តើពាក្យ «ពៅ» មានន័យដូចម្ដេច ?

ពៅ

👉ថ្នាក់ពាក្យជា នាមសព្ទ
មានន័យថា ឈើស្រស់ ឬឫស្សីស្រស់បីកំណាត់ដែលគេសម្រួចបោះភ្ជាប់នឹងដី ធ្វើជាចង្ក្រានបណ្ដោះអាសន្ន ប្រើការដាំស្ល, សម្រាប់អ្នកដំណើរ ។
ឧទាហរណ៍៖ បោះពៅដាំស្ល ។

                   ចម្រឹងដែកខ្លីៗ បីឬបួនកំណាត់ ទោះរាយក្ដី ភ្ជាប់គល់នឹងកងដែករង្វង់មូលក្ដី ដែលសម្រាប់បោះប្រើការដាំស្ល ក៏ហៅ ពៅ ដែរ, ច្រើនហៅថា ពៅដែក ។

👉ថ្នាក់ពាក្យជា គុណនាម
មានន័យថា ដែលជាប្អូនគេបំផុត ឬក្រោយគេបំផុត។
ឧទាហរណ៍៖ កូនពៅ, ប្អូនពៅ, សិស្សពៅ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត