តើពាក្យ «ប៉ះ» មានន័យដូចម្ដេច ?

ប៉ះ

?ថ្នាក់ពាក្យជា កិរិយាសព្ទ
មានន័យថា ទង្គិច, ពាល់ត្រូវ ។
ឧទាហរណ៍៖ ប៉ះស្មាគ្នា, ប៉ះត្រូវត្រង់ឆ្អឹងជំនីរ ។

                  យកកំណាត់, បំណែក, ផ្ទាំងតូចនៃសំពត់ជាដើមមកដេរ, បិទ, ដាក់ភ្ជាប់ឲ្យជិតត្រង់កន្លែងដែលរហែក, ដាច់ធ្លុះ ឲ្យជិត ឲ្យជាប់ ។
ឧទាហរណ៍៖ ប៉ះសំពត់, ប៉ះខោ ។

                 ធ្វើឲ្យជាគូដោយទឹម, សែងឬផ្គូគ្នា ។
ឧទាហរណ៍៖ ទឹមប៉ះគ្នា, សែងប៉ះគ្នា ។

                  ចួប, ប្រទះគ្នា ។
ឧទាហរណ៍៖ ប៉ះមុខគ្នា គឺចួបឬប្រទះទល់មុខគ្នា ។ ប៉ះប៉ុន ប៉ះទប់ផ្សែផ្សំឲ្យតែបាន ។ ប៉ះពារ ប៉ះដោយពារពេញទំហឹង ។

                  ព. ប្រ. ប្រទះលើ ។
ឧទាហរណ៍៖ ប៉ះពារលើគ្រោះកាច ។ ប៉ះពាល់ ពាល់ត្រូវដោយប៉ះ, ដោយប្រទះ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត