លោកមហាសេដ្ឋី Ray Lee Hunt ជាអ្នកស្នងមរតក និងជាអ្នកគ្រប់គ្រងក្រុមហ៊ុនប្រេង Hunt Oil Co.

លោក Ray Lee Hunt កើតនៅឆ្នាំ ១៩៤៣ ដែលជាអ្នកស្នងមរតក និងជាអ្នកជំនួញជនជាតិអាមេរិក ។ លោក Ray Lee Hunt គឺជាកូនប្រុសរបស់លោក HL Hunt ដែលជាស្ថាបនិក និងជានាយកប្រតិបត្តិរបស់ក្រុមហ៊ុនប្រេង Hunt Oil Co. ។ បន្ទាប់ពីមរណភាពរបស់ឪពុកគាត់ក្នុងឆ្នាំ ១៩៧៤ លោក Ray Lee Hunt បានទទួលមរតកពីឪពុករបស់គាត់ដែលជាអ្នកគ្រប់គ្រងក្រុមហ៊ុនប្រេង Hunt Oil Co. រួមជាមួយបងស្រី ៣ នាក់របស់គាត់ ។

នៅឆ្នាំ ១៩៨២ យោងតាមរយះទស្សនាវដ្តី Forbes បានប៉ាន់ប្រមាណថាទ្រព្យសម្បត្តិសរុបរបស់ក្រុមគ្រួសារលោក Ray Hunt មានចំនួន ២០០ លានដុល្លារ ។ លោក Ray Lee Hunt បានចាប់ផ្តើមធ្វើការរុករកឃើញប្រេងដ៏ធំមួយនៅក្នុងប្រទេសយេម៉ែននៅក្នុងឆ្នាំ ១៩៨៤ ។ គាត់ត្រូវការពេលពីរឆ្នាំសម្រាប់ធ្វើការជាដៃគូជាមួយក្រុមហ៊ុនផ្សេងទៀតដើម្បីរៀបចំបំពង់បង្ហូរប្រេង និងចាប់ផ្តើមសាងសង់រោងចក្រចម្រាញ់ប្រេង ។ នៅឆ្នាំ ២០០៦ យោងតាមរយះទស្សនាវដ្តី Forbes បានប៉ាន់ស្មានថាទ្រព្យសម្បត្តិរបស់ក្រុមគ្រួសារគាត់បានកើនឡើងពី ២០០ លានដុល្លារដល់ ៤,៦ ពាន់លានដុល្លារ ។

នៅខែ កញ្ញា ឆ្នាំ ២០០៧ លោក Ray Lee Hunt បានធ្វើកិច្ចព្រមព្រៀងសម្រាប់ការដឹកជញ្ជូនប្រេងជាមួយរដ្ឋាភិបាលនៅតំបន់ឃឺដនៅក្នុងដែនដីដែលមានវិវាទ  Ninewa នៅក្បែរអភិបាល Dohuk ដែលមានតម្លៃប្រមាណ ៨ ទៅ ១៤,៥ ពាន់លានដុល្លារ ។ រដ្ឋមន្រ្តីក្រសួងប្រេងអ៊ីរ៉ាក់បានប្រកាសថាកិច្ចព្រមព្រៀងនេះមិនស្របច្បាប់ទេពីព្រោះនៅក្រោមច្បាប់របស់ប្រទេសអ៊ីរ៉ាក់បច្ចុប្បន្នមានតែរដ្ឋាភិបាលកណ្តាលប៉ុណ្ណោះទេដែលត្រូវបានអនុញ្ញាតឱ្យធ្វើកិច្ចសន្យាទោះបីតំបន់ឃឺដជឿជាក់ថាខ្លួនមានសិទ្ធិធ្វើរដ្ឋធម្មនុញ្ញក៏ដោយ ។

ជនជាតិឃឺដបានបដិសេធមិនផ្តល់ព័ត៌មានលម្អិតអំពីកិច្ចព្រមព្រៀងនេះទេប៉ុន្តែពួកគេបានទទូចថានឹងចែករំលែកប្រាក់ចំណេញ ។ ដូចគ្នានេះដែរក្រុមហ៊ុនប្រេង Hunt Oil បានបដិសេធមិនឆ្លើយសំណួរអំពីកិច្ចព្រមព្រៀងពីមន្រ្តីរដ្ឋាភិបាលអាមេរិកដែលបានអំពាវនាវសុំព័ត៌មានលម្អិតនៅពេលដែលកិច្ចព្រមព្រៀងនេះក្លាយជាសាធារណៈ ។

គណៈកម្មាធិការសភាសហរដ្ឋអាមេរិកបានធ្វើការសន្និដ្ឋានថាលោក George W. Bush បានដឹងថាក្រុមហ៊ុនប្រេង Hunt oil គ្រោងនឹងចុះហត្ថលេខាលើកិច្ចព្រមព្រៀងសម្រាប់ការដឹកជញ្ជូនប្រេងជាមួយរដ្ឋាភិបាលក្នុងតំបន់ឃឺដដែលប្រឆាំងនឹងគោលនយោបាយរបស់អាមេរិក និងបានផ្តួលរំលំរដ្ឋាភិបាលកណ្តាលរបស់ប្រទេសអ៊ីរ៉ាក់ ។ បញ្ហានៅតែបើកដំណើរការហើយការិយាល័យអធិការកិច្ចទូទៅនៃក្រសួងការបរទេសរបស់សហរដ្ឋអាមេរិកកំពុងពិនិត្យមើលបញ្ហានេះ ។

ទ្រព្យសម្បត្តិ៖ Ray Lee Hunt

លោក Ray Lee Hunt គឺជាអ្នកជំនួញជនជាតិអាមេរិកម្នាក់ដែលមានទ្រព្យសម្បត្តិសរុបចំនួន ៦,១ ពាន់លានដុល្លារដែលបានធ្វើឱ្យគាត់បានក្លាយជាអ្នកមានជាងគេនៅរដ្ឋតិចសាស់ ។ លោក Ray Lee Hunt បានបញ្ចប់ការសិក្សាពីសាកលវិទ្យាល័យ Southern Methodist ។ គាត់បានទទួលមរតកពីឪពុករបស់គាត់ដែលបានបន្តគ្រប់គ្រងក្រុមហ៊ុនដោយទទួលបានការរីកលូតលាស់សម្រាប់អាជីវកម្មគ្រួសាររបសគាត់ ។ ក្រុមគ្រួសាររបស់គាត់បានកាន់កាប់ដីយ៉ាងច្រើននៅភាគខាងត្បូងក៏ដូចជាសណ្ឋាគារ និងអគារពាណិជ្ជកម្មជាច្រើន ។

ក្រុមហ៊ុនប្រេង Hunt Oil បានធ្វើកិច្ចព្រមព្រៀងយ៉ាងធំទូលាយនៅក្នុងប្រទេសយេម៉ែន និងផ្នែកផ្សេងទៀតនៃមជ្ឈឹមបូព៌ា ។
ក្រុមហ៊ុននេះបានបង្កប់នៅក្នុងជំលោះជាច្រើននៅចុងបូព៌ារួមទាំងជំលោះដីធ្លីរវាងប្រទេសអ៊ីរ៉ាក់ និងប្រទេសឃឺដដែលបានទាក់ទងនឹងអ្នកណាដែលមានសិទ្ធិលក់ប្រេងដែលស្ថិតនៅក្រោមដីទៅភាគីខាងក្រៅ និងចេញនូវសេចក្តីជូនដំណឹងអំពីការបណ្តេញចេញពីសហព័ន្ធដើមកំណើតនៃទីក្រុង Rio Madre ។

ប្រភព៖ Phnom Penh HR