លោកមហាសេដ្ឋី Stephen Allen Schwarzman ជានាយកប្រតិបត្តិនៃក្រុមហ៊ុន Blackstone Group ដែលជាក្រុមហ៊ុនមូលធនឯកជនសកល

លោក Stephen Allen Schwarzman កើតនៅថ្ងៃទី ១៤ ខែ កុម្ភះ ឆ្នាំ ១៩៤៧ ដែលជាអ្នកវិនិយោគិនជនជាតិអាមេរិច និងជាអ្នកគ្រប់គ្រងភាគហ៊ុនឯកជន និងជាសប្បុរសជន។ គាត់គឺជាប្រធាន និងជានាយកប្រតិបត្តិនៃក្រុមហ៊ុន Blackstone Group ដែលជាក្រុមហ៊ុនមូលធនឯកជនសកលដែលបានបង្កើតឡើងនៅឆ្នាំ ១៩៨៥ ជាមួយ​នឹងអតីតរដ្ឋមន្រ្តីក្រសួងពាណិជ្ជកម្មអាមេរិកគឺលោក Pete Peterson ។

ទ្រព្យសម្បត្តិផ្ទាល់ខ្លួនរបស់លោក Stephen Allen ត្រូវបានគេប៉ាន់ប្រមាណថាមានចំនួន ១០,២ ពាន់លានដុល្លារគិតត្រឹមខែ មករា ឆ្នាំ ២០១៧ ។ គិតត្រឹមឆ្នាំ ២០១៧ តាមរយះទស្សនាវដ្តី Forbes បានចាត់ថ្នាក់ Schwarzman នៅលំដាប់ទី ១១៣ នៅក្នុងបញ្ជីមហាសេដ្ឋីពិភពលោក ។ លោក Stephen Allen ធ្វើជាប្រធានវេទិកាយុទ្ធសាស្ត្រ និងគោលនយោបាយរបស់ប្រធានាធិបតីដូណាល់ត្រាំ។

ជីវិតដំបូង និងការអប់រំ៖

លោក Stephen Allen ធំទ្បើងនៅក្នុងគ្រួសារជ្វីហ្វមួយនៅតំបន់  Huntingdon Valley រដ្ឋ Pennsylvania ដែលជាកូនប្រុសរបស់  Arline និង Joseph Schwarzman ។ ឪពុករបស់គាត់ជាម្ចាស់រក្រុមហ៊ុន Schwarzman ដែលជាអតីតហាងទំនិញនៅទីក្រុង Philadelphia ។ លោក Stephen Allen បានចូលរៀននៅសាលា Abington School នៅជាយក្រុង Philadelphia និងបានបញ្ចប់ការសិក្សានៅវិទ្យាល័យជាន់ខ្ពស់នៅ Abington ក្នុងឆ្នាំ ១៩៦៥ និងបន្តចូលរៀននៅសាកលវិទ្យាល័យ Yale ។ ហើយគាត់បានបញ្ចប់ការសិក្សានៅ ១៩៦៩ បន្ទាប់មកបានបន្តទៅសាលាពាណិជ្ជកម្មហាវ៉ាដ និងបញ្ចប់ការសិក្សានៅឆ្នាំ ១៩៧២ ។

ការវិនិយោគ៖

ការងារដំបូងរបស់លោក Stephen Allen ដែលជាសេវាកម្មផ្នែកហិរញ្ញវត្ថុនៅក្នុងក្រុមហ៊ុន Donaldson, Lufkin & Jenrette ដែលជាធនាគារវិនិយោគ។ បន្ទាប់ពីនៅសាលាពាណិជ្ជកម្មគាត់បានចាប់ផ្តើមធ្វើការនៅធនាគារវិនិយោគ Lehman Brothers ជាកន្លែងដែលគាត់បានឈានដល់ឋានៈជានាយកគ្រប់គ្រងនៅអាយុ ៣១ ឆ្នាំ។

ទីបំផុតគាត់បានក្លាយជាប្រធានក្រុមការរួមបញ្ចូលគ្នា និងការទិញយករបស់ Lehman Brothers ។ នៅឆ្នាំ ១៩៨៥ លោក Stephen Allen និងចៅហ្វាយរបស់គាត់ឈ្មោះ Peter Peterson បានចាប់ផ្តើមក្រុមហ៊ុន Blackstone ដែលដំបូងផ្តោតលើការរួមបញ្ចូលគ្នា និងការទិញ។ នៅពេលដែលក្រុមហ៊ុន Blackstone បានផ្សព្វផ្សាយជាសាធារណៈនៅខែ មិថុនា ឆ្នាំ ២០០៧ ដែលបានបង្ហាញនៅក្នុងឯកសារមូលបត្រមួយមានឈ្មោះថា Schwarzman ដែលរកចំណូលបានប្រហែល ៣៩៨,៣ លានដុល្លារក្នុងឆ្នាំពីសារពើពន្ធឆ្នាំ ២០០៦ ។

លោក Stephen Allen គឺជាប្រធានសហស្ថាបនិក និងជាម្ចាស់ភាគហ៊ុនធំជាងគេរបស់ក្រុមហ៊ុន Blackstone Group ដែលជាក្រុមហ៊ុនឯកជនឯកជនដែលមានមូលដ្ឋាននៅទីក្រុងញូវយ៉ក។ ក្រុមហ៊ុនពាណិជ្ជកម្មសាធារណៈបានគ្រប់គ្រងទ្រព្យសម្បត្តិចំនួន ៤៣៩ ពាន់លានដុល្លារគិតត្រឹមថ្ងៃទី ៣០ ខែ មិថុនា ឆ្នាំ ២០១៨ ដែលបានប្រមូលប្រាក់ជាង ៥ ពាន់លានដុល្លារពីការរួមបញ្ចូលគ្នានៃការលក់ភាគហ៊ុនភាគលាភ និងសំណង។

ប្រភព៖​ Phnom Penh HR