Category: មហាសេដ្ឋីហុងហុង

លោក Yu Peidi គឺជាប្រធានក្រុមហ៊ុន Greattown Holdings ដែលជាក្រុមហ៊ុនអចលនទ្រព្យ ដែលត្រូវបានចុះបញ្ជីនៅទីក្រុងសៀងហៃ ។ លោក Yu បានចាប់ផ្តើមចាកចេញពីទីក្រុង Fuzhou ពីស្រុកកំណើតរបស់គាត់ក្នុងឆ្នាំ 1976 ។

ប្រភព៖ Phnom Penh HR

លោកស្រី Rita Tong Liu គឺជាអ្នកវិនិយោគនៅក្នុងវិស័យអចលនទ្រព្យ ។ គាត់បានបំបែកខ្លួនចូលទៅក្នុងចំណាត់ថ្នាក់មហាសេដ្ឋីក្នុងឆ្នាំ 2017 ដោយសារផលប័ត្រអចលនទ្រព្យហុងកុងដ៏ធំដែលរួមមានការអភិវឌ្ឍន៏នៅក្នុងវិស័យអចលនទ្រព្យដូចជា  Grand Millennium Plaza, Shun Tak Centre, Far East Financial Centre, Lippo Center និង Admiralty Centre ។ គាត់ក៏ជាម្ចាស់នៃអគារ China Insurance Group Building, Austin Plaza និងអគារចំនួនបួនផ្សេងទៀត។

លោកស្រី Liu បានចូលប្រឡូកក្នុងជំនួញអចលនទ្រព្យក្នុងឆ្នាំ 1976 ។ ក្រោយមកគាត់បានចូលប្រឡូកក្នុងជំនួញចំណតរថយន្ត ដោយទទួលបានរហស្សនាមថា “ម្ចាស់ចំណតរថយន្ត”។ បន្ទាប់ពីស្វាមីរបស់គាត់បានស្លាប់នៅឆ្នាំ 2003 គាត់បានផ្លាស់ប្តូរទៅជាការិយាល័យពាណិជ្ជកម្មកម្រិត A ដោយប្រើប្រាស់ទុនលើការផ្គត់ផ្គង់ដ៏តឹងរឹង និងតម្លៃដែលទប់ទល់នឹងទំនាញនៅក្នុងសង្កាត់ហិរញ្ញវត្ថុរបស់ហុងកុង ។ នៅក្រោម Gale Well Group របស់គ្រួសារលោកស្រី Liu បន្តពឹងផ្អែកលើអនុសេនីយពីរនាក់ដែលជាប្អូនប្រុសរបស់គាត់គឺ Jacinto Tong អាយុ 65 ឆ្នាំ និង Luis Tong អាយុ 63 ឆ្នាំ ហើយថែមទាំងលើកូនប្រុសតែមួយរបស់គាត់គឺ Jeffery ដែលគ្រប់គ្រងក្រុមហ៊ុនអចលនទ្រព្យរបស់គាត់ផងដែរ ។

ប្រភព៖ Phnom Penh HR

លោក Li Sze Lim បានពង្រីកអាជីវកម្មអចលនទ្រព្យរបស់គាត់ទៅជាទីក្រុងចំនួន ២៨ ពីទីក្រុង Johor ប្រទេសម៉ាឡេស៊ីរហូតដល់ទីក្រុង San Jose រដ្ឋកាលីហ្វ័រនីញ៉ាក៏ដូចជាហូរចូលទៅក្នុងប្រទេសចិនផងដែរ ។ គាត់ក៏បានចាប់ផ្តើមធ្វើពិពិធកម្មសណ្ឋាគារក្នុងភាពជាដៃគូជាមួយនឹងដៃគូរបស់គាត់ដូចជា Marriott, Hyatt និង Hilton និងពង្រីកយ៉ាងឆាប់រហ័សទៅក្នុងផ្សារទំនើបនិងការិយាល័យជាច្រើនទៀតផងដែរ ។ គាត់គឺជាស្ថាបនិករបស់ក្រុមហ៊ុន R&F Properties ដែលជាក្រុមហ៊ុនអចលនទ្រព្យដែលត្រូវបានបង្កើតទ្បើងក្នុងឆ្នាំ ១៩៩៤ ជាមួយ Zhang Li ។

ទ្រព្យសម្បត្តិ៖ Li Sze Lim

លោក​ Li Sze Lim គឺជាពាណិជ្ជករម្នាក់ដែលមានទ្រព្យសម្បត្តិសរុបប្រមាណ ១,៩៩ ពាន់លានដុល្លារគិតត្រឹមខែ មេសា ឆ្នាំ ២០១៦ ។ គាត់គឺជាស្ថាបនិក និងចាប្រធានក្រុមហ៊ុន R&F Properties ដែលជាក្រុមហ៊ុនអចលនទ្រព្យដែលមានមូលដ្ឋាននៅទីក្រុងក្វាងចូវ ។ ក្រុមហ៊ុន R&F Properties មានគម្រោងអចលនទ្រព្យចំនួន ៤២ នៅក្នុងប្រទេសចិន ។ កាលពីឆ្នាំមុនទ្រព្យសម្បត្តិរបស់ក្រុមហ៊ុននេះបានកើនឡើងប្រមាណ ៦០០ លានដុល្លារបើទោះបីជាប្រាក់ចំណេញរបស់វាបានកាត់បន្ថយ ៣៥ ភាគរយនៅឆមាសទីមួយនៃឆ្នាំ ២០១២ ក៏ដោយក៏ចំណែករបស់វាត្រូវបានគេរាយការណ៍ថាបានកើនឡើងទ្វេដង ។

ប្រភព៖ Phnom Penh HR

លោក Law Kar Po គឺជាប្រធានក្រុមហ៊ុន Park Hotel Group និងជាអ្នកគ្រប់គ្រងសណ្ឋាគារជាង ១២ កន្លែងនៅទូទាំងទ្វីបអាស៊ី ។

យោងតាមរយះទស្សនាវដ្តី Forbes បានឱ្យដឹងថាលោក Kar Po Law មានទ្រព្យសម្បត្តិសរុបប្រមាណជាង ៥,៣ ពាន់លានដុល្លារគិតត្រឹមខែ វិច្ឆិកា ឆ្នាំ ២០១៦ ។ គាត់បានជាប់ចំណាត់ថ្នាក់ទី ១៣ នេះបើយោងតាមរយះទស្សនាវដ្តី Forbes បានឲ្យដឹងថាគាត់គឺជាអ្នកមានជាងគេបំផុតនៅទីក្រុងហុងកុង ។ គាត់បានបង្កើតទ្រព្យសម្បត្តិរបស់គាត់តាមរយះពីការវិនិយោគលើវិស័យអចលនទ្រព្យនិងសណ្ឋាគារ ។ គាត់ក៏ជាម្ចាស់ក្រុមហ៊ុន Lobo Investment ដែលជាក្រុមហ៊ុនវិនិយោគលើវិស័យអចលនទ្រព្យនិងសណ្ឋាគារដូចជា Grand Park Orchard នៅប្រទេសសិង្ហបុរីផងដែរ ។ យុទ្ធសាស្ត្រជោគជ័យរបស់គាត់គឺ “ទិញទាបលក់បានខ្ពស់ហើយយកចិត្តទុកដាក់ចំពោះហុងស៊ុយ” ។ ទ្រព្យសម្បត្តិរបស់គាត់បានកើនឡើងជាង ១ ពាន់លានដុល្លារបើប្រៀបធៀបទៅនឹងឆ្នាំមុនដោយសារតម្លៃអចលនទ្រព្យនិងសណ្ឋាគារនៅតែបន្តកើនឡើងខ្លាំង ។

គម្រោងបច្ចុប្បន្នផ្សេងទៀតរបស់លោក Law រួមមានវិឡា De Yucca ប្រណីតនៅទីតាំងភាគខាងជើងនៃទីក្រុងហុងកុង ។ វាធ្លាប់ជាកន្លែងដ៏រ៉ូមែនទិកសម្រាប់គូស្វាមីភរិយានៅទសវត្សឆ្នាំ ១៩៥០ និង ១៩៦០ ។ កូនប្រុសរបស់គាត់ឈ្មោះអាឡែនគឺជាអ្នកទទួលខុសត្រូវលើអាជីវកម្មសណ្ឋាគារខណៈដែលកូនស្រីរបស់គាត់ឈ្មោះវ៉េនឌីគឺជានាយកប្រតិបត្តិនៃក្រុមហ៊ុន Park Retail Group ដែលមានហាងលក់ទំនិញនៅ Knightsbridge ចំនួន ៣ កន្លែង ។

លោក Law Kar Po គឺជាប្រធានក្រុមហ៊ុន China Infrastructure Investment Limited  និងក្រុមហ៊ុន Honesty Treasure International Holdings Limite​d ។ ហើយគាត់ក៏ជានាយកគ្រប់គ្រងនៃក្រុមហ៊ុន Lobo Investment Limited ផងដែរ ។

ប្រភព៖ Phnom Penh HR

នៅអាយុ ៩១ ឆ្នាំលោក Lee Shau Kee បានប្រកាសថាគាត់នឹងលាឈប់ពីតំណែងជាប្រធាន និងជានាយកគ្រប់គ្រងក្រុមហ៊ុន Henderson Land Development ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំនៅទីក្រុងហុងកុង ។ គាត់មានផែនការប្រគល់ដំណែងជានាយកគ្រប់គ្រងក្រុមហ៊ុនទៅឲ្យកូនប្រុសពីរនាក់របស់គាត់គឺ Peter Lee Ka Kit និង Martin Lee Ka-shing ។

លោក Lee Shau Kee គឺជាមហាសេដ្ឋីអចលនទ្រព្យដ៏លេចធ្លោម្នាក់នៅតំបន់អាស៊ីអាគ្នេយ៍ ។ អ្នកមានបំផុតនៅលំដាប់ទី ២ នៅហុងកុងគឺលោក Lee Shau-kee គឺជាស្ថាបនិក និងជានាយកគ្រប់គ្រងក្រុមហ៊ុន Henderson Land Development និងជាប្រធានក្រុមហ៊ុននៅទីក្រុងហុងកុង និងជាម្ចាស់ក្រុមហ៊ុនឧស្ម័ន ។ ហើយគាត់ក៏ជាអនុប្រធានក្រុមហ៊ុន Sun Hung Kai Properties និងជានាយកប្រតិបត្តិរបស់ក្រុមហ៊ុនដឹកសាឡាងផងដែរ ។

យោងតាមទស្សនាវដ្តី Forbes បានឱ្យដឹងថាគាត់មានទ្រព្យសម្បត្តិសុទ្ធចំនួន ៣០ ពាន់លានដុល្លារអាមេរិក (៤០,៦ ពាន់លានដុល្លារអាមេរិក) ដែលធ្វើឱ្យគាត់ក្លាយជាអ្នកមានបំផុតនៅលំដាប់ទី ២ នៅហុងកុង ។ ក្នុងឆ្នាំ ២០១៧ ទ្រព្យសម្បត្តិសុទ្ធរបស់លោក Lee បានលោតឡើងដល់ ៩,៣ ពាន់លានដុល្លារអាមេរិកឬ ៣៩ ភាគរយដែលគិតជាចំនួនទឹកប្រាក់ដ៏ច្រើនបំផុត ។ នៅពេលគាត់បានចូលនិវត្តន៍គាត់នឹងប្រគល់មុខជំនួញនេះដល់កូនប្រុសទាំងពីរនាក់របស់គាត់ ។

សប្បុរសធម៍៖

លោក Lee គឺជាសប្បុរសជនឈានមុខគេមួយរូប និងជាអ្នកគាំទ្រដ៏ល្បីល្បាញខាងការអប់រំ ។ នៅឆ្នាំ ២០០៧ គាត់បានផ្តល់នូវថវិកាចំនួន ៥០០ លានដុល្លារហុងកុងដល់សាកលវិទ្យាល័យវិទ្យាសាស្ត្រនឹងបច្ចេកវិទ្យាហុងកុង ៤០០ លានដុល្លារហុងកុង ។ នៅឆ្នាំ ២០១៨ លោក Lee បានសន្យាថានឹងបរិច្ចាគថវិកាចំនួន ១១០ លានដុល្លារហុងកុងបន្ថែមទៀតដើម្បីគាំទ្រដល់ការអភិវឌ្ឍទូទៅនៃសាកលវិទ្យាល័យចិនហុងកុង ។

ក្នុងឆ្នាំ ២០០៥ គាត់បានបង្កើតគំរោង Warmth ដែលជាកម្មវិធី RMB៣៣០ នៅចិនដីគោកដែលបានបណ្តុះបណ្តាលកសិករមួយលាននាក់ និងគ្រូពេទ្យក្នុងភូមិចំនួន ១ ម៉ឺននាក់ ។ ហើយនៅឆ្នាំ ២០០៧ លោក Lee បានទទួលមេដាយកិត្តិយសខ្ពស់បំផុតនៅក្នុងទីក្រុងហុងកុង ។

ទ្រព្យសម្បត្តិ៖ Lee Shau Kee

លោក Lee Shau Kee គឺជាស្ថាបនិក និងជាម្ចាស់ភាគហ៊ុនដ៏ធំជាងគេរបស់ក្រុមហ៊ុន Henderson Land Development ដែលជាក្រុមហ៊ុនជំនួញអចលនទ្រព្យសាធារណៈ ។ លោក Lee មានទ្រព្យសម្បត្តិចំនួន ៤៥៥ ពាន់លានដុល្លារហុងកុង (៥៨ ពាន់លានដុល្លារអាមេរិក) គិតត្រឹមថ្ងៃទី ៣១ ខែ ធ្នូ ឆ្នាំ ២០១៩ ។

ទ្រព្យសម្បត្តិរបស់លោក Lee ភាគច្រើនទទួលបានមកពីភាគហ៊ុនចំនួន ៧៣% របស់គាត់នៅក្នុងក្រុមហ៊ុន Henderson Land Development ដែលជាក្រុមហ៊ុនអភិវឌ្ឍន៍អចលនទ្រព្យ និងជំនួញសាធារណៈ ។ គាត់បានកាន់កាប់ភាគហ៊ុនដោយផ្ទាល់ និងតាមរយៈការជឿទុកចិត្ត និងបានកាន់កាប់ក្រុមហ៊ុនចំនួនប្រាំបីនេះបើយោងតាមឯកសារដែលបានផ្ញើទៅឲ្យទីផ្សារហ៊ុននៅទីក្រុងហុងកុង ។

ប្រភព៖

លោក Pan Sutong គឺជាអ្នកជំនួញហុងកុង និងជាសហគ្រិន ។ គាត់គឺជាស្ថាបនិកនៃក្រុមហ៊ុន Matsunichi Digital Holdings Limited និងជាប្រធានក្រុមហ៊ុន Goldin Real Estate Financial Holdings Limited ។

ជីវប្រវត្តិ៖

លោក Pan Sutong កើតនៅតំបន់ Shaoguan ខេត្តក្វាងទុងប្រទេសចិនក្នុងឆ្នាំ ១៩៦៣ ។ ហើយគាត់បានធ្វើអន្តោប្រវេសន៍ទៅសហរដ្ឋអាមេរិកនៅឆ្នាំ ១៩៧៦ បន្ទាប់មកគាត់បានផ្លាស់ទៅរស់នៅទីក្រុងហុងកុងក្នុងឆ្នាំ ១៩៨៤ ។ លោក Pan Sutong បានចាប់ផ្តើមធ្វើពាណិជ្ជកម្មជាមួយក្រុមហ៊ុន Panasonic ដែលជាក្រុមហ៊ុនអេឡិចត្រូនិច ។ ហើយនៅក្នុងឆ្នាំ ១៩៩៣ គាត់បានបង្កើតក្រុមហ៊ុនផ្ទាល់ខ្លួនមួយឈ្មោះថា Matsunichi Colour Display Monitor លីមីតធីតដែលជាអាជីវកម្មសំខាន់បំផុតគឺការផលិតឧបករណ៍ប្រើប្រាស់នៅក្នុងផ្ទះបាយ ។

នៅឆ្នាំ ២០០២ លោក Pan Sutong បានទិញក្រុមហ៊ុនផ្សេងទៀតដែលជាម្ចាស់កម្មសិទ្និដោយបានចុះបញ្ជីនៅក្នុងទីក្រុងហុងកុងដូចជាក្រុមហ៊ុន Emperor Technology Venture Limited ហើយវាត្រូវបានប្តូរឈ្មោះទៅជាក្រុមហ៊ុន Matsunichi Communication Holdings Limited ។

ហើយក្រុមហ៊ុន Goldin Group បានរួមបញ្ចូលទាំងក្រុមហ៊ុន Goldin Properties Holdings Limited, Goldin Financial Holdings Limited, Goldin Equities Limited និងក្រុមហ៊ុន Matsunichi Digital Holdings Limited ខណៈដែលក្រុមហ៊ុន Goldin Properties Holdings Limited និង Goldin Financial Holdings Limited ត្រូវបានចុះបញ្ជីនៅក្នុងក្រុមប្រឹក្សាភិបាលនៅក្នុងទីផ្សារភាគហ៊ុននៅក្នុងទីក្រុងហុងកុងលេខកូដភាគហ៊ុនគឺលេខ ០០២៨៣ និង ០០៥៣០ ។

ទ្រព្យសម្បត្តិ៖ Pan Sutong

លោក Pan Sutong គឺជាអ្នកជំនួញ និងជាសហគ្រិននៅទីក្រុងហុងកុងដោយមានទ្រព្យសម្បត្តិសុទ្ធប្រមាណ ៦ ពាន់លានដុល្លារ ។ លោក Pan Sutong កើតនៅតំបន់ Shaoguan ខេត្ត Guangdong ប្រទេសចិនក្នុងឆ្នាំ ១៩៦៣ ។ លោក Sutong គឺជាស្ថាបនិកនៃក្រុមហ៊ុន Matsunichi Digital Holdings Limited ។

លោក Sutong ក៏ជាប្រធានក្រុមហ៊ុន Goldin Real Estate Financial Holdings Limited និង the Goldin Group ផងដែរ ។ ហើយគាត់បានផ្លាស់ទៅរស់នៅក្នុងទីក្រុងហុងកុងក្នុងឆ្នាំ ១៩៨៤ ហើយបានចាប់ផ្តើមធ្វើពាណិជ្ជកម្មជាមួយក្រុមហ៊ុន Panasonic ដែលជាក្រុមហ៊ុនអេឡិចត្រូនិច ។

ក្នុងឆ្នាំ ២០០៨ លោក Sutong បានទិញក្រុមហ៊ុន Fortuna International Holdings Limited និងបានប្តូរឈ្មោះទៅជាក្រុមហ៊ុន Goldin Financial Holdings Limited ។ ហើយក្រុមហ៊ុនរបស់គាត់បានចូលរួមចំណែកនៅក្នុងវិស័យអចលនទ្រព្យ និងឧស្សាហកម្មផលិតស្រាជាដើម ។ លោក Sutong បានទិញក្រុមហ៊ុន Sloan Estate របស់លោក Napa Valley នៅក្នុងឆ្នាំ ២០១១ និងបានទិញយកក្រុមហ៊ុន acreage នៅតំបន់ Bordeaux ប្រទេសបារាំងក្នុងឆ្នាំ ២០១៣ ។

ប្រភព៖ Phnom Penh HR

លោក Lee Shau-kee កើតនៅថ្ងៃទី ០៧ ខែ មីនា ឆ្នាំ ១៩២៩ នៅ Shunde តំបន់ Foshan ខេត្តក្វាងទុងប្រទេសចិន ។ គាត់គឺជាមហាសេដ្ឋីអចលនទ្រព្យដែលមានមូលដ្ឋាននៅហុងកុង និងជាម្ចាស់ក្រុមហ៊ុន Henderson Land Development ដែលជាក្រុមហ៊ុនអចលនទ្រព្យដែលមានចំណាប់អារម្មណ៍លើអចលនទ្រព្យសណ្ឋាគារ ភោជនីយដ្ឋាន និងសេវាកម្មអ៊ីនធឺណិត ។

គិតត្រឹមខែ តុលា ឆ្នាំ ២០១២ យោងតាមរយះទស្សនាវដ្តី Bloomberg បានឲ្យដឹងថាឈ្មោះរបស់លោក Lee ត្រូវបានចុះនៅក្នុងបញ្ជីរបស់មហាសេដ្ឋីពិភពលោកដែលជាអ្នកមានបំផុតនៅលំដាប់ទី ១៩ នៅលើពិភពលោក ។ ទ្រព្យសម្បត្តិផ្ទាល់ខ្លួនរបស់គាត់ត្រូវបានគេប៉ាន់ស្មានថាមានចំនួន ២៤ ពាន់លានដុល្លារហើយគាត់ជាប់ចំណាត់ថ្នាក់ទី ២ នៅទីក្រុងហុងកុង ។ ចាប់តាំងពីឆ្នាំ ២០០៦ លោក Lee បានទទួលប្រាក់ចំណេញជាច្រើនពីការកាន់កាប់ភាគហ៊ុននៅចិនដីគោក ។

ទ្រព្យសម្បត្តិ៖ Lee Shau Kee

លោក Lee Shau Kee គឺជាមហាសេដ្ឋីអចលនទ្រព្យមកពីទីក្រុងហុងកុងដែលមានទ្រព្យសម្បត្តិសរុប ២៤ ពាន់លានដុល្លារ ។ គាត់កើតនៅ Shunde ខេត្ត Guangdong ប្រទេសចិនក្នុងឆ្នាំ ១៩២៨ ។ លោក Lee Shau Kee គឺជាម្ចាស់ក្រុមហ៊ុន Henderson Land Development ដែលជាក្រុមហ៊ុនធ្វើការក្នុងការអភិវឌ្ឍន៍អចលនទ្រព្យលើការគ្រប់គ្រងសំណង់ដែលមានមូលដ្ឋាននៅទីក្រុងហុងកុង ។

ក្រុមហ៊ុន Henderson Land Development គឺជាក្រុមហ៊ុនអភិវឌ្ឍន៍អចលនទ្រព្យដ៏ធំទី ៣ នៅទីក្រុងហុងកុង ។ ហើយគាត់បានបម្រើការជាស្ថាបនិក និងជានាយកគ្រប់គ្រងក្រុមហ៊ុន ។ លោក Lee គឺជាប្រធានក្រុមហ៊ុនហុងកុង និងជាម្ចាស់ក្រុមហ៊ុនហ្គាស និងសណ្ឋាគារ ។ ហើយគាត់ក៏អង្គុយនៅក្នុងក្រុមប្រឹក្សាភិបាលហុងកុងលីមីតធីត និងធនាគារអាស៊ីបូព៌ាលីមីតធីតផងដែរ ។

ក្នុងឆ្នាំ ២០១២ លោក Lee ត្រូវបានគេចាត់ទុកថាស្ថិតក្នុងចំណោមអ្នកមានបំផុតទាំង ២០ នាក់នៅលើពិភពលោក ។ នេះបើយោងតាមរយះទស្សនាវដ្តី Bloomberg បានឲ្យដឹងថាគាត់គឺជាមហាសេដ្ឋីម្នាក់ដែលបានជាប់នៅលំដាប់ថ្នាក់ទី ២ នៅទីក្រុងហុងកុង ។ លោក Lee  មានអាជីវកម្មជាច្រើន និងបានចូលរួមនៅក្នុងសកម្មភាពសប្បុរសធម៌ជាច្រើននឹងបានបរិច្ចាគថវិកាជាង ២០ លានហិកតាដល់សាលា HKICC Lee Shau Kee ។

លោក Lee បានកាន់កាប់ភាគហ៊ុន ៧២ ភាគរយនៅក្នុងក្រុមហ៊ុនអភិវឌ្ឍន៍ទ្រព្យសម្បត្តិសាធារណៈ Henderson Land Development ។ ហើយគាត់ក៏ជាម្ចាស់ ២ ភាគរយនៃក្រុមហ៊ុន Sun Sun Kai Properties ក៏ដូចជាម្ចាស់ភាគហ៊ុន Sunlight Real Estate Investment Trust ដែលមានចំនួន ២៣ ភាគរយហើយគាត់ក៏ជាម្ចាស់ក្រុមហ៊ុននាវាសាឡាងហុងកុងតិចជាង ១ ភាគរយដែលកាន់កាប់ទាំងអស់តាមរយៈក្រុមហ៊ុន Henderson Land Development ផងដែរ ។

ប្រភព៖ Phnom Penh HR