លោកមហាសេដ្ឋី Ronald Stephen Baron ជាស្ថាបនិករបស់ក្រុមហ៊ុន Baron Capital ដែលជាក្រុមហ៊ុនគ្រប់គ្រងលើការវិនិយោគ

លោក Ronald Stephen Baron កើតនៅឆ្នាំ ១៩៤៣ ដែលជាអ្នកគ្រប់គ្រង និងអ្នកវិនិយោគមូលធននៅសហរដ្ឋអាមេរិក ។ គាត់គឺជាស្ថាបនិករបស់ក្រុមហ៊ុន Baron Capital ដែលជាក្រុមហ៊ុនគ្រប់គ្រងលើការវិនិយោគ ។ ក្រុមហ៊ុននេះមានមូលដ្ឋាននៅទីក្រុងញូវយ៉កដែលបានគ្រប់គ្រងដោយមូលនិធិ Baron ដែលមានទ្រព្យសម្បត្តិប្រមាណ ២៦ ពាន់លានដុល្លារ ។

ជីវិតដំបូង និងការអប់រំ៖

លោក Ronald Baron បានធំឡើងនៅក្នុងគ្រួសារជ្វីហ្វមួយនៅតំបន់ Asbury Park រដ្ឋ New Jersey ដែលជាកូនម្នាក់ក្នុងចំនោមកូនពីរនាក់របស់លោកស្រី Marian និង​លោក Morton Baron ដែលជាវិស្វករ ។ លោក Baron បានវិនិយោគទឹកប្រាក់ចំនួន ១០០០ ដុល្លារដែលបានខិតខំសន្សំពីការធ្វើការងារជាអ្នកលក់ការ៉េម ។ ហើយគាត់បានបន្តការខិតខំសន្សំឲ្យប្រែក្លាយទៅជា ៤០០០ ដុល្លារដោយវិនិយោគលើភាគហ៊ុនដែលជំរុញឱ្យក្រុមអ្នកគាំទ្រហៅគាត់ថា “Count” ដែលជាឈ្មោះហៅក្រៅរបស់គាត់ ។ គាត់បានសិក្សាផ្នែកគីមីវិទ្យានៅឯសាកលវិទ្យាល័យ Bucknell និងបានចូលរៀននៅសាលាច្បាប់នៅសាកលវិទ្យាល័យ George Washington ។

អាជីព៖

លោក Ronald Baron បានបម្រើការនៅក្នុងក្រុមហ៊ុនឈ្មួញជើងសាជាច្រើនពីឆ្នាំ ១៩៧០ ដល់ ១៩៨២ ។ ក្នុងអំឡុងពេលនោះគាត់បានបង្កើតកេរ្តិ៍ឈ្មោះសម្រាប់ការវិនិយោគនៅក្នុងក្រុមហ៊ុនតូចៗជាច្រើន ។

ការគ្រប់គ្រងក្រុមហ៊ុនមូលធន Baron

លោក Ronald Baron បានបង្កើតក្រុមហ៊ុន Baron Capital Management ក្នុងឆ្នាំ ១៩៨២ ។ ក្រុមហ៊ុនមូលធន Baron Capital ត្រូវបានគេស្គាល់ថាជាយុទ្ធសាស្ត្ររយៈពេលវែង និងជាទស្សនវិស័យសម្រាប់ការវិនិយោគ ។ ក្រុមហ៊ុននេះជាធម្មតាកាន់កាប់ភាគហ៊ុនរយៈពេល ៤-៥ ឆ្នាំហើយពេលខ្លះរហូតដល់ ១០-១៥ ឆ្នាំ ។ ម្យ៉ាងវិញទៀតក្រុមហ៊ុននេះចូលចិត្តវិនិយោគលើនិន្នាការធំៗដែលជំរុញដោយនិន្នាការសង្គមនឹងប្រជាសាស្ត្រទូលំទូលាយរួមទាំងការរីកដុះដាលរបស់ទារកចំពោះការថែរក្សាសុខភាព – និន្នាការដែលជាតម្រូវការដែលបានរំពឹងថានឹងមានស្ថេរភាពច្រើនឆ្នាំ និងច្រើនទសវត្សរ៍ ។

ក្រុមហ៊ុនរបស់គាត់បានស្វែងរកការវិនិយោគលើក្រុមហ៊ុនដែលមានការគ្រប់គ្រងរឹងមាំសម្រាប់ការវិនិយោគលើមនុស្សមិនមែនទ្រព្យសម្បត្តិនោះទេ ។ ពួកគេស្វែងរកក្រុមហ៊ុនដែលមានឱកាសរីកចម្រើនខ្លាំងដែលទទួលបានហិរញ្ញប្បទានសមរម្យនឹងមានគុណសម្បត្តិប្រកួតប្រជែង និងជាអ្នកដឹកនាំនៅក្នុងវិស័យរបស់ពួកគេ ។

ក្រុមហ៊ុនមូលធន Baron Capital បានផ្តោតការយកចិត្តទុកដាក់ជាពិសេសទៅលើភាពខ្លាំងលើការគ្រប់គ្រងរបស់ក្រុមហ៊ុនដែលពួកគេបានវិនិយោគដើម្បីមើលភាពជាអ្នកដឹកនាំគួរឱ្យទុកចិត្ត ។ ក្នុងឆ្នាំ ២០១១ ក្រុមហ៊ុនមូលធន Baron Capital មានទ្រព្យសម្បត្តិប្រមាណ ១៩,៥ ពាន់លានដុល្លារ ។

លោក Baron បានរៀបចំការប្រជុំសម្រាប់ម្ចាស់ភាគហ៊ុនប្រចាំឆ្នាំដែលជាធម្មតាបង្ហាញពីសកម្មភាព Elton John, Beach Boys និង Lionel Richie ។ ក្នុងឆ្នាំ ២០១២ ក្រុមហ៊ុនមូលធន Baron Capital បានទិញយកភាគហ៊ុន ២៤ ភាគរយពីក្លឹបបាល់ទាត់ Manchester United ដែលត្រូវបានផ្តល់ជូននៅឯផ្សារហ៊ុនញូវយ៉កដោយក្រុមគ្រួសារ Glazer ។ ការវិនិយោគរបស់លោក Baron មានការចាប់អារម្មណ៍ពីម្ចាស់កម្មសិទ្ធិ ២,៥% នៅក្នុងក្លឹបខណៈដែលមានតែ ១០ ភាគរយនៃភាគហ៊ុនរបស់ក្រុមដែលបានអណ្តែតទ្បើង។

ប្រភព៖ Phnom Penh HR