តើពាក្យ «វែក» មានន័យដូចម្ដេច ?

វែក

👉ថ្នាក់ពាក្យជា កិរិយាសព្ទ
មានន័យថា ញែកឲ្យឃ្លាតចេញ, ឲ្យស្រឡះ, ឲ្យមានចន្លោះ, ឲ្យមានជ្រលង, ឲ្យមានផ្លូវ; ផាត់ចេញ។
ឧទាហរណ៍៖ វែកវាំងនន, វែកមុង ។ វែកជែក វែកប្រជ្រៀតចូល ។ វែកញែក វែកផាត់ឲ្យញែកចេញ ។ វែកផ្លូវ វែកយកផ្លូវ, វែកឲ្យបានជាផ្លូវ ។ វែកផ្លូវវែកដំណើរ វែកឲ្យមានទំនងសេចក្ដីល្មមប្រព្រឹត្តទៅបាន ។ វែកផ្លូវសេចក្ដី អធិប្បាយឲ្យឃើញដំណើរសេចក្ដី, អធិប្បាយសេចក្ដីឲ្យទូលាយ ។ វែកមុខ វែកឲ្យមានមុខ; វែកចំពីមុខ; វែកយកមុខ យកប្រយោជន៍ ។ វែកមុខវែកមាត់ ជែកជែងយកមុខ, យកអំណាច ឬយកប្រយោជន៍ ។ ល ។

👉ថ្នាក់ពាក្យជា នាមសព្ទ
មានន័យថា ពស់មានពិសឃោរឃៅមួយពួក មានឈ្មោះផ្សេងៗគ្នា។
ឧទាហរណ៍៖ ពស់វែករនាម, វែកស្រងែ, វែកក្របី, វែកដំបូក, . . . ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត