Category: Energy

លោក Leonid Arnoldovich Fedun កើតនៅថ្ងៃទី ០៥ ខែ មេសា ឆ្នាំ ១៩៥៦ ដែលអ្នកជំនួញជនជាតិរុស្ស៊ី ។ គិតត្រឹមឆ្នាំ ២០១៦ គាត់មានទ្រព្យសម្បត្តិសុទ្ធសរុបចំនួន ៤,៨ ពាន់លានដុល្លារ ។ លោក Fedun គឺជាអតីតមន្រ្តីយោធារុស្ស៊ី និងជាសហការីជិតស្និទ្ធរបស់លោក Vagit Alekperov ដែលជានាយកប្រតិបត្តិរបស់ក្រុមហ៊ុនប្រេង Lukoil ។ លោក Fedun បានកាន់កាប់ភាគហ៊ុន ៩.២% នៃភាគហ៊ុនរបស់ក្រុមហ៊ុន Lukoil និងក្លឹបបាល់ទាត់រុស្ស៊ី Spartak Moscow ។

អាជីព៖

នៅខែ វិច្ឆិកា ឆ្នាំ ១៩៩២ លោក Fedun បានចូលប្រឡូកក្នុងអាជីវកម្ម និងបង្កើតក្រុមហ៊ុន Neftkonsult LLP ។ នៅឆ្នាំ ១៩៩៣ គាត់ត្រូវបានបណ្តេញចេញពីយោធារុស្ស៊ីហើយក្រោយមកគាត់បានក្លាយជានាយកប្រតិបត្តិរបស់ក្រុមហ៊ុន JSC ។ នៅឆ្នាំ ១៩៩៦ លោក Fedun បានក្លាយជាអនុប្រធាននៃក្រុមហ៊ុន LUKoil Inc ។ នៅខែ ឧសភា ឆ្នាំ ២០០៦ លោក Fedun ក៏ជាម្ចាស់ភាគហ៊ុនមួយក្នុងចំណោមម្ចាស់ពីរនៃក្រុមហ៊ុន IFD Kapital Group ផងដែរ ។

ទ្រព្យសម្បត្តិ៖ Leonid Fedun

យោងតាមរយះទស្សនាវដ្តី Forbes បានឱ្យដឹងថាលោក Leonid Fedun គឺជាអ្នកជំនួញជនជាតិរុស្ស៊ីដែលមានទ្រព្យសម្បត្តិសុទ្ធសរុបប្រមាណ ៥,១ ពាន់លានដុល្លារគិតត្រឹមខែ មេសា ឆ្នាំ ២០១៦ ។ ក្នុងឆ្នាំ ២០១២ ទ្រព្យសម្បត្តិសុទ្ធរបស់គាត់ត្រូវបានគេប៉ាន់ស្មានថាមានប្រហែល ៦,១ ពាន់លានដុល្លារដែលធ្វើឱ្យគាត់បានក្លាយជាអ្នកមានជាងនៅលើពិភពលោក ។ បន្ទាប់ពីមួយឆ្នាំក្រោយមកទ្រព្យសម្បត្តិសុទ្ធរបស់គាត់បានកើនឡើងមួយពាន់លានដុល្លារ ។

ទ្រព្យសម្បត្តិរបស់លោក Fedun ភាគច្រើនបានមកពីការវិនិយោគនៅក្នុងក្រុមហ៊ុនប្រេងរុស្ស៊ី Lukoil ដែលគាត់មានភាគហ៊ុន ៩,២% នៃភាគហ៊ុនសរុប ។ គាត់បានចាប់ផ្តើមធ្វើការធ្វើឯកជនភាវូបនីយកម្មរបស់ក្រុមហ៊ុននៅទសវត្សឆ្នាំ ១៩៩០ ។ បច្ចុប្បន្នគាត់គឺជាដៃស្តាំរបស់លោក Vagit Alekperov ដែលជានាយកប្រតិបត្តិរបស់ក្រុមហ៊ុន Lukoil ។ គាត់ក៏ជាម្ចាស់ក្លឹប Spartak Moscow ដែលជាក្លឹបបាល់ទាត់រុស្ស៊ីផងដែរ ។ ហើយគាត់ក៏ជាអ្នកទទួលខុសត្រូវផងដែរក្នុងការត្រួតពិនិត្យសកម្មភាពវិនិយោគរបស់ក្រុមហ៊ុន IFD Capital ។

ប្រភព៖ Phnom Penh HR

លោក Rustem Sulteev គឺជាសហស្ថាបនិរបស់ក្រុមហ៊ុន TAIF Group ដែលជាក្រុមហ៊ុនកាន់កាប់តំបន់ធំមួយដែលមានទ្រព្យសម្បត្តិនៅសាធារណរដ្ឋ Tatarstan ។ ក្រុមហ៊ុននេះរួមមានរោងចក្រចម្រាញ់ប្រេង បណ្តាញស្ថានីយ ប្រេងឥន្ធនៈពីរ រោងចក្រគីមី រោងចក្រថាមពល និងក្រុមហ៊ុនសំណង់ ។

ក្រុមហ៊ុន TAIF បានក្លាយជាម្ចាស់ភាគហ៊ុននៅក្នុងក្រុមហ៊ុនភាគច្រើនរបស់ខ្លួនក្នុងអំឡុងពេលធ្វើឯកជនភាវូបនីយកម្មរបស់រុស្ស៊ីនៅពាក់កណ្តាលទសវត្សឆ្នាំ ១៩៩០ ។ ហើយក្រុមហ៊ុនមួយនេះបានចូលរួមចំណែកជួយឧបត្ថម្ភដល់ក្លឹបកីឡាជាច្រើននៅក្នុងទីក្រុង Tatarstan រួមទាំងក្លឹបក្រុមបាល់ទាត់ Rubin ផងដែរ ។ នៅក្នុងខែ ធ្នូ ឆ្នាំ ២០១៦ ក្រុមហ៊ុន TAIF បានទិញយក ២៥ ភាគរយនៃភាគហ៊ុនរបស់ក្រុមហ៊ុន Nizhnekamskneftehim ដែលជាក្រុមហ៊ុនគីមីឥន្ធនៈដ៏ធំក្នុងតម្លៃ ៥២៥ លានដុល្លារ ។

ទ្រព្យសម្បត្តិ៖ Rustem Sulteev

លោក Rustem Sulteev គឺជាពាណិជ្ជករជនជាតិរុស្ស៊ីម្នាក់ដែលមានទ្រព្យសម្បត្តិសុទ្ធប្រមាណ ១.១៥ ពាន់លានដុល្លារ ។ គាត់បានក្លាយជាសហស្ថាបនិករបស់ក្រុមហ៊ុន TAIF ដែលជាក្រុមហ៊ុនកាន់កាប់តំបន់ដ៏មហិមាដែលមានទ្រព្យសម្បត្តិនៅសាធារណរដ្ឋ Tatarstan ។ ហើយក្រុមហ៊ុននេះបានក្លាយជាម្ចាស់ភាគហ៊ុនធំនៅក្នុងរោងចក្រចម្រាញ់ប្រេងភាគច្រើនរោងចក្រគីមី រោងចក្រថាមពល ស្ថានីយ៍ប្រេងឥន្ធនៈ និងក្រុមហ៊ុនសំណង់នៅពាក់កណ្តាលទសវត្សទី ៩០ នៃសម័យកាលធ្វើឯកជនភាវូបនីយកម្មរបស់រុស្ស៊ី ។ លោក Sulteev មិនត្រឹមតែទទួលបានអត្ថប្រយោជន៍ពីការរីកចម្រើនរបស់ក្រុមហ៊ុនប៉ុណ្ណោះនោះទេតែគាត់ក៏ជាសហម្ចាស់ភាគហ៊ុន និងជាអនុប្រធានក្រុមប្រឹក្សាភិបាលរបស់ក្រុមហ៊ុន TAIF ផងដែរ ។​

ប្រភព៖ Phnom Penh HR

លោក Andrey Melnichenko កើតនៅថ្ងៃទី ០៨ ខែ មីនា ឆ្នាំ ១៩៧២ ដែលជាមហាសេដ្ឋីរុស្ស៊ីដែលទ្រព្យសម្បត្តិផ្ទាល់ខ្លួនសរុបប្រមាណ ១៣,២ ពាន់លានដុល្លារអាមេរិកក្នុងឆ្នាំ ២០១៧ ។
ជីវិតដំបូង៖

លោក Andrey Melnichenko បានបញ្ចប់ការសិក្សានៅសាលាក្រុមប្រឹក្សាភិបាលនៃមជ្ឈមណ្ឌលអប់រំ និងស្រាវជ្រាវឯកទេសក្រោមការឧបត្ថម្ភរបស់សាកលវិទ្យាល័យ Lomonosov Moscow ដែលពីមុនវាត្រូវបានគេស្គាល់ថាជាសាលាប្រឹក្សាភិបាលនៅសាលារូបវិទ្យានិងគណិតវិទ្យា ។ នៅពេលគាត់បានបញ្ចប់ការសិក្សាគាត់ត្រូវបានគេអនុញ្ញាតឱ្យចូលរៀននៅសាលារូបវិទ្យានៅឯសាកលវិទ្យាល័យរដ្ឋម៉ូស្គូហើយក្រោយមកគាត់បានបញ្ចប់ការសិក្សាពីសាកលវិទ្យាល័យសេដ្ឋកិច្ច Plekhanov នៃសាកលវិទ្យាល័យរុស្ស៊ី ។

អាជីព៖

នៅឆ្នាំ ១៩៩៣ ក្នុងអាយុ ២១ ឆ្នាំលោក Melnichenko បានចាប់ផ្តើមបង្កើតធនាគារ MDM ដែលបានក្លាយជាធនាគារឯកជនដ៏ធំបំផុតនៅក្នុងប្រទេសរុស្ស៊ីក្នុងរយៈពេលដប់ឆ្នាំ ។ ចាប់ពីឆ្នាំ ១៩៩៣ ដល់ឆ្នាំ ១៩៩៧ លោក Andrey Melnichenko បានធ្វើជាប្រធានក្រុមប្រឹក្សាភិបាលនៃធនាគារ MDM ។ នៅឆ្នាំ ១៩៩៧​ គាត់បានបញ្ចប់ការសិក្សានៅឯសាកលវិទ្យាល័យ Plekhanov នៃសាកលវិទ្យាល័យសេដ្ឋកិច្ចរុស្ស៊ីដោយទទួលបានសញ្ញាបត្រផ្នែកហិរញ្ញវត្ថុ និងឥណទាន ។ បន្ទាប់មកគាត់បានទិញយកភាគហ៊ុនរបស់ធនាគារ MDM ពីដៃគូរបស់គាត់ហើយបន្ទាប់មកគាត់បានក្លាយជាម្ចាស់ភាគហ៊ុនតែមួយគត់របស់ធនាគារ ។ ចាប់ពីឆ្នាំ ២០០១ ដល់ ២០០៥ គាត់បានធ្វើជាប្រធានក្រុមប្រឹក្សាភិបាលរបស់ធនាគារ MDM ។

ចាប់ពីឆ្នាំ ២០០១ ដល់ឆ្នាំ ២០០៤ គាត់គឺជាប្រធានក្រុមហ៊ុន MDM Group ។ នៅចន្លោះឆ្នាំ ២០០០ និង ២០០១ លោក Melnichenko បានបង្កើតក្រុមហ៊ុន MDM Group ដែលរួមមានទ្រព្យសម្បត្តិផ្នែកឧស្សាហកម្មដែលក្រោយមកបានបង្កើតក្រុមហ៊ុនថាមពលធ្យូងថ្មស៊ីបេរី (SUEK)និងក្រុមហ៊ុនរ៉ែ ។

លោក Andrey Melnichenko ក៏បានក្លាយជាស្ថាបនិកម្នាក់នៃក្រុមហ៊ុន TMK និងក្រុមហ៊ុន Metallurgic ដែលជាក្រុមហ៊ុនផលិតនិងនាំចេញបំពង់ដែកដ៏ធំបំផុតរបស់ប្រទេសរុស្ស៊ី ។ ក្នុងឆ្នាំ ២០០៤ គាត់ក៏បានលក់ភាគហ៊ុនរបស់គាត់នៅក្នុងប្រតិបត្តិការទាក់ទងនឹងការដាក់ភាគហ៊ុនរបស់ក្រុមហ៊ុនជាសាធារណៈជាមួយទីផ្សារភាគហ៊ុននៅក្នុងទីឡុងដ៍ផងដែរ ។

ចាប់ពីឆ្នាំ ២០០៤ ដល់ឆ្នាំ ២០០៧ លោក Andrey Melnichenko បានលក់ភាគហ៊ុនទាំងអស់ដែលជាកម្មសិទ្ធិផ្ទាល់របស់ធនាគារ MDM ទៅអោយដៃគូររបស់គាត់គឺលោក Sergei Popov និងផ្តោតលើការអភិវឌ្ឍទ្រព្យសម្បត្តិឧស្សាហកម្ម និងថាមពល ។ ក្នុងឆ្នាំ ២០១១ គាត់បានបង្កើតក្រុមហ៊ុន SGK ដោយផ្អែកលើទ្រព្យសម្បត្តិអគ្គិសនីរបស់ក្រុមហ៊ុន SUEK ។

នៅឆ្នាំ ២០១៣ លោក Andrey Melnichenko បានក្លាយជាម្ចាស់ភាគហ៊ុនចម្បងរបស់ក្រុមហ៊ុន SUEK និងក្រុមហ៊ុន SGK បន្ទាប់ពីគាត់បានទិញយកភាគហ៊ុនពីអតីតដៃគូររបស់គាត់ ។ ហើយគាត់ក៏ជាប្រធានក្រុមប្រឹក្សាភិបាលនៃក្រុមហ៊ុន OJSC SUEK ចាប់ពីខែ មីនា ឆ្នាំ ២០០៤ រហូតដល់ខែ មេសា ឆ្នាំ ២០១៥ ។លោក Andrey Melnichenko គឺជាប្រធានគណៈកម្មាធិការយុទ្ធសាស្ត្រនៃក្រុមហ៊ុន EuroChem Group AG ។

គាត់ក៏ជាប្រធានគណៈកម្មាធិការយុទ្ធសាស្ត្រនៃក្រុមហ៊ុន SUEK LTD ។ ចាប់តាំងពីឆ្នាំ ២០០៧ លោក Andrey Melnichenko បានក្លាយជាសមាជិកម្នាក់នៃការិយាល័យក្រុមប្រឹក្សាភិបាលនៃសហព័ន្ធឧស្សាហកម្ម និងសហគ្រិនរុស្ស៊ី (RSPP)ដែលជាប្រធានគណៈកម្មាធិកានៃក្រុមហ៊ុនរ៉ែ ។

ប្រភព៖ Phnom Penh HR

លោក Vagit Yusufovich Alekperov កើតនៅថ្ងៃទី ០១ ខែ កញ្ញា ឆ្នាំ 1950 គាត់គឺជាអ្នកជំនួញជនជាតិរុស្ស៊ីដែលជាម្ចាស់អាជីវកម្មប្រេង LUKOIL ឈានមុខគេរបស់ប្រទេសរុស្ស៊ី ។ បច្ចុប្បន្នគាត់ត្រូវបានគេចុះផ្សាយនៅក្នុងទស្សនាវដ្តី Forbes ដែលជាអ្នកមានជាងគេបំផុតនៅលំដាប់ទី ៨ នៅក្នុងប្រទេសរុស្ស៊ីដែលមានទ្រព្យសម្បត្តិសរុប ១២.៣ ពាន់លានដុល្លារហើយក៏ជាអ្នកមានបំផុតទី ១១៤ នៅលើពិភពលោក ។

ជីវប្រវត្តិ៖

លោក Vagit កើតនៅទីក្រុង Baku ជាទីក្រុងដំបូងគេដែលមានវិស័យផលិតប្រេងដ៏ធំជាងគេបំផុតនៅលើពិភពលោក ។ ឪពុករបស់គាត់បានចែកឋាននៅពេលគាត់នៅវ័យក្មេងហើយគាត់បានធ្វើប្រតិបត្តិការនៅក្នុងតំបន់ប្រេងពេញមួយជីវិតរបស់គាត់ ។ ឪពុករបស់គាត់គឺជាជនជាតិម៉ូស្លីមហើយម្តាយគឺជាជនជាតិគ្រិស្តអូស្សូដក់ ។ គាត់មិនបានកំណត់ខ្លួនគាត់ថាជាជាជនជាតិម៉ូស្លីមឬជនជាតិគ្រិស្តអូស្សូដក់នោះទ្បើយ ។ នៅពេលគាត់មានអាយុដប់ប្រាំបីឆ្នាំគាត់បានធ្វើប្រតិបត្តិការនៅក្នុងវិស័យប្រេងដំបូងរបស់គាត់នៅលើទីផ្សារ ។

លោក Vagit បានបញ្ចប់ការសិក្សានៅឆ្នាំ ១៩៧៤ ពីវិស័យប្រេងនៅ Azerbaijan ក៏ដូចជានៅវិទ្យាស្ថានគីមីវិទ្យា ។ ក្នុងនាមជាអ្នកហ្វឹកហាត់ម្នាក់គាត់បានបំពេញមុខងារជាប្រតិបត្តិករខួងប្រេងនៅតំបន់ Kaspmorneft ដែលជាអាជីវកម្មផលិតប្រេងនៅក្នុងតំបន់ Caspian ។ បន្ទាប់ពីបញ្ចប់ការសិក្សានៅមហាវិទ្យាល័យគាត់បានបំពេញការងារនៅទីនោះហើយនៅឆ្នាំ ១៩៧៩ គាត់បានក្លាយជាអនុប្រធានផ្នែកផលិតប្រេងផងដែរ ។ ហើយគាត់បានធ្វើប្រតិបត្តិការអាជីវកម្មផលិតប្រេងដែលបានជួបបញ្ហាធ្ងន់ធ្ងរនៅលើវិស័យផលិតប្រេង ។

លោក Vagit បានផ្ទេរទៅភាគខាងលិចស៊ីបេរីនៅក្នុងឆ្នាំ ១៩៧៩ ហើយក៏បានធ្វើប្រតិបត្តិការនៅតំបន់ Surgutneftegaz ក្នុងចន្លោះឆ្នាំ ១៩៧៩ ដល់ ១៩៨៥ ដែលធ្វើឱ្យគាត់មានភាពរីកចម្រើនសម្រាប់វិជ្ជាជីវៈនឹងភាពជឿជាក់របស់គាត់នៅក្នុងវិស័យប្រេងមួយនេះ។ ហើយគាត់ត្រូវបានគេតំឡើងឋានៈក៏ដូចជានៅឆ្នាំ ១៩៨៥ ហើយគាត់បានក្លាយជាអ្នកត្រួតពិនិត្យមូលដ្ឋានដំបូងនៃក្រុមហ៊ុនផលិតប្រេង Bashneft ។ ក្នុងឆ្នាំ ១៩៨៧ លោក Vagit បានបញ្ចប់តួនាទីជាអ្នកត្រួតត្រាអាជីវកម្មផលិតប្រេងដែលទើបនឹងបង្កើតនៅតំបន់ Kogalymneftegaz ។

នៅឆ្នាំ ១៩៩០ លោក Vagit ត្រូវបានជ្រើសរើសជាអនុរដ្ឋមន្រ្តីក្រសួងប្រេងក៏ដូចជាផ្នែកសគ្រាសហ្គាសនៃសហភាពសូវៀតហើយក៏បានក្លាយជាអ្នកមានវ័យក្មេងជាងគេនៅប្រទេសសូវៀត។ ក្នុងកំឡុងពេលនោះគាត់មានទីតាំងនៃអាជីវកម្មថាមពលដែលគ្រប់គ្រងដោយរដ្ឋនឹងបង្រួបបង្រួមដោយក្រុមហ៊ុនជាច្រើននៅក្នុងវិស័យថាមពលដែលនៅពេលនោះត្រូវបានគេរាយការណ៍ទៅសហគ្រាសការិយាធិបតេយ្យផ្សេងៗ។

ក្នុងនាមជារដ្ឋមន្រ្តីក្រសួងប្រេង និងផ្នែកឧស្ម័ននៃសហភាពសូវៀតគឺលោក Vagit បានចូលរួមនៅក្នុងការអភិវឌ្ឍក្រុមហ៊ុនថាមពលដែលបានដាក់បញ្ចូលដំបូងបង្អស់របស់រដ្ឋ Langepas-Uray-Kogalymneft ដែលត្រូវបានបង្កើតឡើងនៅចុងឆ្នាំ ១៩៩១ ដែលជារសម្ព័ន្ធរបស់ក្រសួងនៃឧស្ម័នក៏ដូចជាថាមពល។ហើយគាត់បានបន្តជាធ្វើជាប្រធានគ្រប់គ្រងក្រុមហ៊ុន LUKoil។

បច្ចុប្បន្នក្រុមហ៊ុន LUKoil គឺជាក្រុមហ៊ុនប្រេងដែលមានប្រសិទ្ធភាពបំផុតនៅលើពិភពលោក។ក្រុមហ៊ុន LUKoil គឺជាអាជីវកម្មប្រេងដំបូងគេបង្អស់របស់ប្រទេសរុស្ស៊ី។ នៅខែ វិច្ឆិកា ឆ្នាំ ២០០០ ក្រុមហ៊ុន LUKoil ទទួលបានការផ្សាយពាណិជ្ជកម្ម និងទីផ្សារប្រេង Getty និងមានស្ថានីយប្រេងចាក់សាំងចំនួន ១៣០០ របស់ខ្លួននៅសហរដ្ឋអាមេរិកផងដែរ។

នៅខែ ឧសភា ២០០៦ លោក Vagit គ្រាន់តែជាសមាជិកម្នាក់នៅក្នុងចំណោមម្ចាស់សហគ្រាសធំៗរបស់ក្រុមហ៊ុន IFD Kapital ។លោក Vagit គឺជាប្រធានក្រុមហ៊ុន Lukoil ដែលជាអ្នកផលិតប្រេង ២ ភាគរយនៃពិភពលោក។ ក្រុមហ៊ុនមួយនេះមានមូលដ្ឋាននៅទីក្រុងមូស្គូដែលមានបុគ្គលិកជាង ១០ ម៉ឺននាក់និងមានប្រាក់ចំណូល ៩៣,៩ ពាន់លានដុល្លារក្នុងឆ្នាំ ២០១៧ ។

លោក Vagit បានប្រមូលបានភាគលាភជាង ៤ ពាន់លានដុល្លារ និងបានកាន់កាប់ភាគហ៊ុន ២៥ ភាគរយនៃក្រុមហ៊ុន IFD Kapital ដែលជាការវិនិយោគផ្នែកថាមពលសំណង់ និងប្រព័ន្ធផ្សព្វផ្សាយ។

ប្រភព៖ Phnom Penh HR

លោក Leonid Mikhelson កើតថ្ងៃទី ១១ ខែ​ សីហា ឆ្នាំ ១៩៥៥ គាត់គឺជាអ្នកជំនួញរុស្ស៊ី និងជានាយកប្រតិបត្តិ និងជាម្ចាស់ភាគហ៊ុននៃក្រុមហ៊ុនឧស្ម័ននៅរុស្ស៊ី Novatek ។ យោងតាមទស្សនាវដ្តី Forbes ទ្រព្យសម្បត្តិផ្ទាល់ខ្លួនរបស់គាត់ត្រូវបានគេប៉ាន់ប្រមាណថាមានចំនួន ១៨,២ ពាន់លានដុល្លារអាមេរិកគិតត្រឹមឆ្នាំ ២០១៧ ។

ជីវប្រវត្តិ៖

លោក Leonid Mikhelson កើតនៅក្នុងគ្រួសារត្រកូលជ្វីហ្វ។​ ហើយគាត់បានចាប់ផ្តើមអាជីពជាវិស្វករបន្ទាប់ពីបានបញ្ចប់ការសិក្សាថ្នាក់បរិញ្ញាប័ត្រផ្នែកវិស្វកម្មសំណង់ស៊ីវិលពីវិទ្យាស្ថានវិស្វកម្មសំណង់ស៊ីវិលនៅឆ្នាំ ១៩៧៧។ ហើយគាត់បានចាប់ផ្តើមធ្វើការជាមេជាងនៅក្នុងក្រុមហ៊ុនសំណង់មួយនៅតំបន់ Tyumen នៃរដ្ឋស៊ីបេរី។ គម្រោងដំបូងមួយរបស់គាត់គឺកំពុងដំណើរការលើបំពង់បង្ហូរឧស្ម័ន Urengoi-Chelyabinsk ។

នៅឆ្នាំ ១៩៨៥ គាត់ត្រូវបានតែងតាំងជាប្រធានវិស្វករនៃក្រុមហ៊ុន Ryazantruboprovodstroy ។ នៅឆ្នាំ ១៩៨៧ គាត់បានក្លាយជាអគ្គនាយករងនៃក្រុមហ៊ុន Kuibishevtruboprovodstroy ។ នៅឆ្នាំ ១៩៩១ ក្រុមហ៊ុន Ryazantruboprovodstroy គឺជាក្រុមហ៊ុនដ៏ធំមួយក្នុងចំណោមក្រុមហ៊ុនដំបូងគេដែលបានធ្វើឯកជនភាវូបនីយកម្មបន្ទាប់ពីការរំលាយសហភាពសូវៀត។

លោក Mikhelson បានបន្តធ្វើជានាយកគ្រប់គ្រងនៅក្នុងក្រុមហ៊ុនដែលត្រូវបានប្តូរឈ្មោះទៅជា NOVA រហូតដល់ខែ តុលា ឆ្នាំ ១៩៩៤។ បន្ទាប់មកគាត់បានក្លាយជាអគ្គនាយកនៃក្រុមហ៊ុនដែលបានកាន់កាប់ក្រុមហ៊ុន Novafinivest ដែលក្រោយមកក្រុមហ៊ុនរបស់គាត់ត្រូវបានគេស្គាល់ថា NOVATEK ។

ចាប់ពីឆ្នាំ ២០០៨ ដល់ឆ្នាំ ២០១០ លោក Mikhelson ជាប្រធានក្រុមប្រឹក្សាភិបាលរបស់ OAO Stroytransgas និង OOO Art Finance ។ បច្ចុប្បន្នគាត់មានមុខតំណែងជាប្រធានក្រុមប្រឹក្សាភិបាលនៃក្រុមហ៊ុន ZAO SIBUR និងបានបម្រើការនៅក្រុមប្រឹក្សាភិបាលនៃធនាគារអភិវឌ្ឍន៍។ក្រុមហ៊ុន SIBUR គឺជាក្រុមហ៊ុនកែច្នៃហ្គាស និងគីមីឥន្ធនៈដែលបានដំណើរការនៅទីតាំងផលិតចំនួន ២៦ កន្លែងនៅទូទាំងប្រទេសរុស្ស៊ីដែលមានទីស្នាក់ការកណ្តាលនៅទីក្រុង Moscow ។

លោក Mikhelson បានកាន់កាប់ភាគហ៊ុនចំនួន ៥៧.៥ ភាគរយនៅក្នុង Sibur ក៏ដូចជា ២៥ ភាគរយនៃភាគហ៊ុន Novatek ផងដែរ ។មហាសេដ្ឋីរុស្ស៊ីលោក Leonid Mikhelson គឺជាបានដើរតួអង្គយ៉ាងសំខាន់ម្នាក់នៅក្នុងក្រុមហ៊ុន Novatek ។ ក្រុមហ៊ុន Novatek គឺជាអ្នកផលិតឧស្ម័នធម្មជាតិឯករាជ្យដ៏ធំបំផុតនៅប្រទេសរុស្ស៊ីហើយគាត់ក៏ជាប្រធាន​ និងជានាយកប្រតិបត្តិផងដែរ។

នៅឆ្នាំ ១៩៨៧ គាត់បានចាប់ផ្តើមបើកដំណើរក្រុមហ៊ុនហើយគាត់បានបង្វែរការយកចិត្តទុកដាក់របស់គាត់ដើម្បីទទួលបានសិទ្ធិក្នុងការផលិតប្រេង និងឧស្ម័ន។ គាត់បានកាន់ភាគហ៊ុន ២៥ ភាគរយនៅក្នុងក្រុមហ៊ុនហើយគាត់ក៏ជាម្ចាស់ភាគហ៊ុនដ៏ធំជាងគេនៅធនាគារ First United Bank ផងដែរ។ នៅដើមឆ្នាំ ២០១៣ ទ្រព្យសម្បត្តិផ្ទាល់ខ្លួនរបស់លោក Mikhelson មានចំនួនប្រមាណ ១៥,៤ ពាន់លានដុល្លារ។

ប្រភព៖ Phnom Penh HR

លោក Petr Olegovich Aven កើតនៅថ្ងៃទី ១៦ ខែ មីនា ១៩៥៥ គាត់គឺជាអ្នកជំនួញអន្តរជាតិ និងជាអ្នកគ្រប់គ្រងលើផ្នែកសេដ្ឋកិច្ច និងផ្នែកអ្នកនយោបាយនៅរុស្ស៊ី។ ហើយគាត់ជាអ្នកដឹកនាំធនាគារ Alfa-Bank ដែលជាធនាគារពាណិជ្ជកម្មដ៏ធំបំផុតរបស់ប្រទេសរុស្ស៊ី។

លោក Petr Aven គឺជាសមាជិកក្រុមប្រឹក្សាភិបាលនៃក្រុមហ៊ុន LetterOne Group ដែលត្រូវបានបង្កើតឡើងនៅក្នុងឆ្នាំ ២០១៣ ដើម្បីវិនិយោគលើគម្រោងអន្តរជាតិនៅក្នុងវិស័យថាមពលថ ទូរគមនាគមន៍ និងបច្ចេកវិទ្យា ។ គាត់ក៏ជាអ្នកនិពន្ធអត្ថបទវិទ្យាសាស្ត្រដែលស្តីពីបញ្ហាសេដ្ឋកិច្ច និងពាណិជ្ជកម្មហើយត្រូវបានដកស្រង់សម្តីនៅក្នុងសារព័ត៌មានហិរញ្ញវត្ថុ និងពាណិជ្ជកម្មស្តីពីបញ្ហាដែលទាក់ទងនឹងសេដ្ឋកិច្ច និងគោលនយោបាយពាណិជ្ជកម្មរបស់ប្រទេសរុស្ស៊ី ។

នៅឆ្នាំ ២០១៥ លោក Petr Aven និងលោក Alfred Kokh បានបោះពុម្ពផ្សាយបដិវត្តរបស់ Gaidar ៖ គណនេយ្យផ្ទៃក្នុងនៃការផ្លាស់ប្តូរសេដ្ឋកិច្ចរបស់ប្រទេសរុស្ស៊ីដោយផ្អែកលើបទពិសោធរបស់ពួកគេលើរដ្ឋាភិបាលរុស្ស៊ី និងជាអតីតរដ្ឋមន្រ្តីក្រសួងសេដ្ឋកិច្ចទីមួយគឺលោក Yegor Gaidar ។ នៅក្នុងការពិនិត្យឡើងវិញនៃសៀវភៅរបស់ John Lloyd  នៃកាសែត Financial Times បានហៅវាថាជា“ ការសិក្សាដែលមានការបំភ្លឺពីអ្នកកែទម្រង់ដែលបានស្វះស្វែងធ្វើឱ្យប្រទេសរុស្ស៊ីមានសេដ្ឋកិច្ចរស់ឡើងវិញជាថ្មី” ។ក្នុងឆ្នាំ ២០១៥ លោក Aven ត្រូវបានគេដាក់ឈ្មោះទៅក្នុងបញ្ជីលេខ ៣០១ ដែលមានទ្រព្យសម្បត្តិប្រមាណ ៥,១ ពាន់លានដុល្លារដែលជាអ្នកមានជាងគេនៅប្រទេសរុស្សី ។ 

ជីវិតដំបូង និងការអប់រំ៖

លោក Petr Aven កើតនៅទីក្រុងមូស្គូឪពុករបស់គាត់គឺជាសាស្រ្តាចារ្យវិទ្យាសាស្ត្រកុំព្យូទ័រ។ លោក Aven ជាជនជាតិរុស្ស៊ីហើយម្តាយរបស់គាត់មកពីគ្រួសារជ្វីហ្វ។ គាត់បានបញ្ចប់ការសិក្សាពីសាកលវិទ្យាល័យរដ្ឋម៉ូស្គូក្នុងឆ្នាំ ១៩៧៧ និងបានបញ្ចប់ថ្នាក់បណ្ឌិតផ្នែកសេដ្ឋកិច្ច (១៩៨០) ។ ក្រោយមកគាត់គឺជាអ្នកស្រាវជ្រាវជាន់ខ្ពស់នៅវិទ្យាស្ថានសហភាពសម្រាប់ការសិក្សាប្រព័ន្ធនៅសហភាពសូវៀតបណ្ឌិត្យសភាវិទ្យាសាស្ត្រហើយបន្ទាប់មកគាត់បានចំណាយពេលនៅវិទ្យាស្ថានអន្តរជាតិសម្រាប់ប្រព័ន្ធអនុវត្តប្រព័ន្ធនៅទីក្រុង Laxenburg ប្រទេសអូទ្រីស (១៩៨៩-១៩៩១) ។

លោក Petr Aven បានក្លាយជារដ្ឋមន្រ្តីក្រសួងទំនាក់ទំនងសេដ្ឋកិច្ចបរទេសសម្រាប់សហព័ន្ធរុស្ស៊ី (១៩៩១-១៩៩២) ដោយធ្វើជាអ្នកតំណាងរបស់ប្រទេសរុស្ស៊ីសម្រាប់ក្រុម ៧ និងធ្វើបេសកកម្មពាណិជ្ជកម្ម និងសេដ្ឋកិច្ចកម្រិតខ្ពស់មួយចំនួនទៅកាន់រដ្ឋធានីខាងលិច។ ក្នុងឆ្នាំ ១៩៩៣ គាត់បានចូលរួមនៅក្នុងចលនារបស់ប្រទេសរុស្ស៊ី និងជាបេក្ខជនសម្រាប់រដ្ឋឌូម៉ា។

ទ្រព្យសម្បត្តិ៖ Pyotr Aven

លោក Pyotr Aven គឺជាសហគ្រិន និងជាអ្នកនយោបាយរុស្ស៊ីម្នាក់ដែលមានទ្រព្យសម្បត្តិសុទ្ធចំនួន ៦,៤ ពាន់លានដុល្លារ។ លោក Aven បានបង្កើតទ្រព្យសម្បត្តិរបស់គាត់ក្នុងនាមជាប្រធានធនាគារ Alfa Bank ដែលជាផ្នែកមួយនៃក្រុមហ៊ុន Alfa Bank Group ។ គាត់ជានិស្សិតដែលបានបញ្ចប់ការសិក្សាពីសាកលវិទ្យាល័យរដ្ឋម៉ូស្គូដែលទទួលបានសញ្ញាប័ត្របណ្ឌិតផ្នែកសេដ្ឋកិច្ច។ ហើយគាត់បានចាប់ផ្តើមអាជីពជាអ្នកស្រាវជ្រាវជាន់ខ្ពស់នៅវិទ្យាស្ថានសហភាពសម្រាប់ការសិក្សាប្រព័ន្ធ USSR ។ ហើយបន្ទាប់មកគាត់បានចំណាយពេល ៣ ឆ្នាំ (១៩៨៩-១៩៩១) នៅវិទ្យាស្ថានអន្តរជាតិសម្រាប់ការវិភាគប្រព័ន្ធអនុវត្តនៅអូទ្រីស។ ក្រោយមកទៀតគាត់បានក្លាយជារដ្ឋមន្រ្តីក្រសួងទំនាក់ទំនងសេដ្ឋកិច្ចបរទេស។

លោក Pyotr Aven បានជួបជាមួយលោក Mikhail Fridman ដែលជាប្រធានក្រុមហ៊ុន Alfa ហើយមិនយូរប៉ុន្មានគាត់បានក្លាយជាម្ចាស់ភាគហ៊ុន Alfa Group ។ បច្ចុប្បន្នគាត់មានតួនាទីជាប្រធានក្រុមប្រឹក្សាភិបាលនៅឯក្រុមធនាគារអាល់ហ្វា និងជាប្រធានក្រុមហ៊ុន AlfaStrakhovanie Group និងជាសហប្រធាននៃក្រុមប្រឹក្សាភិបាលនៃ CTC Media, Inc ។

ចាប់តាំងពីឆ្នាំ ២០០៦ គាត់ក៏ជាសមាជិកក្រុមប្រឹក្សាភិបាលនៃសហព័ន្ធឧស្សាហកម្ម និងសហគ្រិនរុស្ស៊ី។ លើសពីនេះទៅទៀតគាត់គឺជាអ្នកនិពន្ធនៃឯកសារវិទ្យាសាស្ត្រ និងអត្ថបទជាច្រើនស្តីពីបញ្ហាសេដ្ឋកិច្ច និងពាណិជ្ជកម្មនៅក្នុងប្រទេសរុស្ស៊ី និងមានការគាំទ្រយ៉ាងខ្លាំងពីសិល្បៈ និងល្ខោននៅក្នុងប្រទេសរុស្ស៊ីផងដែរ។

ប្រភព៖ Phnom Penh HR