តើពាក្យ «ទូលព្រះបង្គំ» មានន័យដូចម្ដេច ?

ទូលព្រះបង្គំ

?ថ្នាក់ពាក្យជា បុសសព្វនាម
មានន័យថា (សំ. បា. ជាឧត្ដមបុរិសៈ ) ខ្ញុំ, ខ្លួនខ្ញុំ ។ ពាក្យប្រើក្នុងរាជសព្ទ សម្រាប់បុរសហៅខ្លួនឯង និយាយក្រាបទូលចំពោះព្រះមហាក្សត្រិយ៍ ឬចំពោះក្សត្រិយ៍ទាំងពួង ។ ទូលព្រះបង្គំជាខ្ញុំ ជាពាក្យគោរពខ្ពង់ខ្ពស់ជាង ទូលព្រះបង្គំ ។ ទូលព្រះបង្គំជាខ្ញុំ ក្រោមល្អងធូលីព្រះបាទ ជាពាក្យគោរពដ៏ខ្ពង់ខ្ពស់ក្រៃលែងជាង ទូលព្រះបង្គំជាខ្ញុំ ទៅទៀត ។ បើស្ត្រីថា ខ្ញុំម្ចាស់, ថា ខ្ញុំម្ចាស់ក្រោមល្អងធូលីព្រះបាទ ។ ព. បុ. បុរសថា ខ្ញុំព្រះអង្គ, ខ្ញុំព្រះអង្គក្រោមព្រះតេជះ ឬ —ក្រោមល្អងធូលីព្រះបាទ; ស្ត្រីថា ខ្ញុំម្ចាស់, ខ្ញុំម្ចាស់ក្រោមព្រះតេជះឬ —ក្រោមល្អងធូលីព្រះបាទ (ម. ព. ខ្ញុំទៀតផង )

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត