តើពាក្យ «ទុរេន» មានន័យដូចម្ដេច ?

ទុរេន

?ថ្នាក់ពាក្យជា នាមសព្ទ
មានន័យថា ឈ្មោះ​ឈើ​ដំណាំ​មួយ​ប្រភេទ ផ្លែ​មាន​ឱជារស​ផ្អែម, សម្រាប់​ប្រើ​ជា​បង្អែម​មាន​តម្លៃ, សំបក​ផ្លែ​មាន​បន្លា​រឹង; ក្នុង​កម្ពុជរដ្ឋ ដាំ​កើត​ត្រង់​ទី​តំបន់​ខ្លះ​ដោយ​អន្លើ ។ ឈ្មោះ​ស្វាយ​មួយ​ប្រភេទ ផ្លែ​មាន​ក្លិន​និង​ឱជារស​ស្រដៀង​និង​ទុរេន ។
ឧទាហរណ៍៖  ស្វាយ​ទុរេន ។

                 ព្រឹក្សម្យ៉ាងកម្ពស់ ១០-២០ ម មានកំណើតនៅស្រុកជ្វាខាងលិច គេដាំច្រើននៅអាស៊ីអាគ្នេយ៍។ ឈ្មោះបារាំង “durian” ជាភាសាឥណ្ឌូនេស៊ី មានន័យថា “បន្លា” ។ ផ្លែទុរេនមានលក់ពេញផ្សារឥណ្ឌូចិន និងហាងអាស៊ីខ្លះ នៅអឺរ៉ុប និងអាមេរិក។ ខ្មែរយើងចូលចិត្តបរិភោគសាច់ទុរេនណាស់ អ្នកខ្លះជឿថា ជាផ្លែស្ទួយកម្លាំង និងជាថ្នាំប៉ូវផង។ ផ្លែទុំជ្រុល មានក្លិនដូចខ្ទឹមស ហេតុនេះពួកអឺរ៉ុប និងអាមេរិកជាច្រើនស្អប់ទុរេនណាស់។ គ្រាប់ស្ងោរ ឬលីងអាចបរិភោគបាន។ នៅប្រទេសខ្មែរ គេមិនដែលយកដើមទុរេនធ្វើថ្នាំឡើយ តែនៅប្រទេសជ្វាជាស្រុកកំណើតព្រឹក្សនេះ គេប្រើស្លឹក និងឫសជាឱសថ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត