តើពាក្យ «សប្បាយ» មានន័យដូចម្ដេច ?

សប្បាយ

👉ថ្នាក់ពាក្យជា នាមសព្ទ
មានន័យថា ( បា. ) ដំណើរនៅជាសុខ, ដំណើរមិនមានទុក្ខ, មិនមានព្រួយ, មិនមានជំងឺ ។
ឧទាហរណ៍៖ នៅដោយសប្បាយ, ឥតមានសប្បាយ ។ ខ្មែរប្រើជា កិ. ក៏បាន “នៅជាសុខ, ឥតព្រួយ, ឥតរោគ” : ខ្ញុំមិនសូវសប្បាយ ។ ប្រើជា គុ. ឬ កិ. វិ. ក៏បាន “ដែលនាំឲ្យរីករាយចិត្ត, ដែលស្រួលចិត្ត” : ទីនេះសប្បាយណាស់!; ដើរលេងសប្បាយ ។ សប្បាយខ្លួន ស្រួលខ្លួន ។ សប្បាយចិត្ត ស្រួលចិត្ត, រីករាយ ។ សុខសប្បាយ សុខស្រួល ។ ល ។ សប្បាយដ្ឋាន ( ស័ប-ប៉ាយុ័ត-ឋាន ) ទី, កន្លែង ដែលនាំឲ្យមានសប្បាយ ។ សប្បាយភាព ( ស័ប-ប៉ាយ៉ៈភាប ) ភាព, ដំណើរនៃការនៅជាសុខ ។ សប្បាយមន្ទីរ ( ស័ប-ប៉ាយ៉ៈមន់ទី ) មន្ទីរ, ផ្ទះដែលស្រួលនៅ ។ សប្បាយាហារ ( ស័ប-ប៉ាយ៉ាហា; បា. < សប្បាយ + អាហារ ) អាហារដែលបរិភោគទៅនាំឲ្យស្រួលខ្លួន ។ ល ។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត