Category: មហាសេដ្ឋីកូរ៉េខាងត្បូង

Posted on by — Leave a comment

លោកមហាសេដ្ឋី Cho Jung-Ho ជាប្រធានក្រុមហ៊ុន Meritz Financial Group

លោក Cho Jung-Ho គឺជាប្រធានក្រុមហ៊ុន Meritz Financial Group ។ គាត់បាន​សិក្សា​ផ្នែក​សេដ្ឋកិច្ច​នៅ​សាកលវិទ្យាល័យ Southern California ។ គាត់បានចាប់ផ្តើមធ្វើការឲ្យក្រុមហ៊ុនអាកាសចរណ៍កូរ៉េនៅអឺរ៉ុប មុនពេលទទួលបាន M.B.A. របស់គាត់ពីវិទ្យាស្ថានអន្តរជាតិសម្រាប់ការអភិវឌ្ឍន៍និងការគ្រប់គ្រងនៅប្រទេសស្វីស ។ នៅឆ្នាំ 1989 គាត់ក៏បានបម្រើការឲ្យក្រុមហ៊ុន Hanjin Investment & Securities ផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកស្រីមហាសេដ្ឋី Chey Ki-Won ជាប្រធានក្រុមហ៊ុន SK Corporation ដែលជាក្រុមហ៊ុនធំទីបីរបស់ប្រទេសកូរ៉េខាងត្បូ

លោកស្រី Chey Ki-Won គឺជាប្រធានក្រុមហ៊ុន SK Corporation ដែលជាក្រុមហ៊ុនធំទីបីរបស់ប្រទេសកូរ៉េខាងត្បូ​ ។ ក្រុមហ៊ុននេះវិនិយោគនៅក្នុងវិស័យថាមពល ទូរគមនាគមន៍ គីមី និងវិស័យផ្សេងៗទៀត ។ 

នៅក្នុងខែ មករា ឆ្នាំ 2012 លោកស្រី Chey Ki-Won ត្រូវបានគេចោទប្រកាន់ពីបទកេងបន្លំប្រាក់ជាង 40 លានដុល្លារពីក្រុមហ៊ុន SK ដើម្បីបិទបាំងការបាត់បង់ការជួញដូរ​ជាសាធារ​ណះ ។ ទោះយ៉ាងណាក៏ដោយគាត់បានបដិសេធរាល់ការខុសឆ្គង ។ នៅខែ មករា ឆ្នាំ 2013 លោកស្រីត្រូវបានគេរកឃើញថាមានពិរុទ្ធពីបទកេងប្រវ័ញ្ច និងត្រូវបានកាត់ទោសឱ្យជាប់ពន្ធនាគាររយៈពេល 4 ឆ្នាំដោយតុលាការក្រុងសេអ៊ូល ។ ក្រុមហ៊ុន SK Corporation បានបង្ហាញពីបំណងរបស់ពួកគេក្នុងការដាក់បណ្តឹងឧទ្ធរណ៍ ។ ហើយក្រោយមកលោកស្រី Chey ត្រូវបានលើកលែងទោសដោយប្រធានាធិបតី Park Geun-hye នៅក្នុងខែ សីហា 2015 ។

ប្រភព៖​ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Shin Dong-Joo ជាអនុប្រធានក្រុមហ៊ុន Lotte Holdings

លោក Shin Dong-Joo គឺជាកូនប្រុសច្បងរបស់ Shin Kyuk-Ho ដែលជាស្ថាបនិករបស់ក្រុមហ៊ុន Lotte Group ដែលត្រូវបានបង្កើតទ្បើងក្នុងឆ្នាំ ១៩៤៨ និងបានពង្រីកខ្លួនចូលទៅក្នុងប្រទេសកូរ៉េខាងត្បូងក្នុងឆ្នាំ ១៩៦៧ ។ សព្វថ្ងៃនេះក្រុមហ៊ុន Lotte Group គឺជាក្រុមហ៊ុនលក់រាយធំបំផុតរបស់ប្រទេសកូរ៉េខាងត្បូង ។ គាត់គឺជាអ្នកមើលការខុសត្រូវលើសាខារបស់ក្រុមហ៊ុន Lotte នៅប្រទេសជប៉ុនដែលមានចំណែកតូចមួយនៃទ្រព្យសម្បត្តិរបស់ក្រុមហ៊ុន ។ 

ទ្រព្យសម្បត្តិ៖ Shin Dong-Joo 

លោក Shin Dong-Joo គឺជាអ្នកជំនួញជនជាតិកូរ៉េខាងត្បូងដែលមានទ្រព្យសម្បត្តិសរុបប្រមាណ ១.៣៧ ពាន់លានដុល្លារគិតត្រឹមខែ មេសា ឆ្នាំ ២០១៦ ។ នេះយោងតាមរយះទស្សនាវដ្តី Forbes បានឲ្យដឹងថាគាត់គឺជាអ្នកមានជាងគេបំផុតនៅក្នុងបញ្ជីឈ្មោះមហាសេដ្ឋីពិភពលោករបស់ប្រទេសកូរ៉េនិងជាប់ចំណាត់ថ្នាក់ទី ៧៩២ នៅក្នុងបញ្ជីមហាសេដ្ឋីពិភពលោក ។ បច្ចុប្បន្ននេះគាត់គឺជាអនុប្រធានក្រុមហ៊ុន Lotte Holdings និងជាអនុប្រធានក្រុមហ៊ុន Lotte Group នៅប្រទេសជប៉ុន ។ បងប្រុសរបស់គាត់ឈ្មោះស៊ីនដុង-ជីនគឺជាប្រធានក្រុមហ៊ុនដែលល្បីល្បាញខាងផលិតបង្អែមនិងការ៉េម ។ សព្វថ្ងៃនេះពួកគេទាំងពីរបានកាន់កាប់ភាគហ៊ុន ១៤.៥៩% ដូចគ្នានៅក្នុងក្រុមហ៊ុនលក់ទំនិញ Lotte Shopping ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Hong Seok-Joh ជាប្រធានក្រុមហ៊ុន BGF Retail ដែលជាក្រុមហ៊ុនលក់ទំនិញធំបំផុតនៅប្រទេសកូរ៉េខាងត្បូង

លោក Hong Seok-Joh គឺជាប្រធានក្រុមហ៊ុន BGF Retail ដែលជាក្រុមហ៊ុនលក់ទំនិញធំបំផុតនៅប្រទេសកូរ៉េខាងត្បូង ។ ក្រុមហ៊ុននេះបានប្រតិបត្តិការក្រោមយីហោ CU ដែលមានហាងជាង ៨០០០ កន្លែជាមួយនឹងការបង្កើតប្រាក់ចំណូលជាង ៣០ ពាន់លានដុល្លារ ។

អាជីវកម្មមួយនេះត្រូវបានបង្កើតទ្បើងនៅឆ្នាំ ១៩៨៩ តាមរយៈកិច្ចព្រមព្រៀងផ្តល់អាជ្ញាប័ណ្ណសិទ្ធិអាជីវកម្មរវាងក្រុមហ៊ុនហុងកុងគ្រុបនិងក្រុមប្រតិបត្តិកររបស់ក្រុមហ៊ុនជប៉ុន FamilyMart ។ ប្អូនស្រីរបស់គាត់ឈ្មោះ Lee Kun-Hee គឺជាភរិយារបស់ប្រធានក្រុមហ៊ុន Samsung Group ដែលជាអ្នកមានបំផុតរបស់កូរ៉េខាងត្បូង ។ លោក Ra-Hee Hong គឺជាអ្នកជំនួញជនជាតិកូរ៉េខាងត្បូងម្នាក់ដែលមានទ្រព្យសម្បត្តិសរុប ១,៦ ពាន់លានដុល្លា​រ ។ 

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kim Jun-Ki ជាប្រធានក្រុមហ៊ុន Dongbu Group ដែលជាក្រុមហ៊ុនវិនិយោគលើវិស័យហិរញ្ញវត្ថុ អេឡិចត្រូនិក និងការអភិវឌ្ឍន៍អចលនទ្រព្យ

លោក Kim Jun-Ki គីជាប្រធានក្រុមហ៊ុន Dongbu Group ដែលជាក្រុមហ៊ុនវិនិយោគលើវិស័យហិរញ្ញវត្ថុ អេឡិចត្រូនិក និងការអភិវឌ្ឍន៍អចលនទ្រព្យ ។ ក្រុមហ៊ុននេះបានចាប់ផ្តើមនៅទសវត្សរ៍ឆ្នាំ ១៩៧០ ដោយបានធ្វើឱ្យសំណង់លំនៅដ្ឋាននៅមជ្ឈឹមបូព៌ារីកដុះដាលជាច្រើន ។

ទ្រព្យសម្បត្តិ៖​ Kim Jun-Ki

លោក Kim Jun-Ki គឺជាអ្នកជំនួញជនជាតិកូរ៉េខាងត្បូងម្នាក់ដែលមានទ្រព្យសម្បត្តិសរុប ១,១ ពាន់លានដុល្លារ ។ ក្រុមហ៊ុន Dongbu Group ដែលជាក្រុមហ៊ុនធំមួយដែលសកម្មក្នុងការផ្តល់នូវផលិតផលឧស្សាហកម្ម ក៏ដូចជាការផ្តល់សេវាកម្មដឹកជញ្ជូនធានារ៉ាប់រង និងសេវាកម្មហិរញ្ញវត្ថុ ។ នៅពេលគាត់មានអាយុ ២៤ ឆ្នាំគាត់បានចាប់ផ្តើមបង្កើតក្រុមហ៊ុនសំណង់មួយនៅឆ្នាំ ១៩៦៨ ដែលមានបុគ្គលិកត្រឹមតែ ២ នាក់ប៉ុណ្ណោះ ។ ប៉ុន្តែប៉ុន្មានឆ្នាំក្រោយមកនេះក្រុមហ៊ុនរបស់គាត់បានរីកចម្រើននិងបានប្រែក្លាយទៅជាក្រុមហ៊ុនដែលមានរួមបញ្ចូលក្រុមហ៊ុនសម្ព័ន្ធជាង ២០ ក្រុមហ៊ុនផ្សេងទៀតផងដែរ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kwon Hyuk-Bin ជាស្ថាបនិករបស់ក្រុមហ៊ុន Smilegate ដែលជាក្រុមហ៊ុនបង្កើតហ្គេមមួយនៅក្នុងប្រទេសកូរ៉េខាងត្បូង

លោក Kwon Hyuk-Bin គឺជាស្ថាបនិករបស់ក្រុមហ៊ុន Smilegate ដែលជាក្រុមហ៊ុនបង្កើតហ្គេមមួយនៅក្នុងប្រទេសកូរ៉េខាងត្បូងដែលត្រូវបានបង្កើតទ្បើងក្នុងឆ្នាំ ២០០២ ។ ក្រុមហ៊ុនមួយនេះបានបង្កើតភាពជាដៃគូជាមួយក្រុមហ៊ុន Tencent ដែលបានចាប់ផ្តើមនៅឆ្នាំ ២០០៨ ហើយវាបានបង្កើតហ្គេមដ៏ពេញនិយមរបស់ខ្លួនគឺ CrossFire ដែលបានបង្កើតប្រាក់ចំណូលជិត ១ ពាន់លានដុល្លារក្នុងឆ្នាំ ២០១៣ ។ ដូចគ្នានេះផងដែរនៅក្នុងឆ្នាំ ២០១៤ លោក Kwon បានចាប់ផ្តើមនូវគំនិតផ្តួចផ្តើមបង្កើតកម្មវិធីថ្មីមួយដែលមានឈ្មោះថា Orange Farm ដែលបានរីកចម្រើនក្លាយជាកម្មវិធីដ៏ធំបំផុតនៅប្រទេសកូរ៉េដែលបានគ្រប់គ្រងដោយក្រុមហ៊ុនឯកជនមួយ ។ កម្មវិធី Orange Farm មានបំណងប្រើប្រាស់បណ្តាញជំនួញរបស់ក្រុមហ៊ុន Smilegate ដើម្បីជួយសហគ្រិនដែលចូលរួមទទួលបានដើមទុន និងអនុវត្តផែនការលើទីផ្សារថ្មី ។

ទ្រព្យសម្បត្តិ៖ Kwon Hyuk-Bin

លោក Kwon Hyuk-Bin គឺជាពាណិជ្ជករជនជាតិកូរ៉េម្នាក់ដែលមានទ្រព្យសម្បត្តិសរុបប្រមាណ ៥.៦៤ ពាន់លានដុល្លារគិតត្រឹមខែ មីនា ឆ្នាំ ២០១៧ នេះបើយោងតាមរយះសារព័ត៌មាន Bloomberg ។ គាត់បានចាប់ផ្តើមអាជីពរបស់គាត់បន្ទាប់ពីគាត់បានបញ្ចប់ការសិក្សាពីសាកលវិទ្យាល័យ Sogang ។ គាត់បានចាប់ផ្តើមបង្កើតក្រុមហ៊ុន Smilegate ដែលជាក្រុមហ៊ុនបង្កើតហ្គេមមួយនៅក្នុងប្រទេសកូរ៉េខាងត្បូង ។ ក្នុងរយៈពេលបួនឆ្នាំដំបូងរបស់លោក Kwon បានផ្លាស់ប្តូរយុទ្ធសាស្ត្រទីផ្សាររបស់គាត់ហើយប្តូរការយកចិត្តទុកដាក់របស់គាត់ទៅប្រទេសចិន ។ ក្រុមហ៊ុនរបស់គាត់បានសហការជាមួយក្រុមហ៊ុន Tencent ហើយបានចាប់ផ្តើមបង្កើតហ្គេមអនឡាញឈ្មោះ Crossfire ក្នុងឆ្នាំ ២០០៨ ។ វាគឺជាហ្គេមដែលទទួលបានជោគជ័យបំផុតដែលត្រូវបានបង្កើតឡើងដោយក្រុមហ៊ុន Smilegate ។ លោក Kwon Hyuk-Bin កើតនៅឆ្នាំ ១៩៧៤ ដែលបានបញ្ចប់បរិញ្ញាបត្រនៅសាកលវិទ្យាល័យ Sogang ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Seo Jung-Jin ជាស្ថាបនិក និងជាប្រធានក្រុមហ៊ុន Celltrion ដែលជាក្រុមហ៊ុនផលិតថ្នាំវេជ្ជសាស្ត្រទូទៅរបស់ប្រទេសកូរ៉េខាងត្បូង

លោក Seo Jung-Jin គឺជានាយកប្រតិបត្តិ និងជាសហស្ថាបនិករបស់ក្រុមហ៊ុនជីវបច្ចេកវិទ្យា Celltrion ។ នៅខែ មីនា ឆ្នាំ ២០១៦ សហរដ្ឋអាមេរិកបានអនុម័តឲ្យថ្នាំ Inflectra ដែលមានលក្ខណៈប្រហាក់ប្រហែលគ្នាដែលផលិតជាមួយអង្គភាព Hospira របស់ក្រុមហ៊ុន Pfizer ដែលជាថ្នាំ Remicade ដែលមានតម្លៃថោកប្រើជាចម្បងក្នុងការព្យាបាលជំងឺរលាកសន្លាក់ និងជំងឺ Crohn ។ ទន្ទឹមនឹងនេះក្រុមហ៊ុន Celltrion បានទាក់ទាញលើវិនិយោគិនបរទេសរួមមានក្រុមហ៊ុន Temasek Holdings ដែលជាក្រុមហ៊ុនវិនិយោគរបស់រដ្ឋាភិបាលសិង្ហបុរី ។

លោក Seo Jung-Jin បានបង្កើតក្រុមហ៊ុន Celltrion ក្នុងឆ្នាំ ២០០២ ហើយបានយកវាដាក់បង្ហាញជាសាធារណៈនៅឆ្នាំ ២០០៥ ។គាត់គឺជាស្ថាបនិក និងជាប្រធានក្រុមហ៊ុន Celltrion ដែលជាក្រុមហ៊ុនផលិតថ្នាំវេជ្ជសាស្ត្រទូទៅរបស់ប្រទេសកូរ៉េខាងត្បូង ។ ក្រុមហ៊ុនមួយនេះរកប្រាក់ចំណូលបានចំនួន ៩៤៩.១ ពាន់លានវ៉ុន (៨៣៩.៨ លានដុល្លារ) ក្នុងឆ្នាំ ២០១៧ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Bang Jun-Hyuk ជាស្ថាបនិក និងជាប្រធានក្រុមហ៊ុន Netmarble ដែលជាក្រុមហ៊ុនល្បែងដ៏ធំជាងគេរបស់ប្រទេសកូរ៉េខាងត្បូង

លោក Bang Jun-Hyuk គឺជាស្ថាបនិក និងជាប្រធានក្រុមហ៊ុន Netmarble ដែលជាក្រុមហ៊ុនល្បែងដ៏ធំជាងគេរបស់ប្រទេសកូរ៉េខាងត្បូងដែលត្រូវបានបង្កើតឡើងក្នុងឆ្នាំ ២០០០ ។

លោក Bang បានចំណាយទឹកប្រាក់ចំនួន ៨៨.០០០ ដុល្លារដើម្បីបង្កើតក្រុមហ៊ុន Netmarble ។ ក្រុមហ៊ុនរបស់គាត់គ្រោងនឹងដាក់បង្ហាញជាសាធារណៈនៅទីក្រុងសេអ៊ូលកាលពីខែ ឧសភា ឆ្នាំ ២០១៧ ហើយគ្រោងនឹងប្រើទឹកប្រាក់ចំនួន ២,៤ ពាន់លានដុល្លារដែលរំពឹងថានឹងត្រូវបានបង្កើនឆ្ពោះទៅរកឱកាស M&A ថ្មី ។ លោក Bang គឺជាមនុស្សម្នាក់ដែលពូកែក្នុងចំណោមសហគ្រិនបច្ចេកវិទ្យាហើយគាត់ក៏មនុស្សម្នាក់ដែលមានជាងគេបំផុតនៅក្នុងប្រទេសកូរ៉េខាងត្បូងផងដែរ ។​

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Chey Tae-won ជាប្រធានក្រុមហ៊ុន South Korean group SK Corporation

លោក Chey Tae-won កើតនៅថ្ងៃទី ០៣ ខែ ធ្នូ ឆ្នាំ ១៩៦០ គាត់គឺជាប្រធានក្រុមហ៊ុន SK Corporation ។ គាត់ទទួលខុសត្រូវក្នុងការសាងសង់ឧទ្យានដ៏ធំបំផុតនៅកូរ៉េខាងត្បូង ។

អាជីព៖

លោក Choi គឺជាប្រធានក្រុមហ៊ុន South Korean group SK Corporation ដែលជាក្រុមហ៊ុនដ៏ធំជាងគេនៅលំដាប់ទីបីនៅប្រទេសកូរ៉េខាងត្បូង ។ ក្រុមហ៊ុននេះបានធ្វើការវិនិយោគលើវិស័យថាមពល ទូរគមនាគមន៍ និងវិស័យជាច្រើនផ្សេងទៀត ។

នៅក្នុងខែ មករា ឆ្នាំ ២០១២ លោក Choi ត្រូវបានចោទប្រកាន់ពីបទកិបកេងប្រាក់ជាង ៤០ លានដុល្លារពីក្រុមហ៊ុន SK ។ ទោះយ៉ាងណាក៏ដោយគាត់បដិសេធរាល់ការធ្វើខុសរ​បស់គាត់ ។ នៅថ្ងៃទី ៣១ ខែ មក​រា ឆ្នាំ ២០១៣ លោក Choi ត្រូវបានរកឃើញថាមានពិរុទ្ធពីបទកិបកេងប្រាក់ហើយត្រូវបានតុលាការក្រុងសេអ៊ូលកាត់ទោសឱ្យជាប់ពន្ធនាគាររយៈពេល ៤ ឆ្នាំ ។  ប៉ុន្តែក្រោយមកលោក Choi ត្រូវបានលើកលែងទោសដោយប្រធានាធិបតី Park Geun-hye នៅខែ សីហា ឆ្នាំ ២០១៥ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖
Posted on by — Leave a comment

លោកមហាសេដ្ឋី Kim Taek-Jin ជាអ្នកបង្កើតក្រុមហ៊ុន NCSoft ដែលជាក្រុមហ៊ុនហ្គេមអនឡាញដ៏ធំនៅលំដាប់កំពូលនៅលើពិភពលោក

លោក Kim Taek-Jin ជាអ្នកបង្កើតវីដេអូហ្គេមអនទ្បាញនៅលើបណ្តាញសង្គមអ៊ិនធរណេត ។ គាត់គឺជានិស្សិតនៅមហាវិទ្យាល័យវិស្វកម្មនៃសាកលវិទ្យាល័យជាតិនៅទីក្រុងសេអ៊ូល ។​ លោក Kim បានចាប់ផ្តើមបង្កើតកម្មវិធីមួយដែលបានជួយឲ្យអ្នកប្រើប្រាស់ងាយស្រួលក្នុងអនុវត្តលើការវាយអក្សរជាភាសាកូរ៉េ ។

បន្ទាប់ពីគាត់បានទទួលសញ្ញាប័ត្រផ្នែកអនុបណ្ឌិតនៅឆ្នាំ ១៩៩១ គាត់បានធ្វើការនៅក្នុងមជ្ឈមណ្ឌលស្រាវជ្រាវ និងជាអ្នកអភិវឌ្ឍន៍លើគ្រឿងអេឡិចត្រូនិចរបស់ក្រុមហ៊ុន Hyundai នៅទីក្រុងបូស្តុន ។ ហើយក្រោយមកគាត់បានក្លាយជាប្រធានផ្នែកអភិវឌ្ឍន៍ AmiNet ដែលជាផ្នែកមួយរបស់គ្រឿងអេឡិចត្រូនិចដែលបានបើកដំណើរការសេវាកម្មអ៊ីនធឺណេតដំបូងគេនៅក្នុងប្រទេសកូរ៉េខាងត្បូង ។

លោក Kim បានចាប់ផ្តើមបង្កើតក្រុមហ៊ុន NCSoft ក្នុងឆ្នាំ ១៩៩៧ ហើយបានប្រែក្លាយវាទៅជាក្រុមហ៊ុនហ្គេមអនឡាញដ៏ធំនៅលំដាប់កំពូលនៅលើពិភពលោកបន្ទាប់ពីបានបង្កើតកម្មវិធីខ្សែស្រឡាយមួយប្រភេទដែលមានឈ្មោះថា MMORPG ដែលជាហ្គេមអនទ្បាញមួយនៅលើបណ្តាញសង្គមអ៊ីនធឺណេត ។

លោក Kim បានកាន់កាប់ក្រុមហ៊ុនសាធារណៈនៅឆ្នាំ ២០០៣ ហើយគាត់នៅតែជានាយកប្រតិបត្តិរបស់ក្រុមហ៊ុន ។ ហើយបច្ចុប្បន្ននេះក្រុមហ៊ុន NCSoft បានផ្តល់សេវាកម្មហ្គេមអនឡាញនៅលើបណ្តាញសង្គមអ៊ិនធរណេតដល់ប្រទេសជាង ៦០ ប្រទេសផ្សេងៗនៅលើពិភពលោក ។ លោក Kim គឺជាអ្នកចូលចិត្តគាំទ្រកីឡាដោយបានបង្កើតក្រុមកីទ្បាបាល់បោះអាជីពមួយដែលមានឈ្មោះថា NC Dinos ក្នុងឆ្នាំ ២០១១ ។ គាត់បានលក់ភាគហ៊ុន NCSoft របស់គាត់ភាគច្រើនក្នុងឆ្នាំ ២០១២ ហើយឥឡូវនេះនៅសល់តែ ១២ ភាគរយប៉ុណ្ណោះ​ ។

ទ្រព្យសម្បត្តិ៖ Kim Tack-Jin 

លោក Kim Tack-Jin គឺជាអ្នកជំនួញជនជាតិកូរ៉េខាងត្បូងដែលមានទ្រព្យសម្បត្តិសុទ្ធប្រមាណ ១,១ ពាន់លានដុល្លារ ។ ក្នុងឆ្នាំ ១៩៩៧ ក្រុមហ៊ុនរបស់គាត់បានចាប់ផ្តើមបង្កើតហ្គេមអនឡាញជាលើដំបូងដែលមានឈ្មោះថា Lineage ដែលក្រោយមកវាបានក្លាយជាក្រុមហ៊ុនហ្គេមអនឡាញលំដាប់កំពូលនៅលើពិភពលោក ។

ល្បែងប្រជាប្រិយផ្សេងទៀតជាច្រើនដែលបានបង្កើតដូចជា Aion, Guild Wars, Wildstar និង City of Heroes ។ បច្ចុប្បន្ននេះក្រុមហ៊ុន NCSoft បានពង្រីកខ្លួនពីកូរ៉េខាងត្បួងទៅដល់សហរដ្ឋអាមេរិក ថៃ ជប៉ុន ចិន និងអង់គ្លេស ។ ដោយក្រុមហ៊ុនមាននិយោជិកប្រហែល ៣.០០០ នាក់ហើយក្រុមហ៊ុនរកចំណូលបានចំនួន ៦៨៦,៦ លានដុល្លារ ក្នុងឆ្នាំ ២០១២ ។ នេះបើយោងតាមរបាយការណ៍បានអោយដឹងថាលោក Kim Tack-Jin បានលក់ភាគហ៊ុនរបស់គាត់អស់ចំនួន ២៥% ទៅឲ្យក្រុមហ៊ុន Nexon ក្នុងខែ មិថុនា ឆ្នាំ ២០១២ ។

ប្រភព៖ Phnom Penh HR

_ ស្វែងរកឬបកប្រែពាក្យផ្សេងទៀតនៅប្រអប់នេះ៖
_ខាងក្រោមនេះជាសៀវភៅនិងឯកសារសម្រាប់ការងារនិងរៀនគ្រប់ប្រភេទ៖