តើពាក្យ «ទ្រមូង» មានន័យដូចម្ដេច ?

ទ្រមូង

?ថ្នាក់ពាក្យជា នាមសព្ទ
មានន័យថា ឈ្មោះ​ឈើ​មាន​ផ្លែ​ប្រើ​ជា​ម្ជូរ​ស្ល, ស្លឹក​ក៏​ប្រើ​ជា​បន្លែ​ស្ល​ម្ជូរ​បាន ។
ព្រឹក្សធំ កំពស់ ២០-៣០ម ដុះក្នុងព្រៃក្រាស់ត្រជាក់ នៃឥណ្ឌូចិនខាងត្បូង។ ស្លឹក និងផ្លែរសជូរសម្រាប់ប្រើជាគ្រឿងទេសធ្វើសម្ល។ គេអាចកាត់ផ្លែតូចៗ លាយអំបិលដើម្បីទុកបានយូរ។ គ្រូខ្មែរប្រើសម្បកផ្សំជាថ្នាំព្យាបាល ជំងឺរលាកទងសួត។ សម្បកបុកឲ្យម៉ត់ជាមួយស្រា ស លាយនឹងសំបកព្រហូត អាចប្រើជាថ្នាំបំពោកលើជើង ដៃគ្រច និងលើកកន្លែងកកឈាមដោយដាច់សសៃ។ ឈើមានទម្ងន់ស្រាល ពណ៌ក្រហមភាវ។ សម្រាប់ធ្វើបង្គោល និងក្តារងឿ។

                   ជារុក្ខជាតិ ដែលដុះខ្លួនឯងក្នុងព្រៃធម្មជាតិ និងមានដាំនៅតាមចម្ការក្បែរផ្ទះ។ – ឈ្មោះខ្មែរ ឬក្នុងតំបន់ ៖ ទ្រមូង – អំបូរ ៖ GUTTIFERAE – ឈ្មោះវិទ្យាសាស្រ្ត ៖ Garcinia oliveri Pierre. – ឈ្មោះអង់គ្លេស ៖ មិនទាន់មានព័ត៌មាន – ឈ្មោះបារាំង ៖ មិនទាន់មានព័ត៌មាន – ប្រភពដើម ៖ ឥណ្ឌូចិនខាងត្បូង – លក្ខណៈរូបសាស្រ្ត ៖ កម្ពស់២០-៣០ម ជាប្រភេទសាច់ឈើស្រាល និងមាន ពណ៌ក្រហមភ្លាវ។ – លក្ខណៈជីវសាស្ត្រ ៖ ស្លឹក និងផ្លែមានរសជូរ។ – លក្ខណៈអេកូឡូស៊ី ៖ ដុះក្នុងព្រៃ នៅតំបន់មានអាកាសធាតុក្តៅ និងត្រជាក់ បង្គួរ – ការប្រើប្រាស់ ៖ ជាគ្រឿងទេស៖ ស្លឹកសម្រាប់ស្លម្ជូរ និងផ្លែអាចបរិភោគបាន ជាឱសថ៖ សម្បកដាំទឹកផឹក ព្យាបាលជំងឺរលាកទងសួត។ សម្បកទ្រមូង និងសម្បកព្រហូតបុកឱ្យម៉ត់លាយជាមួយស្រា បំពោកលើដៃជើង ព្យាបាលគ្រេចថ្លោះ និងកន្លែងកកឈាមដោយសាច់សរសៃ(៤៨) ។ ឈើទ្រមូងធ្វើជារបងបង្គោល និងក្តារងឿ។
ឧទាហរណ៍៖ (៤៨) វចនានុក្រមរុក្ខជាតិប្រើប្រាស់ក្នុងប្រទេសកម្ពុជា របស់លោកស្រីបណ្ឌិត DY PHON PAULINE ឆ្នាំ២០០០ ទំព័រ៣១០ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត