តើពាក្យ «ទ្រព្យ» មានន័យដូចម្ដេច ?

ទ្រព្យ

មានន័យថា តម្លៃទ្រព្យសកម្មដែលមានក្រោយពីដកចេញនូវបំណុលដែលជំពាក់គេ។
?ថ្នាក់ពាក្យជា នាមសព្ទ
មានន័យថា (សំ. ទ្រវ្យ, វ > ព = ទ្រព្យ; បា. ទព្វ) វត្ថុ, ធនធាន, សម្បត្តិ ។ ល ។ ខ្មែរយើងប្រើពាក្យនេះចំពោះតែវត្ថុមានមាសប្រាក់ជាដើម ដែលមានម្ចាស់ ។ ទ្រព្យធន, ទ្រព្យសម្បត្តិ គឺទ្រព្យផ្សេងៗ, ទ្រព្យសម្រាប់ប្រើប្រាស់ ។
?ថ្នាក់ពាក្យជា គុណនាម
មានន័យថា វាក្យសព្ទនេះមាននិយមន័យច្រើន ដូចខាងក្រោម៖ ១. មានន័យថា៖ ក-ទ្រព្យសម្បត្តិ និងធនធានសេដ្ឋកិច្ចគ្រប់ប្រភេទទាំងអស់ ទាំងរូបី ឬអរូបី ចលនវត្ថុ ឬអចលនវត្ថុ ទោះជាបានមកតាមវិធីណាក្ដី និង ខ-ឯកសារនិងឧបករណ៍ច្បាប់ ទោះជាក្នុងរូបភាពណាក្ដី រាប់បញ្ចូលទាំងអេឡិចត្រូនិច ឌីហ្សីតាល់ ដែលផ្ដល់ភ័ស្ដុតាងកម្មសិទ្ធិចំពោះផលប្រយោជន៍លើទ្រព្យសម្បត្តិនេះ ដែលរួមមាន ដូចជាឥណទានធនាគារ មូលប្បទានបត្រអ្នកដំណើរ អាណត្តិប្រៃសណីយ៍ ភាគហ៊ុន សញ្ញាបណ្ណ មូលបត្រ រូបិយាណត្តិ ឬលិខិតឥណទាន។ ២. ទ្រព្យដែលមានគ្រប់ប្រភេទ ទោះជារូបទ្រព្យក្ដី ឬអរូបទ្រព្យក្ដី ជាសង្ហារិម ឬអសង្ហារិមក្ដី ផុសនីយក្ដី ព្រមទាំង ឬអផុសនីយក្ដី និងលិខិតគតិយុត្ត ឬឯកសារ បញ្ជាក់ពីកម្មសិទ្ធិ នៃទ្រព្យទាំងនោះ ឬពីសិទ្ធិពាក់ព័ន្ធនឹងទ្រព្យទាំងនោះ។ ៣. ពាក្យបច្ចេកសព្ទរួម ដើម្បីសម្គាល់នូវប្រភេទ នៃទ្រព្យសកម្មមួយចំនួន ដូចជា៖ អចលនវត្ថុ ទ្រព្យសកម្មរូបី ទ្រព្យសកម្មអរូបី ធុរកិច្ច និងអត្ថប្រយោជន៍ផ្សេងដែលតាំងនៅ ឬភ្ជាប់ទៅនឹងធុរកិច្ច។ ៤. ចលនវត្ថុ ឬអចលនវត្ថុដែលជាកម្មវត្ថុយកទៅដាក់បញ្ចាំ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត