លោកស្រីមហាសេដ្ឋី Kiran Mazumdar-Shaw ជាប្រធាន និងជានាយកគ្រប់គ្រងនៃក្រុមហ៊ុន Biocon Limited ដែលជាក្រុមហ៊ុនជីវបច្ចេកវិទ្យា

លោកស្រី Kiran Mazumdar-Shaw កើតនៅថ្ងៃទី ២៣ ខែ មីនា ឆ្នាំ ១៩៥៣  ដែលជាសហគ្រិនជនជាតិឥណ្ឌា ។ លោកស្រីគឺជាប្រធាន និងជានាយកគ្រប់គ្រងនៃក្រុមហ៊ុន Biocon Limited ដែលជាក្រុមហ៊ុនជីវបច្ចេកវិទ្យាដែលមានមូលដ្ឋាននៅទីក្រុង Bangalore ប្រទេសឥណ្ឌា ។

ក្នុងឆ្នាំ ២០១៤ លោកស្រី Kiran ទទួលបានមេដាយមាសពី Othmer សម្រាប់ការចូលរួមចំណែកដ៏ឆ្នើមដល់វឌ្ឍនភាពវិទ្យាសាស្ត្រ និងគីមីវិទ្យា ។ នៅឆ្នាំ ២០១៥ លោកស្រីត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកដែលជាស្ត្រីម្នាក់ដែលមានឥទ្ធិពលបំផុតទី ៨៥ នៅលើពិភពលោកដោយទស្សនាវដ្តី Forbes ។ ហើយក្នុងឆ្នាំ ២០១៦ លោកស្រី Kiran ត្រូវបានចុះនៅក្នុងបញ្ជីឈ្មោះមហាសេដ្ឋីពិភពលោកម្តងទៀតនៅក្នុងទស្សនាវដ្តី Forbes ដែលជាស្ត្រីម្នាក់ដែលមានឥទ្ធិពលបំផុតនៅលើពិភពលោកដែលស្ថិតក្នុងលំដាប់ទី ៧៧ ។

ជីវិតដំបូង និងការអប់រំ៖

លោកស្រី Kiran បានចូលរៀននៅវិទ្យាល័យ Bangalore ដោយបានបញ្ចប់ការសិក្សានៅឆ្នាំ ១៩៦៨ ។ ហើយក្រោយមកគាត់បានបន្តចូលរៀននៅមហាវិទ្យាល័យ Mount Carmel នៅទីក្រុង Bangalore ដែលជាមហាវិទ្យាល័យមួយដែលបានផ្តល់វគ្គសិក្សានៅសាកលវិទ្យាល័យមុនពេលចូលរៀននៅសាកលវិទ្យាល័យ Bangalore ។ គាត់បានសិក្សាផ្នែកជីវវិទ្យា និងជីវសាស្រ្តដោយបានបញ្ចប់ការសិក្សាពីសាកលវិទ្យាល័យបាងហ្គាឡូដោយទទួលបានបរិញ្ញាបត្រ Zoology ក្នុងឆ្នាំ ១៩៧៣ ។

លោកស្រី Kiran បានសង្ឃឹមថានឹងបានបន្តទៅសាលាពេទ្យប៉ុន្តែគាត់មិនបានទទួលអាហារូបករណ៍នោះទេ ។ ឪពុករបស់គាត់ឈ្មោះ Rasendra Mazumdar គឺជាប្រធានផលិតករនៅក្នុងក្រុមហ៊ុន United Breweries ។ ឪពុករបស់គាត់បានស្នើឱ្យគាត់បន្តការសិក្សាផ្នែកវិទ្យាសាស្ត្រ ។ លោកស្រី Kiran បានបន្តការសិក្សាទៅសាកលវិទ្យាល័យសហព័ន្ធដែលពីមុនត្រូវបានគេស្គាល់ថាជាសាកលវិទ្យាល័យបាឡារ៉ាត់នៅប្រទេសអូស្ត្រាលី ។ ក្នុងឆ្នាំ ១៩៧៤ គាត់គឺជាស្ត្រីតែម្នាក់គត់ដែលបានចុះឈ្មោះចូលរៀនវគ្គបណ្តុះបណ្តាល និងជាស្រ្តីថ្នាក់កំពូលម្នាក់ ។

លោកស្រី Kiran បានធ្វើការនៅក្នុងក្រុមហ៊ុន Carlton នៅទីក្រុង United Breweries រដ្ឋ Melbourne និងជាអ្នកបង្ហាត់បង្រៀនកម្មករនៅក្នុងក្រុមហ៊ុន Barrett Brothers និង Burston ប្រទេសអូស្ត្រាលី ។ លោកស្រីក៏ធ្លាប់បានបម្រើការជាអ្នកប្រឹក្សាបច្ចេកទេសនៅក្នុងក្រុមហ៊ុន Jupiter Breweries Limited នៅទីក្រុង Calcutta និងជាអ្នកគ្រប់គ្រងបច្ចេកទេសនៅក្នុងក្រុមហ៊ុនសាជីវកម្មស្តង់ដារម៉ាល់និចនៅទីក្រុង Baroda ចន្លោះពីឆ្នាំ ១៩៧៥ ដល់ឆ្នាំ ១៩៧៧ ។

ប្រភព៖ Phnom Penh HR