តើពាក្យ «សក្ដា» មានន័យដូចម្ដេច ?

សក្ដា

👉ថ្នាក់ពាក្យជា គុណនាម
មានន័យថា ( សំ. ឝក្ដ ) ដែលអាច, អង់អាច, ដែលមានអំណាច, ក្លាហាន; មានកម្លាំង; មានព្យាយាមរឹងប៉ឹង; ពូកែ, ខ្លាំងពូកែ; ជំនាញ; ដែលប៉ិនធន់ទ្រាំ ។ ប្រើជា ន. ក៏បាន
ឧទាហរណ៍៖ មានសក្ដា, ដោយសក្ដា ។ សក្ដាតេជ ឬ –តេជះ ( –ដែច ឬ –ដេជះ ) តេជះដ៏អង់អាច, ដ៏ក្លាហាន ។ សក្ដានុភាព ( សំ. សក្ដ + អានុភាវ ) អានុភាពដ៏អង់អាច,… ។ ព. កា. ថា : សក្ដាខ្ពង់ខ្ពស់ ប៉ុន្តែគ្មានយស ពុំស្មើប្រជា ដែលគេគ្មានស័ក្ដិ គេមានមេត្តា សទ្ធាជ្រះថ្លា ទេព្ដាស្រឡាញ់ ។ កាព្យច្បាប់ រាជនេតិ នៃព្រះរាជសម្ភារថា : ស័ក្ដិពុំស្មើយស អ្នកមានរបស់ ពុំស្មើសក្ដា សូវបង់ធនធាន កុំខុសអាជ្ញា សូវមានរោគា កុំឲ្យមើលងាយ ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត