង្វាន់ Silver Bauhinia Star ។

អាជីព៖

លោក Sir Yue-Kong Pao ដែលជាឪពុកក្មេករបស់លោក Sohmen ជាម្ចាស់ក្រុមហ៊ុនដឹកជញ្ចូនដ៏ធំជាងគេមួយនៅទូទាំងពិភពលោក ។ នៅឆ្នាំ ១៩៧០ លោក Sohmen បានផ្លាស់ទៅរស់នៅជាមួយគ្រួសារនៅទីក្រុងហុងកុងដើម្បីចូលរួមក្នុងអាជីវកម្មគ្រួសាររបស់គាត់ ។ ហើយនៅឆ្នាំ ១៩៨៦ លោក Sohmen ត្រូវបានតែងតាំងជាប្រធានក្រុមហ៊ុនដឹកជញ្ចូន World-Wide Shipping Group ។

ទ្រព្យសម្បត្តិ៖ Helmut Sohmen

យោងតាមទស្សនាវដ្តី Forbes បានឱ្យដឹងថាលោក Sohmen គឺជាមេធាវី និងជាអ្នកជំនួញជនជាតិអូទ្រីសដែលមានមូលដ្ឋាននៅទីក្រុងហុងកុង ។ លោក Sohmen មានទ្រព្យសម្បត្តិសរុបប្រមាណ ១,៣ ពាន់លានដុល្លារគិតត្រឹមខែ មីនា ឆ្នាំ ២០១៣ ។ ហើយគាត់ក៏ជាអ្នកមានជាងគេនៅលំដាប់ទី ៧ នៅប្រទេសអូទ្រីសលេខ ១១០៧ និងបានជាប់ចំណាត់ថ្នាក់ទី ៣៨ នៅក្នុងបញ្ជីរបស់មហាសេដ្ឋីទាំង ៥០ នាក់នៅក្នុងទីក្រុងហុងកុងដែលជាអ្នកមានជាងគេនៅលើពិភពលោក ។

ប្រភព៖ Phnom Penh HR