តើពាក្យ «ម្ទេសស» មានន័យដូចម្ដេច ?

ម្ទេសស

👉ថ្នាក់ពាក្យជា នាមសព្ទ
មានន័យថា ជាម្ទេសមួយប្រភេទ ដែលប្រជាជននៅតាមជនបទ ទីក្រុង ស្រុកស្រែ ចម្ការគេនិយមដាំនៅតាមចម្ការ និងនៅតាមលំនៅដ្ឋានសម្រាប់លម្អ និងធ្វើជាគ្រឿងទេស។ – ឈ្មោះខ្មែរ ឬក្នុងតំបន់ ៖ ម្ទេសស (១) – អំបូរ ៖ SOLANACEAE – ឈ្មោះវិទ្យាសាស្រ្ត ៖ Capsicum frutescens var. – ឈ្មោះអង់គ្លេស ៖ Chilly – ឈ្មោះបារាំង ៖ Piment – ប្រភពដើម ៖ មានដើមកំណើតពីអាមេរិកក្តៅ។ – លក្ខណៈជីវសាស្រ្ត ៖ មានកម្ពស់ពីប្រវែង៥០-១០០ស.ម។ – លក្ខណៈអេកូឡូស៊ី ៖ ដុះគ្រប់ស្ថានដីនៅតំបន់ក្តៅ និងត្រជាក់បង្គួរ។ – ការប្រើប្រាស់ ៖ ធ្វើជាគ្រឿងទេសសម្រាប់ដាក់ក្នុងឆា ស្ងោរ បុកទឹកត្រី។

ឧទាហរណ៍៖ ១- តារាងគ្រឿងទេស នៃសួនគ្រឿងទេសអាជ្ញាធរអប្បរា នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន ។

                          (ម.ព. ម្ទេសផ្លោក សម្រាប់ព័ត៌មានលម្អិតបន្ថែម)

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត