តើពាក្យ «សមាគម» មានន័យដូចម្ដេច ?

សមាគម

👉ថ្នាក់ពាក្យជា នាមសព្ទ
មានន័យថា ( សំ. បា. < សំ “ព្រម”, ំ > ម + អាគម “ការមក” ) ការមកចួបជុំ, ការប្រជុំ; ការរួមគំនិតគ្នា, ដំណើររួបរួមកិច្ចការជាមួយគ្នា ។ ខ្មែរប្រើសំដៅសេចក្ដីថា “ការចូលហ៊ុនគ្នា, ក្រុមហ៊ុន” ក៏បាន : សមាគមជំនួញ ក្រុមចូលហ៊ុនធ្វើជំនួញ ( ហៅ ពាណិជ្ជសមាគម ឬ ពាណិជ្យ– ក៏បាន ) ។ សមាគមញាតិ ការប្រជុំញាតិ ឬការចួបជុំពួកញាតិ ( ហៅ ញាតិសមាគម ក៏បាន ) ។ ថេរសមាគម ( ថេរ៉ៈ– ) ការប្រជុំពួកព្រះថេរៈ, ក្រុមជំនុំសង្ឃ ( ប្រជុំដើម្បីវិនិច្ឆ័យអធិករណ៍ ឬដើម្បីប្រឹក្សាអំពីកិច្ចការរបស់សង្ឃ ) ។ ពុទ្ធិកសមាគម ( ពុត-ធិ-កៈ– ) ការរួបរួមគំនិតគ្នារបស់អ្នកកាន់ពុទ្ធសាសនា ( ដើម្បីទំនុកបម្រុងពុទ្ធសាសនាឲ្យរុងរឿងចម្រុងចម្រើន ) ។ ល ។
                         ការប្រមូលផ្តុំគ្នាដើម្បីជាកម្លាំង អង្គការដែលមនុស្ស ច្រើននាក់ប្រមូលផ្តុំគ្នា ដើម្បីឱ្យសម្រេចបំណង ដោយ ឥតមានចែកផលប្រយោជន៍រវាងសមាជិក ។

ឧទាហរណ៍៖ សមាគមអ្នកនិពន្ធបានបំពេញសកម្មភាព គួរដល់ការកោតសរសើរ។

👉ថ្នាក់ពាក្យជា មូលដ្ឋាន
មានន័យថា សមាគមក្នុងស្រុក និងសមាគមបរទេស។

ដកស្រង់ពីវចនានុក្រមសម្ដេចព្រះសង្ឃរាជ ជួន ណាត