Category: Healthcare(មហាសេដ្ឋីរកស៊ីទាក់ទងសុខភាព)

លោក Reinhold Schmieding គឺជាស្ថាបនិក និងជានាយកប្រតិបត្តិរបស់ក្រុមហ៊ុន Arthrex ដែលជាក្រុមហ៊ុនផលិតឧបករណ៍វេជ្ជសាស្រ្ត ។ គាត់បានទទួលការអប់រំនៅសាកលវិទ្យាល័យរដ្ឋមីឈីហ្គែនពីឆ្នាំ ១៩៧៣-៧៧ ។

អាជីព៖

ចាប់ពីឆ្នាំ ១៩៨១-៨៥ លោក Reinhold បានបម្រើការអោយក្រុមហ៊ុន Med Tech International, Westport, Connecticut ។ នៅឆ្នាំ ១៩៨១ គាត់បានចាប់ផ្តើមបង្កើតក្រុមហ៊ុនផលិតឧបករណ៍វេជ្ជសាស្រ្តមួយដែលមានឈ្មោះថា Arthroscopy Excision Instruments Inc ដែលផ្តោតលើនីតិវិធីដែលត្រូវបានគេស្គាល់ថា Arthroscopy ។

ការវិនិយោគដំបូងរបស់គាត់ប្រហែល ៦០,០០០ ដុល្លារពីការសន្សំប្រាក់ផ្ទាល់របស់គាត់ ។ បន្ទាប់ពីការចាប់ផ្តើមបង្កើតក្រុមហ៊ុនគាត់មិនបានរកប្រាក់ចំណេញក្នុងរយៈពេលពីរឆ្នាំដំបូងនោះទេ ។ ហើយក្រោយមកក្រុមហ៊ុនរបស់គាត់ត្រូវបានប្តូរឈ្មោះទៅជាក្រុមហ៊ុន Arthrex Inc. ហើយបច្ចុប្បន្ននេះក្រុមហ៊ុន Arthrex បានចែកចាយផលិតផលរបស់ខ្លួនទៅកាន់ប្រទេសជាង ៩០ នៅទូទាំងពិភពលោក ។

ក្រុមហ៊ុននេះវាមានសាខានៅទូទាំងទ្វីបអឺរ៉ុបរួមមានប្រទេសអាល្លឺម៉ង់ អូទ្រីស បែលហ្ស៊ិក អង់គ្លេស និងបារាំង ។ នៅឆ្នាំ ១៩៩១ ទីស្នាក់ការកណ្តាលបានផ្លាស់ប្តូរទៅទីក្រុង Naples រដ្ឋ Florida ។ ចាប់ពីពេលនោះមកក្រុមហ៊ុនរបស់គាត់បានរីកចម្រើនពីនិយោជិកពីរនាក់ទៅជាង ២០០០ នាក់ ។ នៅឆ្នាំ ២០១៥ ក្រុមហ៊ុន Arthrex Inc ត្រូវបានគេដាក់ឈ្មោះថាជាក្រុមហ៊ុនមួយក្នុងចំណោមក្រុមហ៊ុនដែលសំណាងល្អទាំង ១០០ ។

ទ្រព្យសម្បត្តិ៖ Reinhold Schmieding

លោក Reinhold Schmieding គឺជាអ្នកជំនួញជនជាតិអាមេរិកដែលមានទ្រព្យសម្បត្តិសុទ្ធប្រមាណ ៣.៥ ពាន់លានដុល្លារ ។ លោក Reinhold បានចូលក្នុងចំណាត់ថ្នាក់មហាសេដ្ឋីនៅដើមឆ្នាំនេះដោយមានការគាំទ្រយ៉ាងខ្លាំងពីក្រុមហ៊ុនផលិតឧបករណ៍វេជ្ជសាស្រ្តរបស់គាត់ដែលមានឈ្មោះថា Arthrex ។ ក្រុមហ៊ុននេះមានមូលដ្ឋាននៅទីក្រុង Naples ដែលរកចំណូលបាន ១,៤ ពាន់លានដុល្លារ ។ សព្វថ្ងៃនេះគាត់គឺជាម្ចាស់ភាគហ៊ុនភាគច្រើននៅក្នុងក្រុមហ៊ុនកាន់កាប់ឯកជនដែលមានផលិតផលរបស់ខ្លួនមាន ៩៤ ភាគរយនៅសហរដ្ឋអាមេរិក ។

ប្រភព៖ Phonm Penh HR

លោក Patrick Soon-Shiong កើតនៅថ្ងៃទី ២៩ ខែ កក្កដា ឆ្នាំ ១៩៥២ គាត់គឺជាគ្រូពេទ្យវះកាត់ជនជាតិអាមេរិកដែលមានដើមកំណើតមកពីអាហ្រ្វិកខាងត្បូង ។ ហើយគាត់ជាសាស្រ្តាចារ្យ និងអ្នកស្រាវជ្រាវ និងជាអ្នកជំនួញ និងសប្បុរសជន ។

លោក Soon-Shiong គឺជាប្រធានក្រុមហ៊ុន NantWorks, LLC​ និងជានាយកប្រតិបត្តិនៃវិទ្យាស្ថានសុខភាពនៅសាកលវិទ្យាល័យកាលីហ្វ័រញ៉ានៅទីក្រុង Los Angeles ដែលជាសាស្រ្តាចារ្យផ្នែកវះកាត់នៅឯមជ្ឈមណ្ឌលស្រាវជ្រា​វ UCLA និងជាសាស្រ្តាចារ្យនៅឯសាកលវិទ្យាល័យ Imperial College London ។

លោក Soon-Shiong ក៏ជាប្រធានមូលនិធិ Chan Soon-Shiong Family និងជានាយកប្រតិបត្តិនៃវិទ្យាស្ថានសុខភាពជឿនលឿន Chan Soon-Shiong ។  នៅខែ មេសា ឆ្នាំ ២០១៦ យោងតាមរយះកាសែត Los Angeles Times បានរាយការណ៍ថាគាត់គឺជានាយកប្រតិបត្តិម្នាក់ដោយមានប្រាក់ខែខ្ពស់បំផុតសម្រាប់ឆ្នាំ ២០១៥ ។ គិតត្រឹមខែ វិច្ឆិកា ឆ្នាំ ២០១៦ លោក Shiong មានទ្រព្យសម្បត្តិសុទ្ធប្រមាណ ៩ ពាន់លានដុល្លារអាមេរិកដែលបានឈរនៅលំដាប់ទី ៤៧ ក្នុងចំណោមមហាសេដ្ឋីនៅសហរដ្ឋអាមេរិក ។

ការបណ្តុះបណ្តាល៖

លោក Soon-Shiong បានសិក្សាផ្នែកអាហារូបករណ៍ និងបានបញ្ចប់ការសិក្សាពីសកលវិទ្យាល័យ Witwatersrand ដោយទទួលបានបរិញ្ញាប័ត្រវេជ្ជសាស្ត្រ ។ ហើយគាត់ក៏បានបញ្ចប់កម្មសិក្សាវេជ្ជសាស្ត្រនៅឯមន្ទីរពេទ្យទូទៅរបស់ Johannesburg ។បន្ទាប់មកគាត់បានសិក្សានៅឯសាកលវិទ្យាល័យអង់គ្លេស​ និងកូឡុំបៀជាកន្លែងដែលគាត់ទទួលបានសញ្ញាបត្រ MSc ដោ​យទទួលបានពានរង្វាន់ស្រាវជ្រាវពីមហាវិទ្យាល័យអាមេរិចផ្នែកវះកាត់ និងមហាវិទ្យាល័យវេជ្ជសាស្ត្រ និងជាគ្រូពេទ្យវះកាត់នៃសាកលវិទ្យាល័យកាណាដា ។
ហើយក្រោយមកគាត់បានផ្លាស់ទៅរស់នៅសហរដ្ឋអាមេរិកនឹងបានចាប់ផ្តើមបណ្តុះបណ្តាលផ្នែកវះកាត់នៅសាកលវិទ្យាល័យកាលីហ្វ័រញ៉ា និងឡូសអាន់ជឺឡេស និងបានក្លាយជាគ្រូពេទ្យវះកាត់ដែលមានការបញ្ជាក់ពីក្រុមប្រឹក្សាភិបាលផងដែរ ។ លោក Soon-Shiong  គឺជាសមាជិកនៃមហាវិទ្យាល័យ Royal ដែលជាគ្រូពេទ្យវះកាត់ (កាណាដា) និងជាសមាជិកនៃមហាវិទ្យាល័យគ្រូពេទ្យវះកាត់របស់សហរដ្ឋអាមេរិកផងដែរ ។

លោក Soon-Shiong បានចូលរៀនសាលាពេទ្យ  UCLA Medical នៅឆ្នាំ ១៩៨៣ និងបានបម្រើការនៅមហាវិទ្យាល័យនោះរហូតដល់ឆ្នាំ ១៩៩១ ។ ក្នុងអំឡុងពេលនោះគាត់គឺជាគ្រូពេទ្យវះកាត់ប្តូរសរីរាង្គ ។ នៅចន្លោះឆ្នាំ ១៩៨៤ ដល់ ១៩៨៧ គាត់បានបម្រើការជាអ្នកស៊ើបអង្កេតរងនៅឯមជ្ឈមណ្ឌលស្រាវជ្រា​វ UCLA ។

លោក Soon-Shiong បានធ្វើការវះកាត់ប្តូរលំពែងលើកដំបូងនៅឯមជ្ឈមណ្ឌលស្រាវជ្រា​វ UCLA ហើយគាត់បានបង្កើត និងការព្យាបាលជំងឺទឹកនោមផ្អែមប្រភេទទី ១ ដែលត្រូវបានគេស្គាល់ថាជាការប្តូរសរីរាង្គទៅជា isletapsapsad-human islet និងការប្តូរកោសិកា islet-cell របស់បុរសដំបូងគេ ។ ហើយនៅក្នុងឆ្នាំ ២០០៩ លោក Soon-Shiong បានបម្រើការនៅក្នុងមជ្ឈមណ្ឌលស្រាវជ្រា​វ UCLA ដែលជាសាស្រ្តាចារ្យផ្នែកមីក្រូជីវសាស្រ្តលើប្រព័ន្ធភាពស៊ាំហ្សែនម៉ូលេគុល និងជីវគីមីជីវសាស្ត្ររហូតមកដល់បច្ចុប្បន្ន ។

ប្រភព៖ Phnom Penh HR

លោក Randal J. Kirk កើតនៅថ្ងៃទី ០១ ខែ មីនា ឆ្នាំ ១៩៥៤ គាត់គឺជាអ្នកជំនួញ និងជាអ្នកវិនិយោគិនអាមេរិក ។ លោក Kirk គឺជាប្រធាន និងជានាយកប្រតិបត្តិនៃក្រុមហ៊ុន Intrexon ដែលជាក្រុមហ៊ុនផ្នែកឱសថ និងជីវបច្ចេកវិទ្យា ។ បន្ថែមពីលើការលក់ផលិតផលល្បីជាច្រើនផ្សេងទៀតនៃ New River Pharmaceuticals, Inc, និង Clinical Data, Inc ។

លោក Kirk បានបង្កើតក្រុមហ៊ុនវិនិយោគវិទ្យាសាស្ត្រ Third Security, LLC និងបានកាន់កាប់កៅអីក្រុមប្រឹក្សាភិបាលជាមួយក្រុមហ៊ុនជីវបច្ចេកវិទ្យាដូចជា Scios, Inc និង ZIOPHARM Oncology  ។ លោក Kirk ត្រូវបានគេស្គាល់ថាជាមហាសេដ្ឋីម្នាក់ដែលមានជាងគេបំផុតហើយត្រូវបានចុះក្នុងបញ្ជីរបស់ទស្សនាវដ្តី Forbes 400 ។

ជីវិតដំបូង និងការអប់រំ៖

លោក Randal J. Kirk កើតនៅទីក្រុង Pleasanton រដ្ឋ California ។ គាត់បានបញ្ចប់ការសិក្សានៅវិទ្យាល័យ Dublin នៅ Pulaski County រដ្ឋ Virginia ។ កាលរៀននៅវិទ្យាល័យគាត់បានធ្វើការជាអ្នកលក់ឡាន និងម៉ូតូហើយបានចុះឈ្មោះរៀននៅសាកលវិទ្យាល័យ Radford ដើម្បីសិក្សាមុខជំនួញ ។ ហើយគាត់ទទួលបានបរិញ្ញាបត្រផ្នែកសេដ្ឋកិច្ចនៅឯសាកលវិទ្យាល័យ Radford ក្នុងឆ្នាំ ១៩៧៦ ។

អាជីព៖

ក្នុងឆ្នាំ ១៩៨៣ លោក Kirk បានសហការជាមួយឱសថការី John Gregory ដើម្បីរកអ្នកចែកចាយឱសថទូទៅដែលជាអ្នកចែកចាយទូទៅ និងចាក់វ៉ាក់សាំង ។ លោក Kirk និងដៃគូរបស់គាត់នឹងបន្តលក់អាជីវកម្មនេះទៅឲ្យលោក Henry Schein, Inc ក្នុងតម្លៃ ៦៥ លានដុល្លារក្នុងឆ្នាំ ១៩៩៨ ។ នៅឆ្នាំ ១៩៩៦ លោក Kirk បានបង្កើតក្រុមហ៊ុន New River Pharmaceuticals ជាកន្លែងដែលគាត់បានបម្រើការជាប្រធាន និងជានាយកប្រតិបត្តិហើយបានកាន់កាប់ក្រុមហ៊ុនសាធារណៈនៅឆ្នាំ ២០០៤ ។
ក្នុងឆ្នាំ ១៩៩៩ លោក Kirk បានបង្កើតក្រុមហ៊ុនវិនិយោគវិទ្យាសាស្ត្រ Third Security, LLC ដែលជានាយកគ្រប់គ្រងជាន់ខ្ពស់ និងជានាយកប្រតិបត្តិ ។

ចាប់ពីឆ្នាំ ២០០០ ដល់ ២០០២ លោក Kirk បានបម្រើការជាសមាជិកក្រុមប្រឹក្សាភិបាលសម្រាប់ក្រុមហ៊ុន Scios, Inc ដែលជាអ្នកផលិតថ្នាំព្យាបាលជំងឺបេះដូងដែលក្រោយមកបានលក់ទៅឱ្យលោក Johnson ក្នុងតម្លៃ ២,៤ ពាន់លានដុល្លារ ។ ក្នុងឆ្នាំ ២០១១ លោក Kirk បានក្លាយជាអ្នកកាន់កាប់ភាគហ៊ុនភាគច្រើន​ និងជាប្រធានក្រុមហ៊ុនឱសថ និងគ្លីនិដែលមានមូលដ្ឋាននៅរដ្ឋ Massachusetts ក្នុងឆ្នាំ ២០១១ ។

លោក Kirk បានចូលរួមជាមួយក្រុមហ៊ុនជីវបច្ចេកវិទ្យាវិទ្យាសាស្ត្រ Intrexon នៅទសវត្សឆ្នាំ ២០០០ ។ ហើយគាត់ត្រូវបានតែងតាំងជាប្រធានក្រុមប្រឹក្សាភិបាលក្នុងឆ្នាំ ២០០៨ និងបានក្លាយជានាយកប្រតិបត្តិក្នុងឆ្នាំ ២០០៩ ។ លោក Kirk បានកាន់កាប់ក្រុមហ៊ុន Intrexon នៅឆ្នាំ ២០១៣ ដោយបានចាប់យកទីផ្សាររបស់ក្រុមហ៊ុនរហូតដល់ ២,៥ ពាន់លានដុល្លារជាមួយ IPO ។

ទ្រព្យសម្បតិ្ត៖ Randal J. Kirk

យោងតាមទស្សនាវដ្តី Forbes បានឱ្យដឹងថាអ្នកជំនួញជនជាតិអាមេរិកគឺលោក Randal Kirk មានទ្រព្យសរុបប្រមាណ ៤,៣ ពាន់លានដុល្លារគិតត្រឹមខែ មេសា ឆ្នាំ ២០១៦ ។

 ប្រភព៖ Phnom Penh HR