តើពាក្យ «ព្រលិត» មានន័យដូចម្ដេច ?

ព្រលិត

👉ថ្នាក់ពាក្យជា នាមសព្ទ
មានន័យថា ( ម. ព. ព្រលឹត ) ។
តិណជាតិ ដុះក្នុងទឹកមួយប្រភេទ មានមែកកប់ក្នុងភក់ មែកនេះបង្កើតស្លឹក និងផ្កា។ ស្លឹកអណ្តែតលើទឹក ជុំវិញវារាងជាធ្មេញរណារ។ ផ្កាសម្បុរក្រហមភាវ ឬ ស ឬ ពណ៌ផ្កាឈូកភ្លាវ។ ដើមនេះមានដុះនៅគ្រប់ប្រទេសក្តៅ និងត្រជាក់មធ្យមសកលលោក។ ស្រុក Egypte នាំចូលទៅដាំប្រហែលក្នុងសតវត្ត ២០០០ មុន គ.ស ពីព្រោះគេរកឃើញក្នុងសាកសពស្ងួតក្រៀមនៃស្តេចត្រកូល “រ៉ាសែស” (Ramsés) ។ ទងផ្កាខ្ចីៗគេធ្វើជា បន្លែបរិភោគឆៅ ឬក្នុងសម្ល។ អណ្ឌាស័យខ្ចីៗក៏អាចបរិភោគជាបន្លែបានដែរ។ គ្រូថ្នាំបុរាណខ្មែរ តែងប្រើស្លឹកព្រលិតបំពោកលើថ្ងាស អ្នកមានជំងឺគ្រុនក្តៅ។