Category: មហាសេដ្ឋីតួកគី

Posted on by — Leave a comment

លោកមហាសេដ្ឋី Mehmet Aydinlar ជាអ្នកដឹកនាំមន្ទីរពេទ្យឯកជនធំបំផុតរបស់ប្រទេសទួរគីគឺក្រុមហ៊ុន Acibadem Healthcare Group

លោក Mehmet Ali Aydinlar គឺជាអ្នកដឹកនាំមន្ទីរពេទ្យឯកជនធំបំផុតរបស់ប្រទេសទួរគីគឺក្រុមហ៊ុន Acibadem Healthcare Group ។ គាត់បានបង្កើតក្រុមហ៊ុននេះបន្ទាប់ពីគាត់បានក្លាយជាអ្នកប្រឹក្សាក្នុងវិស័យតែមួយ ។ ក្រុមហ៊ុនរបស់គាត់ត្រូវបានផ្សព្វផ្សាយជាសាធារណៈនៅឆ្នាំ ២០០០ និងបានចាប់ដៃដៃគូជាមួយនឹងក្រុមហ៊ុន Abraaj Capital ក្នុងឆ្នាំ ២០០៨ ។ ក្រុមហ៊ុន IHH Healthcare Berhad គឺជាអ្នកផ្តល់សេវាកម្មថែទាំសុខភាពដែលមានមូលដ្ឋាននៅទីក្រុងគូឡាឡាំពួនិងនៅតំបន់អាស៊ីអឺរ៉ុបកណ្តាលនិងអឺរ៉ុបខាងកើតនិងមជ្ឈឹមបូព៌ាផងដែរ ។ លោក Aydinlar បានផ្លាស់ប្តូរភាគហ៊ុនរបស់ក្រុហ៊ុន Acibadem ទៅជាសាច់ប្រាក់និងភាគហ៊ុននៅក្នុងក្រុមហ៊ុន IHH ។ ឥឡូវនេះគាត់ក៏ជាអ្នកកាន់កាប់ភាគហ៊ុន ២៥% នៃក្រុមហ៊ុន Acibadem ដែលកំពុងពង្រីកទៅប្រទេសហូឡង់ប៊ុលហ្គារីម៉ាសេដូនៀស៊ែប៊ីនិងអ៊ីរ៉ាក់ផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកស្រីមហាសេដ្ឋី Semahat Sevim Arsel ជានាយកប្រតិបត្តិរបស់ក្រុមហ៊ុន Koç Holding

លោកស្រី Semahat Sevim Arsel ​កើតនៅឆ្នាំ ១៩២៨ ដែលជាមហាសេដ្ឋីនៅប្រទេសទួរគី ។ លោស្រីគឺជានាយកប្រតិបត្តិរបស់ក្រុមហ៊ុន Koç Holding ។ គិតត្រឹមខែ វិច្ឆិកា ឆ្នាំ ២០១៥ យោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិរបស់លោកស្រី Semahat មានចំនួន ២,៤ ពាន់លានដុល្លារ ។

ទ្រព្យសម្បត្តិ៖ Semahat Sevim Arsel

លោកស្រី​ Semahat Sevim Arsel គឺជាអ្នកជំនួញជនជាតិទួរគីជាមួយទ្រព្យសម្បត្តិសុទ្ធសរុប ៣.២ ពាន់លានដុល្លារ ។ គាត់គឺជាសមាជិកក្រុមប្រឹក្សាភិបាលនៃក្រុមហ៊ុន Koc Holding ។ លើសពីនេះលោកស្រីបានគ្រប់គ្រងការវិនិយោគរបស់ក្រុមហ៊ុននៅក្នុងវិស័យទេសចរណ៍រួមទាំងទេសចរ​ណ៍ និងសណ្ឋាគារ ។ លោកស្រីក៏បានបង្កើតមជ្ឈមណ្ឌល SANERC ដែលជាមជ្ឈមណ្ឌលស្រាវជ្រាវ និងថែទាំគិលានុប្បដ្ឋាកា (Semahat Arsel Nursing Education & Research Center) ក្នុងឆ្នាំ ១៩៩២ ។ ហើយគាត់ក៏បានកាន់តំណែងជាអនុប្រធាននៅក្នុងមូលនិធិ Florence Nightingale និងជាស្ថាបនិកបណ្ឌិត្យសភាគិលានុបដ្ឋាយិកានៃសាកលវិទ្យាល័យ Koc ផងដែរ ។ 

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Nihat Ozdemir ជាសហស្ថាបនិក និងជាប្រធាននៃក្រុមហ៊ុន Limak Holding

លោក Nihat Ozdemir គឺជាសហដៃគូជំនួញជាមួយលោក Sezai Bacaksiz ដែលបានរួមគ្នាបង្កើតក្រុមហ៊ុន Limak Construction ក្នុងឆ្នាំ ១៩៧៦ ។ ឥឡូវនេះវាគឺជាក្រុមហ៊ុនមួយដែលទទួលបានប្រាក់ចំណូលចំនួន ៤ ពាន់លានដុល្លារអាមេរិកដែលបានផ្តោតលើគម្រោងហេដ្ឋារចនាសម្ព័ន្ធធំៗដូចជាការដឹកជញ្ជូន ស៊ីម៉ងត៍ និងទេសចរណ៍ ។

បច្ចុប្បន្ននេះវាគឺជាផ្នែកមួយរបស់ក្រុមហ៊ុនដែលធ្វើការលើដំណាក់កាលដំបូងដោយបានចំណាយទឹកប្រាក់ ៦ ពាន់លានដុល្លារបូកនឹងការសាងសង់អាកាសយានដ្ឋានទី ៣ របស់ប្រទេសអ៊ីស្តង់ប៊ុលដែលនឹងត្រូវឲ្យបើកដំណើរការនៅឆ្នាំ ២០១៨ ។ ក្រុមហ៊ុន Limak បានចាប់ផ្តើមប្រតិបត្តិការនៅក្នុងប្រទេសគុយវ៉ែត អេហ្ស៊ីប​ កូសូវ៉ូ សាធារណរដ្ឋតួកគី អឺរ៉ុបខាងកើត អាហ្រ្វិក ប៉ាគីស្ថាន អ៊ុយក្រែននិងរុស្ស៊ី ។

ហើយក្រុមហ៊ុនរបស់ពួកគេបានចំណាយប្រាក់លើគម្រោង ៤,៣ ពាន់លានដុល្លារដើម្បីធ្វើឱ្យប្រសើរឡើង និងពង្រីកព្រលានយន្តហោះអន្តរជាតិនៅប្រទេសគុយវ៉ែត ។ នៅក្នុងវិស័យថាមពលឯកជននៅក្នុងប្រទេសទួរគីក្រុមហ៊ុន Limak បានចាប់ផ្តើមសាងសង់ ជាមួយនឹងប្រតិបត្តិការលើរោងចក្រថាមពលវារីអគ្គិសនីដែលជាប់នៅលំដាប់ទី ១ ។

ទ្រព្យសម្បត្តិ៖ Nihat Ozdemir

លោក Nihat Ozdemir គឺជាពាណិជ្ជករជនជាតិទួរគីដែលមានទ្រព្យសម្បត្តិសុទ្ធប្រមាណ ១,២ ពាន់លានដុល្លារ ។ គាត់គឺជាសហស្ថាបនិក និងជាប្រធាននៃក្រុមហ៊ុន Limak Holding និងជាសហម្ចាស់ជាមួយលោក Sezai Bacaksiz ។ លោក Nihat កើតនៅថ្ងៃទី ០៥ ខែ មេសា ឆ្នាំ ១៩៥០ នៅទីក្រុង Diyarkbakir ប្រទេសទួរគី ។ គាត់បានទទួលសញ្ញាបត្រវិស្វកម្មមេកានិចពីសាកលវិទ្យាល័យ Gazi ។

ក្រុមហ៊ុន Limak ត្រូវបានបង្កើតឡើងក្នុងឆ្នាំ ១៩៧៦ ហើយវាបានរីកដុះដាលយ៉ាងខ្លាំងនឹងទទួលបានផលប្រយោជន៍ពីអាជីវកម្មសំខាន់ៗនៅក្នុងវិស័យសំណង់ថាមពល ស៊ីម៉ងត៍ និងទេសចរណ៍ ។ ប្រាក់ចំណូលសរុបរបស់ក្រុមហ៊ុនបានកើនឡើងដល់ ២៤% ដែលទទួលបានប្រាក់ចំណូល ២៦០ លានដុល្លារ ។ លោក Nihat  ក៏ជាអតីតអនុប្រធាននៃក្លឹប Fenerbahce SK ដែលជាក្រុមកីទ្បាបាល់ទាត់នៅប្រទេសទួរគីផងដែរ ។ ហើយគាត់បានបម្រើការជាអនុប្រធានក្រុមរហូតដល់ថ្ងៃទី ២៥ ខែ សីហា ឆ្នាំ ២០១១ ។

ប្រភព៖ ​​Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Sezai Bacaksiz ជាអនុប្រធានរបស់ក្រុមហ៊ុន Limak Holding ដែលផ្តោតនៅលើវិស័យសំណង់ ទេសចរណ៍ ថាមពល និងស៊ីម៉ងត៍

លោក Sezai Bacaksiz និងដៃគូររបស់គាត់គឺលោក Nihat Ozdemir បានចាប់ផ្តើមបង្កើតក្រុមហ៊ុនសំណង់ Limak Construction ក្នុងឆ្នាំ ១៩៧៦ ។ ឥឡូវនេះក្រុមហ៊ុនរបស់ពួកគេទទួលបានប្រាក់ចំណូលចំនួន ៤ ពាន់លានដុល្លារអាមេរិក ។ ហើយគម្រោងរបស់ពួកគេបានផ្តោតលើហេដ្ឋារចនាសម្ព័ន្ធធំៗ ទៅលើក្រុមហ៊ុន Limak Group ហើយក្រុមហ៊ុនមួយនេះសកម្មក្នុងការដឹកជញ្ជូនស៊ីម៉ងត៍ និងផ្នែកទេសចរណ៍ ។ បច្ចុប្បន្នវាជាផ្នែកមួយនៃក្រុមហ៊ុនដែលធ្វើការលើដំណាក់កាលដំបូងដែលមានទឹកប្រាក់ចំនួន ៦ ពាន់លានដុល្លារបូកនឹងការសាងសង់ព្រលានយន្តហោះទី ៣ របស់ទីក្រុងអ៊ីស្តង់ប៊ុលដែលនឹងត្រូវបើកដំណើរការនៅឆ្នាំ ២០១៨ ។

ក្រុមហ៊ុន Limak បានចាប់ផ្តើមប្រតិបត្តិការនៅប្រទេសគុយវែត អេហ្ស៊ីប កូសូវ៉ូសា ធារណរដ្ឋតួកគី អឺរ៉ុបខាងកើត អាហ្វ្រិក ប៉ាគីស្ថាន អ៊ុយក្រែន និងរុស្ស៊ីជាដើម ។ គម្រោងរបស់ក្រុមហ៊ុនសំណង់ Limak Construction គឺបានផ្តោតលើគម្រោង ៤,៣ ពាន់លានដុល្លារដើម្បីធ្វើឱ្យប្រសើរឡើងនឹងពង្រីកព្រលានយន្តហោះអន្តរជាតិរបស់ប្រទេសគុយវ៉ែត ។ នៅក្នុងវិស័យថាមពលឯកជននៅក្នុងប្រទេសទួរគីគឺក្រុមហ៊ុន Limak ដែលបានសាងសង់ និងប្រតិបត្តិការលើរោងចក្រ ថាមពលវារីអគ្គិសនីដែលស្ថិតនៅក្នុងចំណោមក្រុមហ៊ុនផលិតអគ្គិសនីធំៗ បី ។

ទ្រព្យសម្បត្តិ៖ Bacaksiz Sezai

លោក Bacaksiz Sezai គឺជាអ្នកជំនួញជនជាតិទួរគីដែលមានទ្រព្យសម្បត្តិសុទ្ធប្រមាណ ១,២ ពាន់លានដុល្លារ ។ លោក Bacaksiz គឺជាអនុប្រធានរបស់ក្រុមហ៊ុន Limak Holding ដែលបានផ្តោតនៅលើវិស័យសំណង់ ទេសចរណ៍ ថាមពល និងស៊ីម៉ងត៍ ។ គាត់បានកាន់កាប់ភាគហ៊ុនពាក់កណ្តាលរបស់ក្រុមហ៊ុន Limak ហើយចំណែកឯពាក់កណ្តាលទៀតដែលជារបស់លោក Nihat Ozdemir ។

លោក​Bacaksiz បានទទួលបន្ទុកជាអ្នកគ្រប់គ្រងអាកាសយានដ្ឋាន និងធុរកិច្ចទេសចរណ៍ខណៈដែលលោក Ozdemir បានកាន់កាប់ក្រុមហ៊ុនស៊ីម៉ងត៍ និងថាមពល ។ ទ្រព្យសម្បត្តិសំខាន់ៗមួយចំនួនរបស់ពួកគេរួមមានក្រុមហ៊ុនស៊ីម៉ងត៍ និងក្រុមហ៊ុនថាមពលក្រុមហ៊ុន Limak ក៏ដូចជាក្រុមហ៊ុនទេសចរណ៍ផងដែរ ។ មួយឆ្នាំក្រោយមកកំពង់ផែ Iskenderun ត្រូវបានកាន់កាប់ដោយក្រុមហ៊ុន Limak ។

ហើយក្រោយមកក្រុមហ៊ុន Limak បានឈ្នះការដេញថ្លៃសម្រាប់អាជីវកម្មចែកចាយ និងលទ្ធកម្មអគ្គិសនីរបស់ក្រុមហ៊ុនកូសូវ៉ូជាមួយក្រុមហ៊ុន Ahmet Calik ។ ហើយពួកគេក៏បានទិញយកក្រុមហ៊ុន BEDAS ក្នុងតម្លៃ ២ ពាន់លានដុល្លាររួមជាមួយក្រុមហ៊ុន Cengiz និងក្រុមហ៊ុន Kolin Construction ។ ក្រុមហ៊ុន BEDAS មានអតិថិជនជាង ១០ លាននាក់ហើយឥលូវនេះក្រុមហ៊ុន Limak ក្រុមហ៊ុនCengiz និងក្រុមហ៊ុន Kolin បានគ្រប់គ្រងអតិថិជន ៣០% នៅទូទាំងប្រទេសទួរគី ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Hamdi Ulukaya ជាស្ថាបនិក និងជានាយកប្រតិបត្តិនៃក្រុមហ៊ុន Chobani Inc

លោ​ក Hamdi Ulukaya កើតនៅថ្ងៃទី ២៦ ខែ តុលា ឆ្នាំ ១៩៧២ គាត់គឺជាអ្នកជំនួញជនជាតិឃឺដដែលកើតនៅប្រទេសទួរគីហើយបានរស់នៅក្នុងសហរដ្ឋអាមេរិក ។ លោ​ក Hamdi គឺជាស្ថាបនិក និងជានាយកប្រតិបត្តិនៃក្រុមហ៊ុន Chobani ។ នៅថ្ងៃទី ២៦ ខែ មេសា ឆ្នាំ ២០១៦ លោ​ក Hamdi បានប្រកាសប្រាប់បុគ្គលិករបស់គាត់ថានឹងផ្តល់ឱ្យពួកគេនូវភាគហ៊ុនចំនួន ១០ ភាគរយនៅក្រុមហ៊ុន Chobani ។

នៅក្នុងបទសម្ភាសន៍ជាមួយទូរទស្សន៍ CNN Money លោ​ក Hamdi ពិតជាមានភាពម៉ឺងម៉ាត់ចំពោះសិទ្ធិជនជាតិឃឺដ ហើយគាត់បានចាកចេញពីប្រទេសតួកគីដោយសារតែការជិះជាន់របស់រដ្ឋទួរគីទៅលើក្រុមជនជាតិភាគតិចឃឺដរបស់ខ្លួន ។ លោ​ក Hamdi បានចាប់ផ្តើមបង្កើតរោងចក្រ modest feta-cheese នៅឆ្នាំ ២០០២ តាមការណែនាំរបស់ឪពុកគាត់ ។

ហើយគាត់ក៏បានទិញរោងចក្រផលិតទឹកដោះគោជូរដែលបានបោះបង់ចោលនៅរដ្ឋញូវយ៉កក្នុងឆ្នាំ ២០០៥ នៅក្នុងតំបន់មួយដែលធ្លាប់ជាមជ្ឈមណ្ឌលនៃឧស្សាហកម្មផលិតទឹកដោះគោនឹងឈីស ។ ដោយមិនមានបទពិសោធន៏ពីមុននៅក្នុងអាជីវកម្មទឹកដោះគោជូរគាត់បានបង្កើតរោងចក្រផលិតទឹកដោះគោជូរមួយឈ្មោះជូបានីដោយមានទីតាំងនៅក្នុងរដ្ឋជាច្រើន ។ វាត្រូវបានគេលក់ក្នុងតម្លៃជាង ១ ពាន់លានដុល្លារក្នុងការលក់ប្រចាំឆ្នាំក្នុងរយៈពេលតិចជាង ៥ ឆ្នាំបន្ទាប់ពីការបើកដំណើរការដែលបានក្លាយជាយីហោទឹកដោះគោយ៉ាអួឈានមុខគេនៅសហរដ្ឋអាមេរិកក្នុងឆ្នាំ ២០១១ ។

លោ​ក Hamdi គឺជាសហគ្រិនដ៏ឆ្នើមប្រចាំឆ្នាំក្នុងឆ្នាំ ២០១៣ ហើយភាពជោគជ័យនៃការបង្កើតរោងចក្រផលិតទឹកដោះគោជូររបស់គាត់បានធ្វើអោយគាត់បានក្លាយជាមហាសេដ្ឋី និងបានបង្កើតការងារថ្មីនៅក្នុងតំបន់ជាច្រើន ។ នេះបើយោងតាមរយះទស្សនាវដ្តី Forbes បានឲ្យដឹងថាទ្រព្យសម្បត្តិសុទ្ធរបស់គាត់នៅឆ្នាំ ២០១៦ មានចំនួន ១,៩២ ពាន់លានដុល្លារ ។

ទ្រព្យសម្បត្តិ៖ Hamdi Ulukaya

លោក Hamdi Ulukaya គឺជាស្ថាបនិក និងជានាយកប្រតិបត្តិនៃក្រុមហ៊ុន Chobani Inc ។ លោក Hamdi មានទ្រព្យសម្បត្តិសរុបប្រមាណ ១,១ ពាន់លានដុល្លារគិតត្រឹមខែ មីនា ឆ្នាំ ២០១៣ ។ គាត់បានធ្វើការនៅក្នុងកសិដ្ឋានចិញ្ចឹមគោមួយកន្លែងនៅតំបន់ Erzincan ប្រទេសទួរគី ។ លោក Hamdi បានចាប់យកមុខវិជ្ជាវិទ្យាសាស្ត្រនយោបាយនៅសាកលវិទ្យាល័យ ។ ហើយក្រោយមកគាត់បានផ្លាស់ទៅរស់នៅសហរដ្ឋអាមេរិកនៅឆ្នាំ ១៩៩៤ និងបានចុះឈ្មោះចូលរៀននៅសាកលវិទ្យាល័យអាល់បានីក្នុងឆ្នាំ ១៩៩៧ ។

ក្នុងឆ្នាំ ២០០១ លោក Hamdi បានចាប់ផ្តើមបង្កើតក្រុមហ៊ុន Euphrates ដែលជាក្រុមហ៊ុនផលិតឈីសនៅទីក្រុងញូវយ៉កនៅពេលគាត់ធ្វើតាមដំបូន្មានរបស់ឪពុកគាត់ ។ ចាប់តាំងពីពេលនោះមកការលក់ប្រចាំឆ្នាំរបស់ក្រុមហ៊ុន Chobani បានកើនឡើងដល់ជិត ១ ពាន់លានដុល្លារ ។

គិតត្រឹមខែ​ ធ្នូ ឆ្នាំ ២០១២ លោក Hamdi បានចាប់ផ្តើមបង្កើតរោងចក្រផលិតទឹកដោះគោជូរថ្មីក្នុងតម្លៃ ៤៥០ ដុល្លារ ។ លោក Hamdi បានធ្វើជាសមាជិកនៃថ្នាក់ត្រួតពិនិត្យអាជីវកម្មឆ្នាំ ២០០៩ ហើយគាត់ក៏ត្រូវបានគេដាក់ឈ្មោះថាជាសហគ្រិនម្នាក់ដ៏ឆ្នើមប្រចាំឆ្នាំនៅឆ្នាំ ២០១៣ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Murat Ülker ជាម្ចាស់ក្រុមហ៊ុនឧស្សាហកម្ម ផលិតអាហារកំប៉ុងឈានមុខគេរបស់ប្រទេសទួរគី

លោក Murat Ülker កើតនៅទីក្រុងអ៊ីស្តង់ប៊ុលប្រទេសទួរគីក្នុងឆ្នាំ ១៩៥៩។ គាត់គឺជាម្ចាស់ឧស្សាហកម្ម និងជាអ្នកជំនួញតួកគី និងជាប្រធានក្រុមហ៊ុន Yldız Holding ដែលជាក្រុមហ៊ុនផលិតអាហារកំប៉ុងធំជាងគេនៅអឺរ៉ុបកណ្តាល និងប៊ែកខាងកើតអឺរ៉ុបមជ្ឈិមបូព៌ា និងអាហ្វ្រិក និងជាក្រុមហ៊ុនផលិតអាហារកំប៉ុងឈានមុខគេរបស់ប្រទេសទួរគី។ លោក Murat គឺជានាយកប្រតិបត្តិជំនាន់ទី ២ នៃអាជីវកម្មគ្រួសារ Ülker ដែលត្រូវបានបង្កើតឡើងដោយឪពុករបស់គាត់ឈ្មោះ Sabri kerlker និងពូរបស់គាត់គឺ Asımılker ក្នុងឆ្នាំ ១៩៤៤ ។

លោក Murat គឺជាអ្នកធ្វើនំសូកូឡាដែលទទួលបានជោគជ័យ។ គាត់បានចាប់ផ្តើមអាជីពជាអ្នកជំនាញនៅឆ្នាំ ១៩៨២ ហើយគាត់បានទទួលការបណ្តុះបណ្តាលបន្ថែមទៀតនៅវិទ្យាស្ថានអាមេរិក។ គាត់ក៏បានធ្វើការនៅក្នុងក្រុមហ៊ុនដុតនំ Continental នៅអាមេរិក។ លោក Murat បានចូលរួមជាមួយក្រុមហ៊ុន Yıldız Holding ជាអ្នកសម្របសម្រួលនូវការការគ្រប់គ្រងនៅឆ្នាំ ១៩៨៤។ ក្នុងរយៈពេលប៉ុន្មានឆ្នាំក្រោយគាត់បានបម្រើការជាជំនួយការអ្នកគ្រប់គ្រងទូទៅសម្រាប់សហគ្រាសហើយក្រោយមកជាអ្នកគ្រប់គ្រងទូទៅ។

នៅឆ្នាំ ២០០០ លោក Murat បានក្លាយជានាយកប្រតិបត្តិរបស់ Yldldz Holding ហើយគាត់បានកាន់តំណែងជាប្រធានចាប់តាំងពីឆ្នាំ ២០០៨ ។ ស្ថិតក្រោមការធ្វើជាប្រធានរបស់ ,lker របស់ក្រុមហ៊ុនYıldız Holding គាត់បានទិញយកភាគហ៊ុនជាច្រើននៅឆ្នាំ ២០១៦។ ក្រុមហ៊ុននេះបានប្រមូលផ្តុំគ្នានូវនំខេក Godiva Chocolatier និងក្រុមហ៊ុនស្ករគ្រាប់របស់ DeMet ដើម្បីបង្កើតអាជីវកម្មសកលថ្មីមួយ។

លោក Murat Ulker គឺជាអ្នកជំនួញតួកគីដែលមានទ្រព្យសម្បត្តិសរុបប្រមាណ ៣,៣ ពាន់លានដុល្លារគិតត្រឹមខែ មេសា ឆ្នាំ ២០១៦ នេះបើយោងតាមទស្សនាវដ្តី Forbes ។លោក Murat Ulker គឺជានិស្សិតបញ្ចប់ការសិក្សានៅសាកលវិទ្យាល័យBogaziçi ជាកន្លែងដែលគាត់បានបញ្ចប់បរិញ្ញាបត្រផ្នែករដ្ឋបាលធុរកិច្ច។ គឺនៅឆ្នាំ ១៩៨២ នៅពេលដែលគាត់បានចាប់ផ្តើមអាជីពរបស់គាត់។ នៅពេលទទួលបានវគ្គបណ្តុះបណ្តាលជំនាញនៅបរទេសហើយគាត់បានចាប់ផ្តើមធ្វើការនៅក្រុមហ៊ុន Continental ។

ចាប់តាំងពីឆ្នាំ ២០០០ លោក Murat Ulker បានបម្រើការជាប្រធានក្រុមប្រឹក្សាប្រតិបត្តិនៃក្រុមហ៊ុន Ulker Group ។ លោកក៏មានតួនាទីជាប្រធាន និងជានាយកប្រតិបត្តិនៃក្រុមហ៊ុន Yildiz Holding AS ដែលត្រូវបានគេចាត់ទុកថាជាក្រុមហ៊ុនផលិតអាហារកំប៉ុងធំជាងគេនៅក្នុងប្រទេសទួរគី។ ក្រុមហ៊ុននេះត្រូវបានគេនិយាយថាផលិតនូវផលិតផលអាហារកំប៉ុងផ្សេងៗគ្នាដែលរួមមានសូកូឡា ទឹកដោះគោ អាហារទារក និងនំ។

ក្រៅពីការផលិតម្ហូបអាហារកំប៉ុងរបស់ក្រុមហ៊ុន Yildiz Holding AS ក៏មានចំណាប់អារម្មណ៍ផងដែរលើវិស័យអចលនទ្រព្យការវេចខ្ចប់ហិរញ្ញវត្ថុការតុបតែងខ្លួន និងជំនួញលក់ដុំ។
ចាប់តាំងពីខែ មករា ឆ្នាំ ២០១០ លោកបានបម្រើការជាប្រធានក្រុមប្រឹក្សាភិបាលនៃក្រុមហ៊ុនGözde Private Equity Inc ហើយចាប់តាំងពីឆ្នាំ ២០១០ លោកជាប្រធានក្រុមប្រឹក្សាភិបាលនៅ Bizim Toptan Satis Magazalari A.S ។

 ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖