តើពាក្យ «ម្ទេសដៃនាង» មានន័យដូចម្ដេច ?

ម្ទេសដៃនាង

👉ថ្នាក់ពាក្យជា នាមសព្ទ
មានន័យថា ជារុក្ខជាតិ ដែលដាំនៅតាមស្រុកស្រែចម្ការ និងយកធ្វើជាគ្រឿងទេស។ – ឈ្មោះខ្មែរ ឬក្នុងតំបន់ ៖ ម្ទេសដៃនាង – អំបូរ ៖ SOLANACEAE – ឈ្មោះវិទ្យាសាស្រ្ត ៖ Capsicum frutescens var. longum Baill. – ឈ្មោះអង់គ្លេស ៖ Long pepper – ឈ្មោះបារាំង ៖ Piment doux/poivron – ប្រភពដើម ៖ តំបន់ត្រូពិចនៃទ្វីបអាមេរិក(៥៨) – លក្ខណៈរូបសាស្រ្ត ៖ ដើមមានកម្ពស់៥០-១០០ស.ម។ – លក្ខណៈអេកូឡូស៊ី ៖ដុះស្ទើរគ្រប់តំបន់មានអាកាសធាតុក្តៅបង្គួរ – លក្ខណៈជីវសាស្រ្ត ៖ មានក្លិនឆួល និងរសជាតិហឹរខ្លាំង – ការប្រើប្រាស់ ៖ ជាគ្រឿងទេស៖ ផ្លែជួយបង្កើនរសជាតិហឹរក្នុងអាហារដូចជា ឆាក្តៅ ញាំ ភ្លា សម្លម្ជូរ ទឹកត្រីបុក និងប្រឡាក់សាច់ជាដើម ជាឱសថ៖ បរិភោគជួយធ្វើឱ្យអាហារក្នុងក្រពះឆាប់រលាយ និងអាចព្យាបាលជំងឺថ្លើម និងហើម(៥៨)។
ឧទាហរណ៍៖ (៥៨) វចនានុក្រមរុក្ខជាតិប្រើប្រាស់ក្នុងប្រទេសកម្ពុជា របស់លោកស្រីបណ្ឌិត DY PHON PAULINE ឆ្នាំ២០០០ ទំព័រ១៣២ ។

                        (ម.ព. ម្ទេសផ្លោក សម្រាប់ព័ត៌មានលម្អិតបន្ថែម)

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត