តើពាក្យ «រលាយ» មានន័យដូចម្ដេច ?

រលាយ

👉ថ្នាក់ពាក្យជា កិរិយាសព្ទ
មានន័យថា ប្រែពីរឹង, ពីខន់, ខាប់ ទៅជារាវ ឬពីកក, ពីគោកទៅជាទឹក ។
ឧទាហរណ៍៖ សំណរលាយ, ក្រមួនរលាយ, ឈាមរលាយ, ទឹកកករលាយ ។

                       ព. ប្រ. ត្រូវអន្តរាយ, វិនាស, ខូច, បាត់ ។
ឧទាហរណ៍៖ រលាយទ្រព្យ, រលាយខ្លួន ។

                       រសាយ ។
ឧទាហរណ៍៖ រលាយកំហឹង ។

                      ព. ប្រ. ដែលត្រូវចិត្តគំនិតគ្នាយ៉ាងស្និទ្ធជិត ។
ឧទាហរណ៍៖ ត្រូវគំនិតគ្នា រលាយសាច់មួយ ។ ល ។

                     ឈ្មោះឈើមួយប្រភេទ សន្ដានជ្រួយ, គេច្រើនប្រើស្លឹកនិងសំបកធ្វើជាថ្នាំរម្ងាប់រោគ ។
ឧទាហរណ៍៖ សំបករលាយ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត