តើពាក្យ «គោក» មានន័យដូចម្ដេច ?

គោក

?ថ្នាក់ពាក្យជា នាមសព្ទ
មានន័យថា ដែលទីទៃពីមានទឹក គឺដែលគ្មានទឹក ។
ឧទាហរណ៍៖ ទីគោក, ម្ហូបគោក, សម្លគោក, ឆាគោក, ឡើងទៅលើគោក ។

                 ទួលកណ្ដាលវាល ឬ កណ្ដាលវាលស្រែ សព្វថ្ងៃនេះគេធ្វើជាភូមិលំនៅ ក៏មានដោយច្រើន ។

                 ឈ្មោះតំបន់ទួលខ្ពស់មួយ ក្នុងសង្កាត់លេខ ២ ក្រុងភ្នំពេញ ឋិតនៅខាងលិចមណ្ឌលកីឡាក្រុង ជាទីគោកដែលទឹកមិនលិចក្នុងរដូវវស្សា។ ដោយហេតុទួលនោះជាទីគោកខ្ពស់ទឹកមិនលិចដូច្នោះ ទើបគេហៅ ទួលគោក ។ តមកហៅក្លាយថា ទួលគក មកពីសរសេរជាអក្សរបារាំងថា Kork ។ សព្វថ្ងៃរាជការក្រុងរៀបចំតំបន់នេះទៅជាភូមិមួយដ៏ស្អាតល្អសមរម្យតាមសម័យនិយម ។

ឧទាហរណ៍៖ ទួលគោកជាតំបន់ថ្មីមួយក្នុងព្រះរាជធានីភ្នំពេញ ។

?ថ្នាក់ពាក្យជា គុណនាម
មានន័យថា ដែលទីទៃពីមានទឹក គឺដែលគ្មានទឹក ។
ឧទាហរណ៍៖​​ ទី​គោក ម្ហូប​គោក សម្ល​គោក ឆា​គោក ឡើង​ទៅ​លើ​គោក។

                 ទួលកណ្ដាលវាល ឬ កណ្ដាលវាលស្រែ សព្វថ្ងៃនេះគេធ្វើជាភូមិលំនៅ ក៏មានដោយច្រើន ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត