តើពាក្យ «រមាំង» មានន័យដូចម្ដេច ?

រមាំង

👉ថ្នាក់ពាក្យជា កិរិយាសព្ទ
មានន័យថា ( ព. ប្រ. ) រត់លឿនមិនរមិលក្រោយ ព្រោះភ័យខ្លាំង ។
ឧទាហរណ៍៖ គ្រាន់តែឮថាពួកទាហានមកវារមាំងចូលព្រៃបាត់ ( និយាយថា ល្មាំង ក៏មាន ) ។

👉ថ្នាក់ពាក្យជា នាមសព្ទ
មានន័យថា ( ស. លះម័់ង អ. ថ. ល៉ៈមុ័ង ) សត្វចតុប្បាទព្រៃ ពួកប្រើស, មានស្នែងបែកខ្នែងជាចម្ពាមដូចប្រើសដែរ តែចុងស្នែងសំប៉ែត ។
-ទំហំ ៖ រមាំងឈ្មោលមានកំពស់ 1.000-1.140 ម.ម រមាំងញីមានកំពស់ 100-1.000 ម.ម, ទំនង់ : 100 គក្រ។ -ភិនភាគ ៖ ជាថនិកសត្វតិណាសី មានមាឌតូចជាងប្រើសបន្តិច ឯស្នែងវាមានចំពាមខ្លីបែកចុះក្រោម គ្របលើចិញ្ចើម ។ នៅខាងចុងស្នែងផ្នែកខាងលើ មានរាងសំប៉ែតបែកជាម្រាម ។ -ជីវសាស្រ្ត ៖ ជាសត្វពុំសូវភ្ញាក់ផ្អើលរស់នៅជាហ្វូង ពី10-15៥ក្បាល ។ វាចូលចិត្តរស់នៅតាមវាល ទំនាប ថ្លុក ឬត្រពាំង និងព្រៃជ្រុះស្លឹកជារៀងរាល់ឆ្នាំ ។ -របាយ និង ស្ថានភាព ៖ មានដោយកម្រ មាននៅតំបន់ភូមិភាគខាងជើង និងឥសាន្ត ហើយជាប្រភេទត្រូវបានហាមឃាត់ការបរបាញ់ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត