តើពាក្យ «មក្លាំ» មានន័យដូចម្ដេច ?

មក្លាំ

👉ថ្នាក់ពាក្យជា នាមសព្ទ
មានន័យថា ( ស. មះក្លាំ អ. ថ. ម៉ៈក្លាំ ” អង្ក្រេមអង្ក្រម ” ) ឈ្មោះសំពត់អន្លូញសូត្រមួយប្រភេទ ស្រ្តីខ្មែរត្បាញចាក់ជាក្រឡាល្អិតៗ លាយព័ណ៌ក្រហមនិងខ្មៅឆ្លាស់គ្នាស្រដៀងនឹងសម្បុរគ្រាប់អង្ក្រេម អង្ក្រមទុំ ។
ឧទាហរណ៍៖ អន្លូញមក្លាំ, សំពត់មក្លាំ ។ ខ្មែរក្នុងសម័យបុរាណហៅសំពត់នេះថា អន្លូញអង្ក្រេមអង្ក្រម, ដោយសៀមស្រឡាញ់រាប់អានប្រើសំពត់ប្រភេទនេះណាស់, ហៅសំពត់នេះថា ម៉ៈក្លាំ ” អង្ក្រេមអង្ក្រម ” ខ្មែរសម័យនោះ ក៏ហៅតាមសៀមថា មក្លាំ ដែរ ជាប់ជាសម្ដីហៅតៗរៀងមក ( ប៉ុន្តែស្ត្រីខ្មែរក្នុងសម័យបច្ចុប្បន្នលែងត្បាញសំពត់ប្រភេទនេះហើយ ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត