លោកមហាសេដ្ឋី Manuel Jove ជាស្ថាបនិក និងជាប្រធានក្រុមហ៊ុន Fadesa Inmobiliaria ដែលជាក្រុមហ៊ុនអចលនទ្រព្យដែលឈានមុខគេមួយនៅក្នុងប្រទេសអេស្ប៉ាញ

លោក Manuel Jove គឺជាស្ថាបនិក​ និងជាប្រធានក្រុមហ៊ុន Fadesa Inmobiliaria ដែលត្រូវបានបង្កើតឡើងក្នុងឆ្នាំ ១៩៨០ ហើយវាត្រូវបានអភិវឌ្ឍទៅជាក្រុមហ៊ុនអចលនទ្រព្យដែលឈានមុខគេមួយនៅក្នុងប្រទេសអេស្ប៉ាញ ។ ហើយគាត់បានផ្សព្វផ្សាយក្រុមហ៊ុននេះជាសាធារណៈក្នុងឆ្នាំ ២០០៤ ហើយបន្ទាប់មកគាត់បានលក់ភាគហ៊ុន ៥៥ ភាគរយរបស់គាត់ទៅឱ្យក្រុមហ៊ុនអចលនទ្រព្យ Martinsa ក្នុងតម្លៃ ៣ ពាន់លានដុល្លារក្នុងឆ្នាំ ២០០៦ មុនពេលនៃការដួលរលំអចលនទ្រព្យនៅអេស្ប៉ាញ ។

ក្រុមហ៊ុនអចលនទ្រព្យ Martinsa បានក្ស័យធនហើយពីរឆ្នាំក្រោយមកនៅខែ មីនា ឆ្នាំ ២០១១ ក្រុមហ៊ុននេះបានប្តឹងលោក Jove ក្នុងតម្លៃ ២ ពាន់លានដុល្លារដោយបានអះអាងថាថ្លៃទិញរបស់ Fadesa ត្រូវបានបំប៉ោង ។ លោក Jove បានឈ្នះនៅតុលាការក្នុងឆ្នាំ ២០១២ សូម្បីតែឈ្នះលើការចំណាយតាមផ្លូវច្បាប់របស់គាត់ផងដែរ ។

ក្រុមហ៊ុនវិនិយោគ Inveravante របស់គាត់ឥឡូវនេះកំពុងវិនិយោគជាង ៤៥០ លានដុល្លារទៅក្នុងការអភិវឌ្ឍអចលនទ្រព្យប្រណីតចំនួន ២ នៅក្នុងប្រទេសម៉ារ៉ុក ។ លោក Manuel Jove បានបង្កើតក្រុមហ៊ុនមួយដែលមានឈ្មោះថា Lodha Developers ដែលមាន ៣០ គម្រោងដែលកំពុងសាងសង់លើផ្ទៃដីចំនួន ៣៥ លានហ្វីតការ៉េរួមទាំងអគារខ្ពស់ៗ កម្ពស់ ១១៧ ជាន់នៅកណ្តាលទីក្រុងបុមបៃហៅថា “World One”ដោយមានអាផាតមិនមួយចំនួនត្រូវបានរចនាដោយអ្នករចនាម៉ូដដ៏ល្បីលើពិភពលោកលោកគឺ Giorgio Armani ។

ក្រុមហ៊ុនរបស់គាត់មានភាពល្បីល្បាញដោយសារវិនិយោគទឹកប្រាក់ជាង ១ ពាន់លានដុល្លារក្នុងការអភិវឌ្ឍទីក្រុង New Cuffe Parade ដែលជាក្រុងថ្មីដែលមានប៉ម ៦៣ ជាន់ចំនួន ៤ នៅលើទីតាំងដែលមានទំហំដី ២៣ ហិចតា ។ ហើយបច្ចុប្បន្នក្រុមហ៊ុននេះត្រូវបានគ្រប់គ្រងដោយកូនប្រុសរបស់គាត់គឺ Abhishek និង Abhinandan ។

ប្រភព៖ Phnom Penh HR