តើពាក្យ «មាន់ទោប្រាក់ពណ៌ប្រផេះបៃតង» មានន័យដូចម្ដេច ?

មាន់ទោប្រាក់ពណ៌ប្រផេះបៃតង

👉ថ្នាក់ពាក្យជា នាមសព្ទ
មានន័យថា ឈ្មោះសត្វស្លាបមួយប្រភេទ មាន ប្រវែង ៥៦-៧០ស.ម.។ ឈ្មោលៈ ខ្លួនមានពណ៌ប្រផេះបៃតង នៅលើស្លាប និងកន្ទុយមានដៅរាងដូចជាភ្នែកពណ៌បៃតងខៀវ ស្បែកជុំវិញរង្វង់ភ្នែកក្រហម។ញីៈ ស្រដៀងឈ្មោលដែរ តែមានមាឌតូច និងកន្ទុយខ្លីជាង។ ទីជំរកៈ ព្រៃស្រោង ពាក់កណ្តាលស្រោង ព្រៃឬស្សី។ របាយៈ វត្តមានពេញមួយឆ្នាំ ជាប្រភេទស្ថានិក មានក្នុងតំបន់នៅភាគខាងត្បូងឥណ្ឌូចិន នៅកម្ពុជាមានវត្តមាននៅភាគឥសាននៃប្រទេស។ រដូវបន្តពូជៈ គ្មានព័ត៌មានច្បាស់លាស់។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត