លោកមហាសេដ្ឋី Samuel Robson Walton ជាប្រធានក្រុមហ៊ុន Walmart ដែលជាក្រុមហ៊ុនលក់ទំនិញដធំជាងគេបំផុតនៅលើពិភពលោក

លោក Samuel Robson “Rob” Walton កើតនៅថ្ងៃទី ២៨ ខែ តុលា ឆ្នាំ ១៩៤៤ គាត់គឺជាពាណិជ្ជករជនជាតិអាមេរិក។ គាត់ជាកូនប្រុសច្បងរបស់ Helen Walton និង Sam Walton ដែលជាស្ថាបនិកក្រុមហ៊ុន Walmart ដែលជាអ្នកលក់រាយធំជាងគេបំផុតនៅលើពិភពលោក។ លោក Walton បានបម្រើការជាប្រធានក្រុមហ៊ុន Walmart ពីឆ្នាំ ១៩៩២ ដល់ឆ្នាំ ២០១៥។ នៅក្នុងខែ តុលា ឆ្នាំ ២០១២ ឈ្មោះ Walton ត្រូវបានចុះបញ្ជីជាអ្នកមានបំផុតលំដាប់ទី ១១ នៅលើពិភពលោក។

ជីវិតដំបូង និងក្រុមគ្រួសារ៖

លោក Rob Walton កើតនៅតំបន់ Tulsa រដ្ឋ Oklahoma ដែលជាកូនប្រុសច្បងក្នុងចំណោមកូនទាំង ៤ របស់ Sam Walton ដែលជាសហករណ៍របស់ Wal-Mart និង Helen Walton ។ លោក Walton មានប្អូនប្រុសឈ្មោះ Jim Walton និងប្អូនស្រីម្នាក់ឈ្មោះ Alice Walton ។ បងប្រុសម្នាក់ទៀតឈ្មោះ John Walton បានស្លាប់នៅឆ្នាំ ២០០៥ ។

លោក Walton បានចូលរៀននៅមហាវិទ្យាល័យ Wooster និងបានបញ្ចប់ការសិក្សាពីសាកលវិទ្យាល័យ Arkansas ក្នុងឆ្នាំ ១៩៦៦ ដោយទទួលបានបរិញ្ញាបត្រវិទ្យាសាស្ត្រផ្នែករដ្ឋបាលពាណិជ្ជកម្មដែលនៅទីនោះគាត់ក៏ជាសមាជិកនៃភាតរភាពរបស់ Lambda Chi Alpha ផងដែរ។ គាត់បានទទួលសញ្ញាប័ត្របណ្ឌិតនៅឆ្នាំ ១៩៦៩ ពីសាលាច្បាប់នៃសាកលវិទ្យាល័យកូឡុំបៀ។ ហើយគាត់ក៏ជាអ្នកទទួលបន្ទុកនៅមហាវិទ្យាល័យ Wooster ផងដែរ។

បន្ទាប់ពីបញ្ចប់ការសិក្សាលោក Walton បានក្លាយជាសមាជិកនៃក្រុមហ៊ុនច្បាប់ដែលតំណាងឱ្យក្រុមហ៊ុន Wal-Mart, Conner & Winters នៅតំបន់ Tulsa រដ្ឋ Oklahoma ។ នៅឆ្នាំ ១៩៧៨ គាត់បានចាកចេញពីតំបន់ Tulsa ដើម្បីចូលរួមជាមួយក្រុមហ៊ុន Wal-Mart ដែលជាអនុប្រធានជាន់ខ្ពស់ហើយនៅឆ្នាំ ១៩៨២ គាត់ត្រូវបានតែងតាំងជាអនុប្រធាន។ លោក Walton ត្រូវបានគេតែងតាំងជាប្រធានក្រុមប្រឹក្សាភិបាលនៅថ្ងៃទី ៧ ខែ មេសា ឆ្នាំ ១៩៩២ គឺពីរថ្ងៃបន្ទាប់ពីឪពុកគាត់បានទទួលមរណភាព។

ទន្ទឹមនឹងនេះបងប្អូនបង្កើតគាត់បានសន្យានឹងផ្តល់ថវិកាចំនួន ២ ពាន់លានដុល្លារដល់មូលនិធិគ្រួសារ Walton ចាប់ពីឆ្នាំ ២០០៨ ដល់ឆ្នាំ ២០១៣ ។ នៅពេលដែលគាត់បានចាកចេញពីតំបន់ Tulsa ក្នុងឆ្នាំ ១៩៧៨ លោក Walton ត្រូវបានលែងលះពីប្រពន្ធដើមនឹងមានកូនចំនួន ៣ នាក់ហើយបន្ទាប់បានលែងលះគាត់បានរៀបការជាថ្មីជាមួយ Carolyn Funk ។ លោក Walton និង Carolyn បានដាក់ពាក្យសុំលែងលះម្តងទៀតនៅឆ្នាំ ២០០០។ បន្ទាប់ពីបានលែងលះជាលើកទីពីគាត់បានរៀបការជាមួយប្រពន្ធទីបីឈ្មោះថា Melani Lowman-Walton ក្នុងឆ្នាំ ២០០៥ ។

លោក Walton ត្រូវបានជាប់ចំណាត់ថ្នាក់លេខ ១៧ ក្នុងបញ្ជីទស្សនាវដ្តី Forbes របស់មហាសេដ្ឋីពិភពលោកឆ្នាំ ២០១៣ ដែលមានទ្រព្យសម្បត្តិសរុប ២៦,១ ពាន់លានដុល្លារ។ នៅក្នុងបញ្ជីឈ្មោះមហាសេដ្ឋីរបស់ទស្សនាវដ្តី Forbes ៤០០ ក្នុងឆ្នាំ ២០១៣ ដែលជាអ្នកមានបំផុតនៅអាមេរិកដែលជាប់ចំណាត់ថ្នាក់លេខ ៩ ។

ប្រភព៖ Phnom Penh HR