តើពាក្យ «ម៉ោង» មានន័យដូចម្ដេច ?

ម៉ោង

👉ថ្នាក់ពាក្យជា នាមសព្ទ
មានន័យថា ( ស. ល. មោង អ. ថ. ម៉ូង; បារ. Montre ម៉ុងត្រិ៍ ” នាឡិកាតូចដែលអាចលើកដាក់ចុះឡើងបាន ” ) ឈ្មោះមាត្រារាប់វេលាមួយជុំទ្រនិចវែងនៃនាឡិកា គឺវេលា ៦០ នាទី ( ៦០ មិនុត ) ។
ឧទាហរណ៍៖ ម៉ោង១, ម៉ោង១៣, ម៉ោង២៤ ។

                     ក្នុងយប់មួយថ្ងៃមួយហៅថាមួយថ្ងៃ មាន២៤ម៉ោង គឺ២៤ នាឡិកា, រាប់ថា ម៉ោង ១ ពីវេលាក្រោយអធ្រាតរៀងទៅដល់ថ្ងៃត្រង់ បាន ១២ ម៉ោង ហៅថាកន្លះថ្ងៃម្ដង, រាប់ថា ម៉ោង ១៣ ពីវេលាក្រោយថ្ងៃត្រង់រៀងមកដល់អធ្រាតទៀតបាន ១២ ម៉ោងហៅថាកន្លះថ្ងៃម្ដងទៀត , រួមជាមួយថ្ងៃគត់ មាន ២៤ ម៉ោង; ក្នុងយប់មួយថ្ងៃមួយដែលហៅរួមថាមួយថ្ងៃ មានម៉ោង ១ តែម្ដងគត់ . . . មានម៉ោង១២តែម្ដងគត់; រាប់ម៉ោងបែបនេះជាដំណើរទៀងទាត់ដែលពួកហោរគ្រប់ប្រទេសនិយមប្រើសព្វថ្ងៃនេះ ( ម. ព. ថ្ងៃ និង យប់ ផង ) ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត